Hrært tófú

Dögurður

  • Miðlungs
  • Vegan: Já
  • Viðbættur sykur: Nei
  • Mjókurlaust: Já
  • Eggjalaust: Já
  • Glútenlaust: Já

Uppskrift

  • 2 msk ólífuolía
  • ¼ stk rauðlaukur
  • 2 hvítlauksrif
  • 4 grænkálsblöð
  • 250g tófú
  • Maringering fyrir tófú:
  • 2-3 msk möndlumjólk
  • 2 msk næringarger
  • 1 msk tamari
  • 1 msk sinnep
  • ½ tsk turmerik 
  • ¼ tsk chiliflögur
  • smá sjávarsaltflögur
  • Ofan á
  • avókadósneiðar

Byrjið á að marinera tófúið.
Þið hrærið saman möndlumjólk, næringargeri, tamari, sinnepi, turmeriki, chiliflögum og smá sjávarsalti í skál.
Áður en tófúið er sett út í þarf að “kreista” vatnið úr því . Vefjið því inn í viskustykki og léttkreistið. Passið að kreista ekki of fast svo að tófúið fari ekki i mauk. Það er mjög líklegt að þið þurfið að nota 2 viskustykki við þessa athöfn því það leynist meira vatn í tófúinu en ykkur grunar.
Myljið nú tófúið út í og hrærið kryddmarineringunni inn í tófúið.
Á meðan tófúið er að marinerast saxið þá laukinn smátt, pressið hvítlaukinn og fjarlægið grænkálið af stönglinum og saxið það smátt.
Hitið olíu á pönnu og steikið lauk og hvítlauk í 4-5 mín.
Setjið grænkálið út á og steikið í 1 mín í viðbót.  
Bætið tófúinu við og látið létt steikjast í 4-5 mín.
Berið fram í skál og setjið nokkrar avókadósneiðar ofan á.