Vegan sörur

9 nóv. 2018 Hildur Solla Sætt

  • Vegan sörur
Sörur eru vinsælar á aðventunni, þegar smákökur eru bakaðar af miklum móð á mörgum íslenskum heimilum. Egg eru mjög mikilvægur hluti af klassískum sörum. Þetta hentar ekki þeim sem hafa valið sér vegan lífsstíl, eða hafa ofnæmi fyrir eggjum, og þess vegna langaði okkur að spreyta okkur á því að baka kökur sem eru innblásnar af sörum, en eru vegan-vænar. Og svo reynum við auðvitað alltaf að velja sem mest lífrænt ræktað hráefni, hvort sem við erum að matreiða holla grænmetisrétti, eða útbúa sparileg sætindi.

Undanfarin ár hafa snjallir grænkerar masterað þá list að útbúa sörubotna og krem úr aquafaba (þeyttum kjúklingabaunavökva). Við höfum prófað það, en við erum hinsvegar smá óþolinmóðar (stundum) og vildum finna upp á einfaldri og fljótlegri aðferð. Og eftir smá tilraunastarfssemi fæddist þessi uppskrift. Þessar kökur eru svaaakalega góðar. Kannski eru þær ekki nákvæmlega eins og klassískar sörur, en okkur finnst það allt í lagi, enda annað hráefni notað. Tilfinningin er samt sú sama... 

...að finna þunnan súkkulaðihjúpinn brotna undan tönnunum, sökkva svo í dásamlegt kaffikrem og enda í mjúkum og pínu karamellukenndum möndlubotni. Fullkomnun!
Sorur-5Jólin eru auðvitað ekki í næstu viku, en við ákváðum að byrja bara snemma að prófa okkur áfram, ef einhverjir þarna úti væru að leita að sniðugri uppskrift fyrir jólin. Við munum klárlega baka svona kökur aftur á aðventunni, enda finnst okkur gaman að geta boðið fjölskyldunni upp á heimalagað gúmmelaði úr lífrænt ræktuðu hráefni.
Sorur-10Við notuðum lífrænt dökkt súkkulaði (71%). Við erum hrifnar af ríkulegu súkkulaðibragðinu af vel dökku súkkulaði, og börnin í fjölskyldunni eru vön því líka. En það er auðvitað hægt að velja ljósara súkkulaði, það fer bara eftir smekk. Okkur finnst allavega mikilvægt að nota súkkulaði með fairtrade vottun.


Aðferðin
Klassískar söru uppskriftir gera ráð fyrir því að kreminu sé sprautað á botnana og kökurnar svo settar í kæli áður en þær eru súkkulaðihjúpaðar. Þetta er mjög elegant aðferð, en við erum mikið fyrir að stytta okkur leið og gerum þetta því í annarri röð. 

Okkur finnst semsagt best að byrja á að útbúa kremið og koma því í kælingu, á meðan botnarnir eru bakaðir. Svo eru botnarnir kældir aðeins áður en kalt kremið er sett á og kökurnar síðan hjúpaðar strax í súkkulaði, okkur finnst þetta fljótlegra og auðveldara svona. 

(Ef þið eruð vön að nota sprautupoka og viljið frekar gera þetta í klassískri röð, þá er það bara snilld. En leiðbeiningarnar hér miðast við okkar aðferð).


Allt hráefnið í kökurnar fæst í Bónus og Hagkaup

Kremið

  • 260g vegan smjörlíki (t.d. Earth Balance), kalt
  • 150g malaður hrásykur
  • ½ tsk instant kaffiduft
  • 25g kakóduft

Malið hrásykurinn fínt í matvinnsluvél/blandara/kryddkvörn til að fá svipaða áferð og flórsykur. Gott að skella instant kaffiduftinu með í lokin, þá malast það fínna í leiðinni.
Best er að taka vegan smjörið beint úr kælinum og skera í bita. 
Setjið kalt smjör, malaðan sykur og kaffiduft og kakóduft í hrærivél og þeytið með þeytara. (Hægt að nota matvinnsluvél ef þið eigið ekki hrærivél).

Setjið kremið í ílát og geymið í kæli eða frysti*. (Gott að setja í frystinn svo það kólni hratt ef þið ætlið að útbúa sörurnar strax).
* nema þið ætlið að sprauta kreminu á botnana

Botninn

  • 2 b möndlumjöl eða fínt malaðar möndlur
  • ½ b hlynsíróp
  • 2 msk brúnt möndlusmjör frá Himneskt
  • ½ tsk vanilla 
  • smá sjávarsalt

Hrærið allt hráefnið saman í hrærivél með hrærispaða þar til allt hefur blandast saman, í ca 2-3 mínútur. Gott að rúlla deigið í pulsur og skera svo passlega bita til að setja á ofnplötu*.

Bakið botnana í forhituðum ofni við 180°C í ca 6 mínútur**. Fylgist vel með til að ofbaka ekki, botnarnir eiga ekki að brúnast.
Leyfið botnunum að kólna á kæligrind og setjið svo í viskastykki og inn í kæli til að botnarnir séu kaldir þegar kalt kremið er sett á og kökurnar hjúpaðar í súkkulaði.

* Þykkt: á myndinni eru botnarnir aðeins of þykkir, smakkararnir okkar sögðust vilja aðeins þynnri botna. Við gerðum botnana þynnri í næstu lögun og það var mun betra jafnvægi, en við nenntum ekki að taka nýjar myndir :-)
** Í rauninni er aðallega verið að "loka" deiginu með bakstrinum, við viljum ekki baka botnana of lengi svo þeir verði ekki stökkir. 

Hjúpurinn

  • 300g dökkt súkkulaði, lífrænt og fairtrade
Nú eru botnarnir að kólna í kælinum og kremið orðið kalt. Snjallt að setja tóman disk inn í kæli til að raða kökunum á á eftir.
Brjótið ca ¾ af súkkulaðinu niður í bita og bræðið í skál yfir vatnsbaði. Saxið restina smátt og geymið aðeins. Þegar súkkulaðið í skálinni er bráðnað, takið skálina úr vatnsbaðinu og hrærið saxaða súkkulaðinu út í. Hrærið nú vel í með gaffli svo það komi smá loft í súkkulaðið á meðan það er að kólna smá, það hjálpar súkkulaðinu að temprast aðeins og gefur fallegri gljáa á hjúpinn. Nú er súkkulaðið tilbúið.

Smyrjið nú köldu kremi með teskeið á kalda botnana og dýfið toppnum ofan í súkkulaðið. Raðið kökunum á disk (gott að hafa diskinn kaldan) og setjið í kæli til að stífna. 
Kökurnar geymast best í kæli og eru fullkomnar að njóta beint úr kælinum. Eða frysti ef á að geyma þær lengi (okkar hurfu mjög hratt svo það reyndist óþarft).

Njótið!
Sorur

Fyllt hátíðar grasker - 10.12.2018 Hildur Salt Solla

Innbakad-28
Hnetusteik er líklega algengasti hátíðarréttur grænkera. Sjálfar framreiðum við hnetusteik nokkrum sinnum á ári og okkur finnst voðalega gaman að leika okkur að því að hafa hana aldrei alveg eins. Í ár ætlum við að nota hnetusteik sem fyllingu í fallegt butternut grasker, það kemur ljómandi vel út. Uppskriftin

Vegan Tartalettur - 6.12.2018 Hildur Salt Solla

Vegan tartalettur

Margir eiga nostalgískar minningar um tartalettur daginn eftir góða jólaveislu. Við mæðgur höfum reyndar ekki þessa tengingu við tartalettur því hefðin er að fylla þær með afgangs kjöti og meðlæti. En ákveðinn tengdasonur/eiginmaður hefur lengi talað fyrir því að hefðir úr hans æsku fái líka hljómgrunn í hátíðahöldunum og höfum við því látið undan og þróað vegan útgáfu af þessari nostalgíu. 
Og jú, hún er bara ljómandi góð.

Uppskriftin

Innbakað Oumph! - 4.12.2018 Hildur Salt Solla

Innbakað jóla Oumph!
Ljúffengur hátíðarréttur fyrir grænkera. Hefðbundið meðlæti fer vel með innbökuðu Oumph!-i Uppskriftin

Lakkrís kókoskökur með súkkulaði - 2.11.2018 Hildur Solla Sætt

Lakkrís kókoskökur með súkkulaði

Í skammdeginu finnst okkur svolítið notarlegt að baka eitthvað gott um helgar. Núna um helgina verður smá afmæliskaffi í fjölskyldunni og við ákváðum að baka smákökur sem gætu slegið í gegn hjá afmælisbarninu, sem er hrifið af lakkrís og súkkulaði. 

Uppskriftin

Dal - 15.10.2018 Hildur Salt

Dásamlegt dal

Dal hefur lengi verið uppáhalds maturinn minn. Dal er fyrsti rétturinn sem ég lærði að elda og örugglega sá sem ég hef eldað oftast yfir ævina, ég hef meira að segja borðað dal á jólunum! 

                                                                 - Hildur

Uppskriftin

Babaganoosh - 3.10.2018 Salt Solla

Babaganoosh - grillað eggaldin

Babaganoosh er uppskrift frá Mið-Austurlöndum og í sinni einföldustu útgáfu er hún grillað eggaldin, maukað með sítrónusafa, salti og tahini.
- Solla

Uppskriftin

Berjadraumur úr garðinum - 20.9.2018 Sætt

Ómótstæðilegur berjadraumur úr garðinum

Mamma kom í heimsókn og töfraði fram berjadraum úr rifsberjum og sólberjum úr garðinum. 
- Hildur

Uppskriftin

3 fljótlegir sælkeragrautar - 23.8.2018

Chiagrautar-14

Fyrripart dags uppfyllir chiagrautur mjög margt af því sem ég er að leita að. Saðsamur og gefur endingargóða orku svo ég þarf ekki að vera að fá mér snarl í tíma og ótíma. Og svo er hann líka algjört gúmmilaði, sem er auðvitað aðalatriðið fyrir sælkerann í mér, sem vill helst ekkert borða nema það sé afbragðsgott.  

Uppskriftin

Mjúkt taco með BBQ kjúklingabaunum - 15.8.2018 Salt

Mjúkt taco með kjúklingabaunum

Taco er svona máltíð sem auðvelt er að útbúa þannig að allir fái eitthvað sem þeim líkar vel, jafnvel þótt smekkurinn sé ólíkur. 

Uppskriftin

Vegan bröns - 8.8.2018 Salt Sætt

Vegan brönsj

Helgarbröns er ein af okkar uppáhalds samverustundum með fjölskyldunni, afslappað og eitthvað á borðum sem öllum finnst gott.

Uppskriftin

Grænar skrímsla muffins - 9.7.2018 Sætt

Grænar skrímslamuffins
Einn rigningardaginn í sumarfríinu langaði börnin að baka muffins. Við ákváðum að hleypa ímyndunaraflinu á flug og bjuggum til nýja tegund, grænar skrímslamuffins.  Uppskriftin

Steikt tófú og heimagerð BBQ sósa - 28.6.2018 Salt

Steikt tófú og heimagerð BBQ sósa
Við mæðgur höldum mikið upp á tófú. Uppskriftin

Vegan brauðsalat - 7.6.2018 Salt

Vegan brauðsalat

Brauðsalöt eru eitthvað svo sumarleg. Minna okkur á útilegur og garðveislur og svona ljúfa sumardaga þar sem allir eru of uppteknir í góða veðrinu til að nenna að elda og fá sér bara brauð og salat.

Uppskriftin

Litlar sítrónukökur - 19.5.2018 Sætt

Litlar sítrónutertur

Mjúkar og rjómakenndar sítrónutertur sem bráðna í munni. Þessar ljúffengu litlu tertur er tilvalið að eiga í frystinum og taka fram þegar gesti ber að garði.

Uppskriftin

Uppáhalds chiagrauturinn - 8.5.2018 Sætt

Uppáhalds chiagrauturinn
Þessa dagana er sólberjagrautur algjörlega uppáhalds morgunmatur okkar mæðgna. Svooooo góður! Uppskriftin

Páskagulur mangóís - 27.3.2018 Sætt

Páskagulur mangóís
Í okkar fjölskyldu var ananasbúðingur lengi vel hinn árlegi páskadesert. Kannski er það þess vegna sem okkur finnst alltaf svo gaman að hafa páskadesertana okkar páskagula. Uppskriftin

Appelsínu og chia muffins - 9.3.2018 Sætt

Áferðin er góð, stökkar efst og mjúkar innan í. Alveg passlega sætar og ríkulegt appelsínubragð. Uppskriftin

Fljótleg nærandi skál - 15.1.2018

Okkur mæðgum finnst gaman að elda góðan mat. En stundum (oft) er tíminn af skornum skammti og því höfum við báðar komist upp á lagið með það að útbúa fljótlegar máltíðir úr því sem er til í ísskápnum hverju sinni. Og satt best að segja eru einföldustu og fljótlegustu máltíðirnar oft þær sem eru í mestu uppáhaldi hjá okkur.

Uppskriftin

Veganúar - 11.1.2018

Aukin neysla á jurtaafurðum og minni neysla dýraafurða er jákvæð fyrir umhverfið, heilsuna og dýrin. Að auki kjósum við mæðgur alltaf lífræna ræktun þegar það er hægt, vegna þess að við teljum þá aðferðafræði hafa góðan samhljóm með umhverfinu, sem gagnast okkur öllum til lengri tíma, bæði mönnum og dýrum.

Uppskriftin

Vegan smurálegg - 11.1.2018

Vegan smurálegg

Okkur langar til að sýna ykkur skemmtilega aðferð við að búa til jurta”ost”. Við mæðgur höfum svo gaman af því að búa til svona gúmmelaði, þið gætuð haft gaman af að prófa líka, hvort sem þið eruð Grænkerar eða þykir einfaldlega gaman að prófa eitthvað nýtt.

Uppskriftin

Vegan súkkulaði muffins - 7.1.2018 Sætt

Við mæðgur bökuðum ljúffengar súkkulaði muffins um daginn, sem kláruðust á skotstundu. Við fengum nefnilega nokkra svanga smakkara í óvænta heimsókn. Litlu munnarnir smökkuðu vel og vandlega og við megum teljast heppnar að hafa sjálfar náð að næla okkur í örfáa bita.  Uppskriftin

Ilmandi kanilsnúðar - 6.1.2018 Sætt

Hér áður fyrr var snúðakakan hennar ömmu Hildar fastur liður hjá fjölskyldunni á afmælisdögum. Kakan var samsett af mörgum mjúkum snúðum úr heilhveitiblöndu, sem amma kryddaði með kanil og sætti hóflega með hrásykri. Snúðarnir runnu ávallt ljúflega niður og voru vinsælir meðal ungra afmælisgesta. Það blandaðist því svolítil nostalgía við kanil ilminn í loftinu þegar við mægðurnar bökuðum saman mjúka kanilsnúðaköku og fengum litla fingur til að taka þátt.

Uppskriftin

Tahinibrúnkur - 5.1.2018 Sætt

Núna nýlega helltist afar ákallandi löngun í sætindi með tahini ívafi yfir okkur mæðgurnar, svo við skelltum í tahinibrúnkur sem eru í sérstöku uppáhaldi hjá okkur. Þetta eru ekki dísætar bombur, bara svona passlega svakalega góðar brúnkur. Sesamkeimurinn af tahini-inu blandast ríkulegu súkkulaðibragðinu sérlega vel. Og þegar við bítum í kökurnar er áferðin svona örlítið klístruð og seig en á sama tíma mjúk og dásamleg. Mmm... og stökkar ristaðar heslihnetur...

Uppskriftin

Innbökuð jólasteik - 7.12.2017

Við styttum okkur leið og gerðum fljótlegri útgáfu af hátíðarmatnum. Uppskriftin

Langömmu smákökur - 30.11.2017 Sætt

Smákökubakstur er hluti af aðventuhefð margra, enda voða notalegt í skammdeginu að dunda saman í eldhúsinu og fá smákökuilm í húsið. Flest eigum við okkar uppáhalds sort sem vekur upp góðar minningar. Við mæðgur eigum eina svoleiðis, sem við köllum langömmukökur því uppskriftin kemur upphaflega frá langömmu. Við höfum aðlagað uppskriftina að okkar smekk, minnkað sykurinn svolítið og skipt yfir í hráefni sem við erum hrifnar af. Við viljum hafa sem mest lífrænt ræktað og svo finnst okkur mikilvægt að velja súkkulaði með fairtrade vottun í baksturinn. En kökurnar eru alltaf jafn góðar og bragðið vekur upp aðventu-nostalgíu hjá okkur mæðgum. Uppskriftin

Uppskerusalat með heitum krydduðum kjúklingabaunum - 17.10.2017 Salt

Uppskerusalat

Senuþjófurinn í þessu salati eru klárlega kjúklingabaunirnar, kryddaðar með reyktri papriku og bornar fram heitar. Mmm... við gætum borðað svona baunir í hvert mál.

Uppskriftin

Spergilkáls steik - 13.9.2017 Salt

brokkolisteik

Glænýtt íslenskt spergilkál er í sérstöku uppáhaldi hjá okkur mæðgum. Hér gerum við þetta dásamlega hráefni að aðal stjörnu máltíðarinnar. Spicy sesammaukið bragðast einstaklega vel með steikinni.

Uppskriftin

Ilmandi berjapæja - 28.8.2017 Sætt

Dásamleg bláberjapæja

Á þessum árstíma, á mörkum hausts og síðsumars, finnst okkur mæðgum voða notarlegt að baka ilmandi berjaböku. Við búum svo vel að eiga til smávegis af bláberjum eftir berjamó. Annars er oft hægt að kaupa íslensk bláber og svo er þessi uppskrift líka frábær með þeim berjum sem við eigum hverju sinni. Ilmurinn af nýbakaðri berjaböku er svo dásamlega haustlegur og minnir okkur á að hver árstíð hefur sinn sjarma.

Uppskriftin

Krækiberjasaft - 24.8.2017

En sá lúxus að geta skroppið upp í fjallshlíð og tínt næringarrík ber í kílóavís. Hvað er dásamlegra en að koma þreyttur og sæll heim, með fjólubláa tungu, lungun full af súrefni, krukkur fullar af villtum afurðum landsins og góðar minningar? 

Uppskriftin

Bláberjasulta - 23.8.2017 Sætt

Við mæðgur ólumst báðar upp við berjamó og sultugerð hjá ömmu Hildi. Hún notaði aldrei þessar hefðbundnu sultuuppskriftir þar sem algengt hlutfall berja og sykurs er 50/50. Hún bjó til sínar eigin uppskriftir, minnkaði sykurinn og notaði vel af kryddi eins og kanil, vanillu og engifer (og gerir enn). Bragðlaukarnir okkar vöndust þess vegna aðeins minna sætum sultum og í dag finnst okkur sulturnar bestar vel kryddaðar og ekkert of sætar. Hér er okkar eigin uppskrift að bláberjasultu. Uppskriftin

Regnbogaspaghetti - 9.6.2017 Salt

Það er eitthvað við þessa björtu sumardaga sem kallar fram löngun í litríkan og ferskan mat hjá okkur mæðgum. Grænmetisspaghetti er einn af þessum réttum sem okkur finnst svo góðir á sumrin. Við gerðum ljúffenga útgáfu um daginn og notuðum allt litríkasta grænmetið sem við fundum. 

Uppskriftin

Ofnbakað eggaldin - 19.5.2017 Salt

Bakad-eggaldin-med-fyllingu

Þessa dagana eru til ofsalega falleg og góð eggaldin í búðunum. Við höfum meira að segja rekist á íslensk eggaldin nýlega. Ofnbakað eggaldin finnst okkur virkilega ljúffengt, við notum það oft sem grunn sem við fyllum af því góðgæti sem við eigum til þann daginn. Í þetta sinn fékk rétturinn á sig svolítið mexíkóskan blæ, með baunum, avókadó, kóríander og djúsí kasjúhnetusósu.

Uppskriftin

Litríkar rótarfranskar - 31.3.2017 Salt

Heimalagaðar franskar eru ljúffengar, bæði sem meðlæti en líka bara einar og sér með djúsí sósu til að dýfa í. Þegar við mæðgur gerum franskar finnst okkur skemmtilegast að hafa þær litríkar og notum þess vegna rauðrófur, sætar kartöflur og sellerírót ásamt hinum hefðbundnu hvítu kartöflum. Bragðið verður fjölbreyttara og svo eru þær afbragðs fallegar!

Uppskriftin

Rófu taco - 18.10.2016 Salt

Rófu-taco er einn af okkar uppáhaldsréttum. Okkur finnst alltaf gaman að bjóða upp á réttinn í matarboðum, því hann kemur jafnvel hörðustu sælkerum á óvart. Hollt getur líka verið dásamlega gott!

Uppskriftin