Vegan borgari

Buff og falafel

  • 6 manns
  • Miðlungs
  • Vegan: Já
  • Hráfæði: Nei
  • Viðbættur sykur: Nei
  • Mjókurlaust: Já
  • Eggjalaust: Já
  • Glútenlaust: Já

Uppskrift

Þessi ljúffengi svartbaunaborgari er virkilega góður í hamborgarabrauði, borinn fram með rótarfrönskum og spicy vegan mayo (uppskrift finnið þið hér á vefnum undir meðlæti). Borgarinn er líka góður án brauðs, með góðu meðlæti eins og ofnbökuðu grænmeti og fersku salati.


  • olía til að mýkja upp úr 
  • 4 hvítlauksrif
  • 5 dl sveppir, í þunnum sneiðum
  • 2 ½ dl soðnar svartar baunir
  • 2 ½ dl soðnar augnbaunir
  • 2 dl bakaðar sætar kartöflur
  • 1 ½ dl möndlumjöl
  • 1 dl chiafræ, möluð
  • 1 msk reykt paprika, duft
  • 1 tsk salt
  • 1 tsk laukduft
  • ½ tsk nýmalaður svartur pipar
Byrjið á að afhýða sætu kartöfluna og skera í litla bita.

Kryddið með smá olíu, salti og nýmöluðum svörtum pipar. 
Bakið í ofni við 200°C í 10 mín. 
Skerið sveppina í litla bita og saxið hvítlaukinn smátt, steikið upp úr smá olíu. 
Setjið alla uppskriftina í skál og hnoðið saman. 
Mótið 6 borgara sem þið setjið í kæli í um 30 mín. 

Steikið upp úr góðri olíu á pönnu við miðlungshita þar til þeir eru gullnir báðum megin.