Engiferskot

• 10 möndlur
  
• 3 dl vatn
  
• ½ avókadó  
  
• 1 msk engiferskot
  
• 1 msk sítrónusafi
  
• 1 banani (má vera frosinn)
  
• 1 lúka spínat
• 1 tsk - 1 msk hörfræolía
  

Blandið öllu nema avókadó og hörfræolíu saman í blandara. Bætið svo avókadóinu og olíunni við og klárið að blanda þar til orðið silkimjúkt og kekklaust.

• Safi úr ½ límónu
• 1 tsk engiferskot (engifersafi)
• 10 myntulauf
• 1 tsk síróp, ef vill
• 2 dl Límonaðidrykkur
• 2 dl klaki, svolítið mulinn

Kreystið safann úr límónunni í glasið. 

Bætið í sírópi og myntulaufunum og blandið vel saman. Það þarf að merja myntulaufin aðeins, t.d. með skeið. 

Fyllið glasið af klakamulningi, bætið engiferskotinu saman við og hrærið. 

Hellið límonaðidrykknum út í og skreytið með myntulaufum og afgangnum af límónunni.

• ⅔ dl hampfræ 
• 2 dl vatn
• 2 ½ dl frosið mangó 
• ½ banani
• 1 msk hörolía
• 1 msk engiferskot 
• 1 msk sítrónusafi
• 1 tsk chiafræ
• ½ - ¾ tsk túrmerik
• ½ tsk möluð kardemomma
  

Byrjið á að setja hampfræ og vatn í blandara og blandið í 10-15 sekúndur, þar til úr verður hampfræjamjólk.

Skerið ávextina í bita og setjið út í ásamt restinni af uppskriftinni.

Blandið öllu saman í blandara þar til silkimjúkt.

Njótið!

Linsur eru góður próteingjafi úr jurtaríkinu, saðsamar og næringarríkar. Gott er að bera dal fram með lífrænum hrísgrjónum, ofnbökuðu rótargrænmeti og raitu. Sumum finnst naan brauð líka gott með.

Dal

• 1 meðalstór laukur
• 2 hvítlauksrif
• 2 msk engiferskot
• 1 ½ msk karrí blanda (garam masala)
• 1 tsk túrmerik
• 1 msk kókosolía eða jurtasmjör
  
• 1 lítið blómkálshöfuð eða ½ stórt, skorið í munnbita
• 250g rauðar linsur (½ poki)
• 1 dós kókosmjólk
• 400-500 ml vatn (hægt að nota bara vatn ef vill - þá ca 800 ml, en kókosmjólkin gefur dásamlega áferð)
• 1 ½ tsk sjávarsalt
• 3-4 tsk sítrónusafi
• cayenne pipar eftir smekk
• Vænn slurkur af hvítlauks ólífuolíu (Látið niðursneiddan hvítlauk standa í ólífuolíu á meðan maturinn er eldaður). 
  

Skerið niður lauk, hvítlauk og blómkál í bita. Hitið olíu í potti og mýkið laukinn og hvítlaukinn ásamt kryddum í 2-3 mínútur. Þetta er gert til að opna bragðið af kryddunum. Bætið svo blómkálsbitunum út í, því næst linsunum, vökvanum og saltinu. Látið suðuna koma upp og lækkið svo hitann þannig að allt malli í rólegheitum í u.þ.b. 20 mín - eða þar til blómkálið er orðið mjúkt og linsurnar orðnar að hálfgerðri kássu. Hrærið í af og til og fylgist með að brenni ekki í botninn. Hafið pottinn opinn, en ekki of háan hita. Í lokin, þegar dalið er tilbúið, bætið þá sítrónusafanum, cayenne pipar og smávegis af hvítlauksolíunni út í. Smakkið dalið, ef ykkur finnst það mega vera bragðmeira bætið við smá auka salti, sítrónusafa eða hvítlauks ólífuolíu.

Sætar kartöflur

• 1 stór sæt kartafla
• 1 msk kókosolía
• ½ dl vatn 
• smá salt
  

Afhýðið sætu kartöfluna og skerið í passlega bita. Forhitið ofninn í 180°C. Bakið í 20-30 mín. og hrærið nokkrum sinnum. Það er örlítið misjafnt eftir ofnum og stærð bitanna hversu lengi þær eru að bakast, þær gætu þurft aðeins lengri tíma.  

Raita

• 1 bolli hrein jurtajógúrt

• ⅓ agúrka, skorin í bita eða rifin með rifjárni
  1 hvítlauksrif, pressað

Blandið öllu saman í skál. 

• 500 ml hreinn ávaxtasafi
  
• 1 avókadó
  
• 1 banani
  
• 50-100g spínat
  
• 2 dl ananas (ferskur eða frosinn)
  
• 1 dl frosin vínber
• 1 tsk túrmerik skot
• 2 tsk engifer skot
  

Setjið allt í blandara og blandið vel.

Sniðugt að setja afganginn í íspinnabox og frysta.

• 1 msk ólífuolía
  
• 1 laukur, saxaður
  
• 2 hvítlauksrif, pressuð
  
• ½ tsk túrmerik
  
• ½ - 1 tsk  broddkúmen (cumin)
  
• 1 ½ msk engiferskot
  
• 250 g gulrætur eða sætar kartöflur, brytjaðar
  
• 250 g rauðar linsur (½ poki)
  
• 1 lítri vatn
  
• 1 msk Himneskur grænmetiskraftur
  
• 1 ½ msk sítrónusafi
  
• ½ tsk sjávarsaltflögur
  
• salt og pipar til að smakka til
  
• graskersfræ – ristuð og söltuð
• 1 búnt kóríander, saxað, ef vill
  

Mýkið lauk og hvítlauk í ólífuolíu í u.þ.b. 5 mínútur í pottinum ásamt túrmerik, broddkúmeni og engiferskoti. Bætið svo gulrótum og linsum út í. 

Hellið vatni ásamt grænmetiskrafti út í. Látið suðuna koma upp, lækkið undir og leyfið að malla í u.þ.b. 20 mín. 

Blandið súpuna annað hvort í matvinnsluvél, eða með töfrasprota beint ofan í pottinn. 

Bætið nú sítrónusafa, salti og pipar út í. Smakkið til með meiri sítrónusafa, salti og ólífuolíu ef vill. Einnig má bæta meira engiferskoti út í ef þið viljið að súpan rífi aðeins í. 

Stráið ristuðum graskersfræjum og söxuðum ferskum kóríander yfir hvern skammt og berið fram með góðu brauði.

• 1 dl brasilíuhnetur eða kasjúhnetur, lagðar í bleyti í 1-2 klst eða yfir nótt
  
• 3-4 dl vatn
  
• 3 msk sítrónusafi
  
• 1 msk engiferskot
  
• 1 tsk turmerikskot
• 100g spínat
  
• 1-2 grænkálsblöð, stöngullinn fjarlægður
  
• hýði af 1 sítrónu
  
• blöðin af 2 mintustönglum
  
• 1 tsk næringarríkt duft að eigin vali ef vill
  
• ½ ferskur ananas, afhýddur og skorinn í litla bita

Byrjið á að leggja brasilíuhneturnar í bleyti, vatnið á að fljóta yfir. Annað hvort yfir nótt eða í 1-2 klst, eftir hvað hentar.

Hellið íbleytivatninu af brasilíuhnetunum. Setjið nú hneturnar í blandara ásamt 3-4 dl af nýju vatni og blandið þar til hneturnar eru búnar að leysast upp og orðnar að hnetumjólk.

Bætið sítrónusafa, engiferskoti og turmerikskoti út í ásamt spínati og grænkálsblöðum og blandið vel.

Bætið sítrónuhýðinu út í ásamt mintulaufunum og dufti ef þið viljið. (Næringarríkt duft getur verið prótein, góðgerlar, kollagen eða annað, en þetta er ekki nauðsynlegt og má sleppa).

Á meðan blandarinn er í gangi setjið ananabitana út í í gegnum gatið á tappanum og blandið þar til kekklaus.

Njótið!