Uppskrift

• 2 rauðrófur
  

Afhýðið og skerið í örþunnar hringlóttar sneiðar, annað hvort með ótrúlega beittum hníf eða á “mandólíni”, líka hægt að nota ostaskera

Marinering

• 1 dl appelsínusafi
  
• 2 msk limesafi
  
• 2 msk kaldpressuð ólífuolía
  
• 1 msk tamarisósa
  
• 1 msk balsamik gljái
  
• 1 msk engiferskot
  

Setjið þunnt skornar rauðrófurnar á fat. Hrærið marineringuna saman og hellið yfir og látið standa í 1 klst (því lengur sem þær marinerast því meyrari og flottari verða þær, mega líka marinerast yfir nótt í ísskápnum)

Fylling

• 2 dl furuhnetur, lagðar í bleyti í a.m.k 2 klst 
  
• 2 dl kasjúhnetur, lagðar í bleyti í a.m.k. 2 klst 
  
• 1-2 hvítlauksrif 
  
• 2 vorlaukar 
  
• 1 búnt fersk basilíka 
  
• ½ msk tamarisósa 
  
• ½ - ¾ dl sítrónusafi 
  
• ¼ dl kaldpressuð ólífuolía

Hellið útbleytivatninu af hnetunum. Setjið hnetur, hvítlauk, vorlauk og ferska basilíku í matvinnsluvél og maukið, bætið restinni af uppskriftinni útí og blandið vel saman. Bragðist til með smá himalaya/sjávarsalti og nýmöluðum ferskum pipar.

Samsetning

Setjið nú 1 tsk af fyllingu á hverja rauðrófusneið og brjótið í tvennt, þannig að þetta verða lítil hálfmána ravioli. Ef rauðrófu sneiðin er frekar lítil má setja 1 tsk af fyllingu á hverja rauðrófu sneið og loka svo með því að setja aðra sneið ofan á.