Árstíðirnar


Kókosmolar

Jól (Vetur) Sælgæti Vor

  • Auðvelt
  • Vegan: Já
  • Viðbættur sykur: Já
  • Mjókurlaust: Já
  • Eggjalaust: Já
  • Glútenlaust: Já

Uppskrift

Konfektgerð er skemmtileg fyrir jólin. Þessir dásamlegu kókosmolar eru sérlega einfaldir og ljúffengir. Tilvalið föndur fyrir fjölskyldustund. 


  • 3 ½ dl kókosmjöl 
  • 1¾ dl kókosmjólk (notið bara þykka partinn af kókosmjólkinni, setjið dósina inn í ísskáp og þá stífnar hún að hluta til og hægt er að taka stífa partinn með skeið)
  • ½ dl ekta hlynsíróp
  • 1 msk kókosolía
  • nokkur sjávarsaltkorn
  • 200g 71% súkkulaði

Setjið allt nema súkkulaðið í matvinnsluvél og blandið þar til þetta verður að þykkri og svolítið klístraðri fyllingu.

Gott er að setja fyllinguna í smá stund inn í ísskáp og láta stífna svo auðvelt sé að móta kúlur. 

Geymið kúlurnar í frystinum/kæli á meðan súkkulaðið er brætt, þannig verður húðunin auðveldari.

Bræðið 71% dökkt súkkulaði yfir vatnsbaði.

Dýfið köldum kúlum í súkkulaðið og leggið á grind/bökunarpappír og látið storkna.

Geymið í kæli/frysti.