Sykurlaust ketó súkkulaði m/lakkrís
Uppskrift
Sykurlaust súkkulaði með lakkrísduft. Hráefnið er lífrænt og vegan.
- 150g kókosflögur
- 170g möndlusmjör
- 150g kakósmjör, brætt
- 1 msk kakóduft
- 2 tsk vanilla
- ¼ tsk sjávarsaltflögur (eða eftir smekk)
- nokkur chilikorn
- 5 dropar stevia ef vill - eða önnur sæta- eða engin sæta
- hreint lakkrísduft (fæst t.d. í Epal)
Bræðið kakósmjör yfir vatnsbaði.
Malið kókosflögurnar í mjöl, annað hvort í matvinnsluvél eða blandara.
Bætið nú restinni af uppskriftinni út í og klárið að blanda þar til þetta er orðið að silkimjúku deigi, svolítið eins og smoothie.
Hellið í form og setjið inn í frysti til að stífna.
Þegar súkkulaðið er orðið stíft, kannski eftir 2 klst, má losa molana úr formunum og strá lakkrísdufti yfir.
Geymið í frystinum.
Njótið.