Sætindi

Fyrirsagnalisti

Lakkrís kókos smákökur - Jól (Vetur) Smákökur

Rosalega góðar smákökur úr lífrænt ræktuðu hráefni, að mestu.


Vegan Sörur - Jól (Vetur) Smákökur

Sörur eru vinsælar á aðventunni, þegar smákökur eru bakaðar af miklum móð á mörgum íslenskum heimilum. Egg eru mjög mikilvægur hluti af klassískum sörum. Þetta hentar ekki þeim sem hafa valið sér vegan lífsstíl, eða hafa ofnæmi fyrir eggjum, og þess vegna langaði okkur að spreyta okkur á því að baka kökur sem eru innblásnar af sörum, en eru vegan-vænar. Eftir smá tilraunastarfssemi fæddist þessi uppskrift. Þessar kökur eru svaaakalega góðar. Kannski eru þær ekki nákvæmlega eins og klassískar sörur, en okkur finnst það allt í lagi, enda annað hráefni notað. Tilfinningin er samt sú sama... ...að finna þunnan súkkulaðihjúpinn brotna undan tönnunum, sökkva svo í dásamlegt kaffikrem og enda í mjúkum og pínu karamellukenndum möndlubotni. Fullkomnun!

Rúsínukökur - Jól (Vetur) Smákökur

Vegan smákökur úr Himnesku hráefni. Kókosinn og rúsínurnar fara svo vel saman í þessum dásamlegu smákökum. 

Kryddaðar perur - Haust

Volgar og mjúkar engiferperur eru tilvalinn hversdags eftirréttur. Dásamlegar bornar fram með þeyttum rjóma eða smá ís. Og jafnvel söxuðum möndlum eða hnetum til að strá yfir. 

Hnetusmjörs og súkkulaðibita kökur - Jól (Vetur) Smákökur

Hér eru á ferðinni djúsí súkkulaðibitakökur fyrir hnetusmjörs aðdáendur. Lífrænt ræktað hráefni, ríkulegt hnetusmjörsbragð og dökkt súkkulaði: Himnesk blanda!
Uppskriftin er vegan og hentar einnig þeim sem ekki borða hveiti.
Í kökurnar notum við 71% dökkt súkkulaði frá Himneskt, sem er FairTrade vottað. Ef þið viljið nota sætt súkkulaði eins og t.d. suðusúkkulaði eða annað baksturssúkkulaði, þá er ráð að minnka aðeins sykurinn í uppskriftinni á móti. 


Orkukúlur - Orkustykki Sælgæti Vor

Þessar einföldu orkukúlur eru frábært nesti í útivistina. Þær eru líka upplagt nammi og virkilega ljúffengar með kaffinu. 

Vegan banana muffins - Kökur

Ljúffengar bananamuffins sem er tilvalið að baka þegar bananarnir á eldhúsborðinu eru komnir á síðasta snúning. Auðveld uppskrift sem krakkarnir hafa gaman af að spreyta sig á. Dásamlegar með helgarkaffinu.

Snikkersbitar - Hráfæði Kökur

Þessir fljótlegu snikkersbitar slá alltaf í gegn! Molarnir eru ljúffengir og saðsamir og uppskriftin gerist ekki einfaldari. 

Súkkulaðibitakökur - Jól (Vetur) Smákökur

Í þessar dýrindis smákökur notum við 71% súkkulaðið okkar, sem er fairtrade vottað og gefur ríkulegt súkkulaðibragð.
Hráefnið er lífrænt ræktað og uppskriftin hentar vegan lífsstíl. 

Límónuterta - Hráfæði Kökur

Avókadó leikur aðalhlutverkið í þessari einföldu en dásamlega bragðgóðu böku sem kemur alltaf á óvart og slær í gegn!

Kanilsnúðar - Brauð og bakstur Haust

Í skammdeginu er tilvalið að baka mjúka kanilsnúða og fá ljúfan ilm í eldhúsið. Þessir snúðar eru vegan og því er notuð kókosolía í staðinn fyrir smjör. Þeir sem vilja fá smjörkeim geta notað vegan smjör, t.d. frá Earth balance í staðinn, það kemur mjög vel út. Við völdum kókospálmasykur í fyllinguna því okkur finnst hann blandast sérlega vel með kanilnum og gefa góðan keim. 

Marzípanmolar - Jól (Vetur) Sælgæti

Þessir dásamlegu marzípanmolar eru einfaldir og ljúffengir. Tilvalið föndur fyrir fjölskyldustund. 

Súkkulaði avókadó terta - Kökur

Þessi ljúffenga avókadó súkkulaðiterta hreinlega bráðnar í munni! Tertuna er ofureinfalt að útbúa, enda bara 4 innihaldsefni sem til þarf. Í kremið notum við avókadó og súkkulaðið frá Himneskt sem er vönduð hágæða vara, lífrænt og fairtrade vottað. Fyrir þá sem vilja hafa tertuna vegan hentar að nota 71% dökkt súkkulaði, piparmyntu- eða möndlusúkkulaðið. Tertan er dásamleg borin fram með ferskum berjum, eða frosnum.    
  

Avókadó trufflur - Jól (Vetur) Sælgæti

Dásamlega rjómakenndar súkkulaðitrufflur gerðar úr avókadó, sem gefur trufflunum lungamjúka áferð.

Vegan súkkulaðikaka - Kökur

Þessi mjúka súkkulaðikaka er bæði góð með kremi og kremlaus. Uppskriftin gefur eina minni köku, fyrir stóra köku má tvöfalda uppskriftina. 

Berjabaka - Haust Kökur

Gott er að nota bláber og heimalagaða sultu í þessa böku, en hún er líka ljómandi góð með þeim berjum sem til eru hverju sinni. 

Súkkulaði muffins - Haust Kökur

Vegan súkkulaðimuffins eru tilvalið helgartrít. Hráefnið er lífrænt ræktað og bragðið er gott!

Hafra- og heslihnetukökur - Jól (Vetur) Smákökur

Ljúffengar haframjöls-smákökur með heslihnetum og súkkulaðibitum. Ekta aðventukökur.

Hnetusmjörskúlur - Jól (Vetur) Sælgæti Vor

Konfektgerð er skemmtileg fyrir jólin. Þessir dásamlegu hnetusmjörsmolar eru sérlega einfaldir og ljúffengir. Tilvalið föndur fyrir fjölskyldustund. 

Salthnetubitar - Sælgæti Vor

Konfektgerð er skemmtileg fyrir páska. Þessir dásamlegu salthnetumolar eru sérlega einfaldir og ljúffengir. Tilvalið föndur fyrir fjölskyldustund. 

Kókosmolar - Jól (Vetur) Sælgæti Vor

Konfektgerð er skemmtileg fyrir jólin. Þessir dásamlegu kókosmolar eru sérlega einfaldir og ljúffengir. Tilvalið föndur fyrir fjölskyldustund. 


Hafrakökur - Jól (Vetur) Smákökur

Þessar ljúffengu hafrakökur eru frábærar núna á aðventunni, ekki alveg jafn dísætar og jólasmákökurnar, en fínar fyrir þá sem langar í kósý bakstursstund í skammdeginu. Upplagt er að nota holla fitugjafa í baksturinn, við notum ólífuolíu og möndlusmjör í þessa uppskrift, og útbleytt chiafræ til að binda kökurnar saman. Nú er um að gera að hafa það huggulegt.

Heimagert súkkulaði - Sælgæti

Þetta heimagerða súkkulaði má setja í konfektform og inn í frysti eða kæli til að búa til súkkulaðimola, einnig má nota þetta sem súkkulaðisósu eða hjúpsúkkulaði til að dýfa konfektkúlum. Veljið kakósmjör ef þið viljið að súkkulaðið haldist stíft við stofuhita, en kókosolíu ef þetta á að vera mjúkt, t.d. krem eða súkkulaðisósa. 

Súkkulaði smákökur - Jól (Vetur) Smákökur

Frábærar jólakökur fyrir þá sem eru hrifnir af súkkulaði. Bakaðar úr lífrænt ræktuðu hráefni. 


Hnetusmjörs smákökur - Jól (Vetur) Smákökur

Ljúffengar hnetusmjörs smákökur, glútenlausar og vegan. 

Piparkökur - Jól (Vetur) Smákökur

Mikil stemning er í kringum piparkökubakstur á aðventunni, enda tilvalin fjölskyldustund að skera út allskyns skemmtileg form og fígúrur í piparkökudeig. Hér höfum við góða uppskrift að piparkökum úr lífrænt ræktuðu hráefni og grófu mjöli í bland við fínna. Kökurnar eru ekki jafn sætar og piparkökur úr búðinni. Uppskriftin er vegan.

Rabarbara eftirréttur - Kökur Sumar Vor

Ef þið eigið rabarbara í garðinum er upplagt að nýta hann í ljúffengan eftirrétt, með haframjöli og kanil. Bestur borinn fram volgur með góðum ís eða þeyttum kókosrjóma.

Heimagert páskaegg - Sælgæti Vor

Margir hafa það fyrir hefð að útbúa sín eigin páskaegg fyrir hátíðina. Kosturinn við það er að þá er hægt að velja það súkkulaði sem hverjum og einum hugnast best. Til dæmis gott lífrænt og fairtrade súkkulaði. Og hægt er að fylla eggið af uppáhalds góðgætinu, sumum finnst til dæmis súkkulaði dásamlegt í félagsskap með hnetum og rúsíunum, þá er upplagt að fylla heimagert súkkulaðiegg af þurrkuðum ávöxtum og hnetum, ásamt einum góðum málshætti. 

Páskasúkkulaði (sætt m döðlum) - Sælgæti Vor

Í þessa uppskrift að páskasúkkulaði notum við döðlur í staðinn fyrir hreinan sykur til að gefa sætt bragð. Virkilega gott súkkulaði úr lífrænt ræktuðu hráefni. Hægt er að gera alveg hreina súkkulaðimola, eða bæta allskyns góðgæti við eins og ristuðum hnetum og fræjum eða rúsínum, ef vill.