RAW lasagna

Hráfæðiréttir

  • Miðlungs
  • Vegan: Já
  • Hráfæði: Já
  • Viðbættur sykur: Nei
  • Mjókurlaust: Já
  • Eggjalaust: Já
  • Glútenlaust: Já

Uppskrift

Í þennan sparilega rétt eru notaðar útbleyttar kasjúhnetur og brasilíuhnetur. Skynsamlegt er að leggja hneturnar í bleyti í u.þ.b. 2 klst áður en rétturinn er búinn til. 

Fyrir kúrbítinn

  • 1 kúrbítur 
  • marinering:
  • 2 msk sítrónusafi 
  • 1 msk ólífuolía 
  • ½ tsk hvítlauksduft 
  • ½ tsk oregano

Notið mandolín eða ostaskera til að skera kúrbítinn í langar sneiðar. Setjið hann í skál með smá skvettu af sítrónusafa og ólífuolíu, hvítlauksdufti og oregano og leyfið að marinerast á meðan þið búið til pestóin og ostinn. 


Grænt pestó

  • 1 búnt fersk basilíka
  • handfylli rúkóla
  • 1 ¼ dl útbleyttar kasjúhnetur
  • 1-2 msk næringarger
  • 1 stórt hvítlauksrif
  • ¼ - ½ tsk sjávarsaltflögur
  • ⅔ dl kaldpressuð ólífuolía

Allt sett í matvinnsluvél og blandað, passið að blanda ekki alveg í mauk. 

Rautt pestó

  • 125g sólþurrkaðir tómatar
  • 2 plómutómatar
  • ½ rauð paprika
  • 1 hvítlauksrif
  • 2 döðlur
  • 1 tsk oregano
  • ½ tsk sjávarsaltflögur

Skerið tómatana í tvennt og fjarlægið kjarnann, skerið paprikuna í tvennt og steinhreinsið og skerið i bita. Setjið allt í matvinnsluvél og blandið þar til þetta verður að grófu mauki. Smakkið til með salti.

Hnetuostur

  • 1 ¼ dl útbleyttar brasilíuhnetur
  • ⅔ dl útbleyttar kasjúhnetur
  • 2-3 msk vatn
  • 2 msk sítrónusafi
  • 2-3 msk næringarger
  • 1 tsk probiotik duft (hægt að opna hylki m acidophilus)
  • 1 tsk laukduft
  • ½ tsk sjávarsalt 
  • smá nýmalaður svartur pipar
  • fullt fullt af ást

Setjið allt í matvinnsluvél og blandið þar til orðið að fallegum osti.

Samsetning 

1 lag kúrbítssneiðar + 1 lag grænt pestó + 1 lag brasilíuhnetuostur + 1 lag kúrbítssneiðar + 1 lag rautt pestó + 1 lag avókadósneiðar = endurtekið