Ravioli með sætkartöflufyllingu

26 apr. 2017 Salt

Þessi réttur er í sérstöku uppáhaldi hjá okkur mæðgum. Heimagert ravioli með sætkartöflufyllingu og steiktum sveppum, heslihnetum og ólífuolíu. Algjör himnasæla. 

Heimagert pasta hljómar kannski eins og frekar mikið vesen. En í rauninni er það ekkert flóknara en hver önnur matargerð. Það er bara með þetta eins og það sem maður hefur ekki prófað áður, fyrsta skipið fer oft svolítið í að átta sig á aðferðinni og svo verður þetta ekkert mál. Og þetta ravioli er algjörlega þess virði!


Í þetta sinn notuðum við heimalagaðan jurtaost í fyllinguna, en það gerum við ekki alltaf. (Hér er uppskriftin okkar að jurtaosti, við áttum til svolítinn afgang í ísskápnum sem var tilvalið að nota í ravioli). Í fullkomnum heimi myndum við mæðgur velja okkur að útbúa allan mat frá grunni, en auðvitað höfum við ekki alltaf tíma til þess frekar en aðrir, og förum oft styttri leiðina að hlutunum. Þegar maður er að prófa að gera heimagert pasta í fyrsta sinn, þá er kannski bara snjallt að einbeita sér að einu nýju atriði í einu og nota þann ost sem er við hendina. Úrvalið af jurtaostum er orðið svakalega gott í búðunum, okkar uppáhalds er gerður úr möndlum. En notið endilega bara þann smurost sem ykkur þykir bestur. 

Við trúum því að það sé gott fyrir heilsuna að útbúa stóran hluta af matnum okkar frá grunni, en hins vegar er alveg örugglega ekki heilsusamlegt að fá samviskubit yfir því að gera það ekki. Við bara reynum okkar besta, og svo njótum við þess í botn að borða það sem við veljum okkur hverju sinni, heimagert eða ekki. Okkar reynsla er líka sú að þegar við virkilega njótum hvers bita erum við miklu líklegri til að hætta þegar við höfum fengið nóg. Þegar lífið er á fleygiferð er auðvelt að gleyma þessu einfalda ráði (lesist: við erum alltaf að gleyma því sjálfar) svo þess vegna finnst okkur ágætt að minna okkur á:

Slökum á og njótum þess að borða í rólegheitum. Það er líka svo miklu skemmtilegra.



En vindum okkur þá í aðalatriðið, sem er þetta ljúffenga ravioli! Við byrjum á að hræra í pastadeig, og á meðan deigið hvílir sig útbúum við fyllinguna. Svo fletjum við deigið út, setjum fyllinguna í og þá er það tilbúið í pottinn, og það þarf bara að sjóða í 3 mínútur. 


Aðferðin

Skorid-útFletjum deigið út og skerum út hringi eftir glasi eða undirskál (10 cm þvermál)

FyllingKomum fyllingunni fyrir


LokaLokum hverjum hring með fingrunum (þétt puttaför)

Hálfmánar



Svo er bara að setja ravioli varlega ofan í pott með sjóðandi vatni í örstutta stund og steikja sveppi á meðan. Og þá er kominn matur!

Sætkartöflufyllt Ravioli

Ravioli deig

  • 1 ½ b fínt spelt
  • 1 ½ b gróft spelt
  • ¾ tsk sjávarsalt
  • 1 b vatn
  • 2 msk jómfrúar ólífuolía
  • 1-2 msk kjúklingabaunamjöl/maísmjöl
  1. Blandið saman mjöli og salti í skál. Bætið vatni og ólífuolíu út í. Hnoðið þar til þetta er orðið að deigkúlu. Ef deigið er of þurrt, bætið smá vatni út í en ef það er of blautt/klístrað bætið smá spelti út í.
  2. Stráið spelti á borð og hnoðið deigið í um 5-10 mín eða þar til þetta er orðið að mjúku og teygjanlegu deigi.
  3. Þegar deigið er orðið að kúlu er gott að smyrja það með smá ólífuolíu og setja síðan í hreina skál, hylja með viskastykki og láta hvíla í um 30 mínútur. Á meðan er ráð að útbúa fyllinguna.
  4. Fletjið deigið út, frekar þunnt. Notið eitthvað hringlótt til að skera út hringi í deigið (t.d. glas eða lítinn disk). Við höfum okkar hringi ca 10 cm í þvermál.
  5. Setjið 1 væna skeið af fyllingu á hringinn og lokið með fingrunum.  
  6. Setjið út í sjóðandi vatn og látið vera í um 3 mín. (Á meðan er snjallt að steikja sveppina á pönnu)  
  7. Takið upp úr með götóttum spaða, látið vatnið renna aðeins af. 
  8. Berið fram með steiktum sveppum, ristuðum hnetum og stráið yfir steinselju og nokkrum sjávarasaltkornum og skvettu af góðri ólífuolíu.

Fyllingin

  • 300g bakaðar sætar kartöflur (bakið ca 400g í ofni)
  • 100g möndluostur eða annar vegan smurostur
  • 75g ristaðar heslihnetur, gróft saxaðar
  • 1 msk næringarger
  • 1 tsk rósmarín
  • 1 tsk sjávarsaltflögur
  • 1 tsk smátt saxaður chili eða ¼ tsk chiliflögur
  1. Byrjið á að þvo, afhýða og skera sætar kartöflur í u.þ.b. 2x2 cm bita, setjið á ofnplötu með kókosolíu, sjávarsaltflögum og nokkrum rósmarín nálum og bakið við 190°C í 12-15 mín.
  2. Þegar sætu kartöflurnar eru tilbúnar, nýtið þá ofnhitann og ristið 125g heslihnetur í ofninum, í u.þ.b. 5 mínútur. Látið hneturnar kólna aðeins, nuddið jafnvel smá af hýðinu af með viskustykki. Geymið tæpan helming af hnetunum til að nota með sveppunum á eftir, restin fer í fyllinguna.
  3. Setjið nú öll hráefnin í skál og klípið eða hrærið saman.

Ofan á:

  • 200g sveppir, skornir í sneiðar og steiktir á pönnu í smávegis olíu
  • 50g ristaðar heslihnetur
  • 2 msk steinselja, söxuð
  • smá sjávarsaltflögur
  • skvetta af jómfrúar ólífuolíu

Njótið!


Fyllt hátíðar grasker - 10.12.2018 Hildur Salt Solla

Innbakad-28
Hnetusteik er líklega algengasti hátíðarréttur grænkera. Sjálfar framreiðum við hnetusteik nokkrum sinnum á ári og okkur finnst voðalega gaman að leika okkur að því að hafa hana aldrei alveg eins. Í ár ætlum við að nota hnetusteik sem fyllingu í fallegt butternut grasker, það kemur ljómandi vel út. Uppskriftin

Vegan Tartalettur - 6.12.2018 Hildur Salt Solla

Vegan tartalettur

Margir eiga nostalgískar minningar um tartalettur daginn eftir góða jólaveislu. Við mæðgur höfum reyndar ekki þessa tengingu við tartalettur því hefðin er að fylla þær með afgangs kjöti og meðlæti. En ákveðinn tengdasonur/eiginmaður hefur lengi talað fyrir því að hefðir úr hans æsku fái líka hljómgrunn í hátíðahöldunum og höfum við því látið undan og þróað vegan útgáfu af þessari nostalgíu. 
Og jú, hún er bara ljómandi góð.

Uppskriftin

Innbakað Oumph! - 4.12.2018 Hildur Salt Solla

Innbakað jóla Oumph!
Ljúffengur hátíðarréttur fyrir grænkera. Hefðbundið meðlæti fer vel með innbökuðu Oumph!-i Uppskriftin

Vegan sörur - 9.11.2018 Hildur Solla Sætt

Vegan sörur

Ný uppskrift úr tilraunaeldhúsi okkar mæðgna.
Við þróuðum nýja tegund af sörum því við erum pínu óþolinmóðar og langar stundum að stytta okkur leið... en samt bjóða upp á gómsætt gúmmilaði úr lífrænt ræktuðu hráefni.

Uppskriftin

Lakkrís kókoskökur með súkkulaði - 2.11.2018 Hildur Solla Sætt

Lakkrís kókoskökur með súkkulaði

Í skammdeginu finnst okkur svolítið notarlegt að baka eitthvað gott um helgar. Núna um helgina verður smá afmæliskaffi í fjölskyldunni og við ákváðum að baka smákökur sem gætu slegið í gegn hjá afmælisbarninu, sem er hrifið af lakkrís og súkkulaði. 

Uppskriftin

Dal - 15.10.2018 Hildur Salt

Dásamlegt dal

Dal hefur lengi verið uppáhalds maturinn minn. Dal er fyrsti rétturinn sem ég lærði að elda og örugglega sá sem ég hef eldað oftast yfir ævina, ég hef meira að segja borðað dal á jólunum! 

                                                                 - Hildur

Uppskriftin

Babaganoosh - 3.10.2018 Salt Solla

Babaganoosh - grillað eggaldin

Babaganoosh er uppskrift frá Mið-Austurlöndum og í sinni einföldustu útgáfu er hún grillað eggaldin, maukað með sítrónusafa, salti og tahini.
- Solla

Uppskriftin

Berjadraumur úr garðinum - 20.9.2018 Sætt

Ómótstæðilegur berjadraumur úr garðinum

Mamma kom í heimsókn og töfraði fram berjadraum úr rifsberjum og sólberjum úr garðinum. 
- Hildur

Uppskriftin

3 fljótlegir sælkeragrautar - 23.8.2018

Chiagrautar-14

Fyrripart dags uppfyllir chiagrautur mjög margt af því sem ég er að leita að. Saðsamur og gefur endingargóða orku svo ég þarf ekki að vera að fá mér snarl í tíma og ótíma. Og svo er hann líka algjört gúmmilaði, sem er auðvitað aðalatriðið fyrir sælkerann í mér, sem vill helst ekkert borða nema það sé afbragðsgott.  

Uppskriftin

Mjúkt taco með BBQ kjúklingabaunum - 15.8.2018 Salt

Mjúkt taco með kjúklingabaunum

Taco er svona máltíð sem auðvelt er að útbúa þannig að allir fái eitthvað sem þeim líkar vel, jafnvel þótt smekkurinn sé ólíkur. 

Uppskriftin

Vegan bröns - 8.8.2018 Salt Sætt

Vegan brönsj

Helgarbröns er ein af okkar uppáhalds samverustundum með fjölskyldunni, afslappað og eitthvað á borðum sem öllum finnst gott.

Uppskriftin

Grænar skrímsla muffins - 9.7.2018 Sætt

Grænar skrímslamuffins
Einn rigningardaginn í sumarfríinu langaði börnin að baka muffins. Við ákváðum að hleypa ímyndunaraflinu á flug og bjuggum til nýja tegund, grænar skrímslamuffins.  Uppskriftin

Steikt tófú og heimagerð BBQ sósa - 28.6.2018 Salt

Steikt tófú og heimagerð BBQ sósa
Við mæðgur höldum mikið upp á tófú. Uppskriftin

Vegan brauðsalat - 7.6.2018 Salt

Vegan brauðsalat

Brauðsalöt eru eitthvað svo sumarleg. Minna okkur á útilegur og garðveislur og svona ljúfa sumardaga þar sem allir eru of uppteknir í góða veðrinu til að nenna að elda og fá sér bara brauð og salat.

Uppskriftin

Litlar sítrónukökur - 19.5.2018 Sætt

Litlar sítrónutertur

Mjúkar og rjómakenndar sítrónutertur sem bráðna í munni. Þessar ljúffengu litlu tertur er tilvalið að eiga í frystinum og taka fram þegar gesti ber að garði.

Uppskriftin

Uppáhalds chiagrauturinn - 8.5.2018 Sætt

Uppáhalds chiagrauturinn
Þessa dagana er sólberjagrautur algjörlega uppáhalds morgunmatur okkar mæðgna. Svooooo góður! Uppskriftin

Páskagulur mangóís - 27.3.2018 Sætt

Páskagulur mangóís
Í okkar fjölskyldu var ananasbúðingur lengi vel hinn árlegi páskadesert. Kannski er það þess vegna sem okkur finnst alltaf svo gaman að hafa páskadesertana okkar páskagula. Uppskriftin

Appelsínu og chia muffins - 9.3.2018 Sætt

Áferðin er góð, stökkar efst og mjúkar innan í. Alveg passlega sætar og ríkulegt appelsínubragð. Uppskriftin

Fljótleg nærandi skál - 15.1.2018

Okkur mæðgum finnst gaman að elda góðan mat. En stundum (oft) er tíminn af skornum skammti og því höfum við báðar komist upp á lagið með það að útbúa fljótlegar máltíðir úr því sem er til í ísskápnum hverju sinni. Og satt best að segja eru einföldustu og fljótlegustu máltíðirnar oft þær sem eru í mestu uppáhaldi hjá okkur.

Uppskriftin

Veganúar - 11.1.2018

Aukin neysla á jurtaafurðum og minni neysla dýraafurða er jákvæð fyrir umhverfið, heilsuna og dýrin. Að auki kjósum við mæðgur alltaf lífræna ræktun þegar það er hægt, vegna þess að við teljum þá aðferðafræði hafa góðan samhljóm með umhverfinu, sem gagnast okkur öllum til lengri tíma, bæði mönnum og dýrum.

Uppskriftin

Vegan smurálegg - 11.1.2018

Vegan smurálegg

Okkur langar til að sýna ykkur skemmtilega aðferð við að búa til jurta”ost”. Við mæðgur höfum svo gaman af því að búa til svona gúmmelaði, þið gætuð haft gaman af að prófa líka, hvort sem þið eruð Grænkerar eða þykir einfaldlega gaman að prófa eitthvað nýtt.

Uppskriftin

Vegan súkkulaði muffins - 7.1.2018 Sætt

Við mæðgur bökuðum ljúffengar súkkulaði muffins um daginn, sem kláruðust á skotstundu. Við fengum nefnilega nokkra svanga smakkara í óvænta heimsókn. Litlu munnarnir smökkuðu vel og vandlega og við megum teljast heppnar að hafa sjálfar náð að næla okkur í örfáa bita.  Uppskriftin

Ilmandi kanilsnúðar - 6.1.2018 Sætt

Hér áður fyrr var snúðakakan hennar ömmu Hildar fastur liður hjá fjölskyldunni á afmælisdögum. Kakan var samsett af mörgum mjúkum snúðum úr heilhveitiblöndu, sem amma kryddaði með kanil og sætti hóflega með hrásykri. Snúðarnir runnu ávallt ljúflega niður og voru vinsælir meðal ungra afmælisgesta. Það blandaðist því svolítil nostalgía við kanil ilminn í loftinu þegar við mægðurnar bökuðum saman mjúka kanilsnúðaköku og fengum litla fingur til að taka þátt.

Uppskriftin

Tahinibrúnkur - 5.1.2018 Sætt

Núna nýlega helltist afar ákallandi löngun í sætindi með tahini ívafi yfir okkur mæðgurnar, svo við skelltum í tahinibrúnkur sem eru í sérstöku uppáhaldi hjá okkur. Þetta eru ekki dísætar bombur, bara svona passlega svakalega góðar brúnkur. Sesamkeimurinn af tahini-inu blandast ríkulegu súkkulaðibragðinu sérlega vel. Og þegar við bítum í kökurnar er áferðin svona örlítið klístruð og seig en á sama tíma mjúk og dásamleg. Mmm... og stökkar ristaðar heslihnetur...

Uppskriftin

Innbökuð jólasteik - 7.12.2017

Við styttum okkur leið og gerðum fljótlegri útgáfu af hátíðarmatnum. Uppskriftin

Langömmu smákökur - 30.11.2017 Sætt

Smákökubakstur er hluti af aðventuhefð margra, enda voða notalegt í skammdeginu að dunda saman í eldhúsinu og fá smákökuilm í húsið. Flest eigum við okkar uppáhalds sort sem vekur upp góðar minningar. Við mæðgur eigum eina svoleiðis, sem við köllum langömmukökur því uppskriftin kemur upphaflega frá langömmu. Við höfum aðlagað uppskriftina að okkar smekk, minnkað sykurinn svolítið og skipt yfir í hráefni sem við erum hrifnar af. Við viljum hafa sem mest lífrænt ræktað og svo finnst okkur mikilvægt að velja súkkulaði með fairtrade vottun í baksturinn. En kökurnar eru alltaf jafn góðar og bragðið vekur upp aðventu-nostalgíu hjá okkur mæðgum. Uppskriftin

Uppskerusalat með heitum krydduðum kjúklingabaunum - 17.10.2017 Salt

Uppskerusalat

Senuþjófurinn í þessu salati eru klárlega kjúklingabaunirnar, kryddaðar með reyktri papriku og bornar fram heitar. Mmm... við gætum borðað svona baunir í hvert mál.

Uppskriftin

Spergilkáls steik - 13.9.2017 Salt

brokkolisteik

Glænýtt íslenskt spergilkál er í sérstöku uppáhaldi hjá okkur mæðgum. Hér gerum við þetta dásamlega hráefni að aðal stjörnu máltíðarinnar. Spicy sesammaukið bragðast einstaklega vel með steikinni.

Uppskriftin

Ilmandi berjapæja - 28.8.2017 Sætt

Dásamleg bláberjapæja

Á þessum árstíma, á mörkum hausts og síðsumars, finnst okkur mæðgum voða notarlegt að baka ilmandi berjaböku. Við búum svo vel að eiga til smávegis af bláberjum eftir berjamó. Annars er oft hægt að kaupa íslensk bláber og svo er þessi uppskrift líka frábær með þeim berjum sem við eigum hverju sinni. Ilmurinn af nýbakaðri berjaböku er svo dásamlega haustlegur og minnir okkur á að hver árstíð hefur sinn sjarma.

Uppskriftin

Krækiberjasaft - 24.8.2017

En sá lúxus að geta skroppið upp í fjallshlíð og tínt næringarrík ber í kílóavís. Hvað er dásamlegra en að koma þreyttur og sæll heim, með fjólubláa tungu, lungun full af súrefni, krukkur fullar af villtum afurðum landsins og góðar minningar? 

Uppskriftin

Bláberjasulta - 23.8.2017 Sætt

Við mæðgur ólumst báðar upp við berjamó og sultugerð hjá ömmu Hildi. Hún notaði aldrei þessar hefðbundnu sultuuppskriftir þar sem algengt hlutfall berja og sykurs er 50/50. Hún bjó til sínar eigin uppskriftir, minnkaði sykurinn og notaði vel af kryddi eins og kanil, vanillu og engifer (og gerir enn). Bragðlaukarnir okkar vöndust þess vegna aðeins minna sætum sultum og í dag finnst okkur sulturnar bestar vel kryddaðar og ekkert of sætar. Hér er okkar eigin uppskrift að bláberjasultu. Uppskriftin

Regnbogaspaghetti - 9.6.2017 Salt

Það er eitthvað við þessa björtu sumardaga sem kallar fram löngun í litríkan og ferskan mat hjá okkur mæðgum. Grænmetisspaghetti er einn af þessum réttum sem okkur finnst svo góðir á sumrin. Við gerðum ljúffenga útgáfu um daginn og notuðum allt litríkasta grænmetið sem við fundum. 

Uppskriftin

Ofnbakað eggaldin - 19.5.2017 Salt

Bakad-eggaldin-med-fyllingu

Þessa dagana eru til ofsalega falleg og góð eggaldin í búðunum. Við höfum meira að segja rekist á íslensk eggaldin nýlega. Ofnbakað eggaldin finnst okkur virkilega ljúffengt, við notum það oft sem grunn sem við fyllum af því góðgæti sem við eigum til þann daginn. Í þetta sinn fékk rétturinn á sig svolítið mexíkóskan blæ, með baunum, avókadó, kóríander og djúsí kasjúhnetusósu.

Uppskriftin

Litríkar rótarfranskar - 31.3.2017 Salt

Heimalagaðar franskar eru ljúffengar, bæði sem meðlæti en líka bara einar og sér með djúsí sósu til að dýfa í. Þegar við mæðgur gerum franskar finnst okkur skemmtilegast að hafa þær litríkar og notum þess vegna rauðrófur, sætar kartöflur og sellerírót ásamt hinum hefðbundnu hvítu kartöflum. Bragðið verður fjölbreyttara og svo eru þær afbragðs fallegar!

Uppskriftin

Rófu taco - 18.10.2016 Salt

Rófu-taco er einn af okkar uppáhaldsréttum. Okkur finnst alltaf gaman að bjóða upp á réttinn í matarboðum, því hann kemur jafnvel hörðustu sælkerum á óvart. Hollt getur líka verið dásamlega gott!

Uppskriftin