Jómfrúar ólífuolía

• Bakað grænmeti

• 400g kartöflur, skornar í báta
  
• 1 meðalstór sæt kartafla, skorin í báta
  
• 1 tsk fennelfræ
  
• ¾ tsk cuminduft
  
• 1 tsk sjávarsalt flögur
  
• 2 msk ólífuolía
  

• Bakaðar kjúklingabaunir

• 1 krukka soðnar kjúklingabaunir, skolaðar og vökvanum hellt frá
  
• ½ tsk cuminduft
  
• ¼ tsk turmerik
  
• ½ tsk hvítlauksduft
  
• ½ tsk sjávarsalt flögur
  
• smá nýmalaður svartur pipar
  
• 1 msk ólífuolía
  

• Grænmeti

• 1 romaine höfuð, skorið í passlega bita
  
• 6 kirsuberjatómatar, skornir í tvennt
  
• 200g brokkolí skorið í passlega munnbita
  
• 200g rauðkál, skorið í þunnar sneiðar
  
• 1 avókadó, afhýtt og skorið í sneiðar
  

• Sósa

• 1 dl kasjúhnetur, í bleyti
  
• 1 dl vatn 100g grilluð paprika (úr krukku)
  
• 1 dl olía af grilluðu paprikunni
  
• 1 msk sítrónusafi
  
• 1 tsk sjávarsaltflögur
  
• ½ tsk chiliflögur

Sósan:

Allt sett í blandara og blandað þar til silkimjúkt.

Skálin:

Byrjið á að baka grænmetið og kjúklingabaunirnar.

Hitið ofninn í 200°C.

Setjið bökunarpappír á ofnplötu og setjið grænmetið á 2/3 af plötunni og kjúklingabaunirnar á 1/3 af plötunni.

Kryddið og skvettið olíu yfir og bakið í 18-20 mínútur.

Á meðan grænmetið er að bakast, steikið rauðkálið og brokkolíið á heitri pönnu, gott er að steikja hvora tegund fyrir sig.
Setjið smá olíu á pönnuna og þegar hún er heit setjið grænmetið út á, kryddið með smá sjávarsaltflögum.

Setjið romaine salatið í skálar, raðið restinni af grænmetinu ofan á ásamt avókadó og tómötum, endið á að setja væna skeið af sósunni og njótið.

Botn

• 250 g spelt , fínt og gróft til helminga
• 2-3 tsk lyftiduft
• ½ tsk sjávarsalt
• 1 tsk óreganó
• 2 msk ólífuolía
• 1,3 dl heitt vatn

Blandið þurrefnum saman í skál, bætið svo olíunni og vatninu út í og hrærið með gaffli (deigið er heitt).

Hnoðið svo örstutt með fingrunum og fletjið út tvo þunna pizzubotna. Forbakið botnana við u.þ.b. 190°C í 3-5 mínútur (fylgist með að brenni ekki við).

Pizzusósa

• 2 msk tómatpúrra
• 1 krukka tómatpassata/maukaðir tómatar
• 1-2 hvítlauksrif – pressuð
• 2 tsk þurrkað oregano
• 2 tsk þurrkað timjan
• 1 tsk sjávarsalt

Smyrjið pizzusósunni á botnana um leið og þeir koma úr ofninum, til að halda þeim mjúkum. Stráið ykkar uppáhalds osti yfir ásamt góðu áleggi.

Bakið þar til osturinn er bráðinn og áleggið lítur vel út.

Linsur eru góður próteingjafi úr jurtaríkinu, saðsamar og næringarríkar. Gott er að bera dal fram með lífrænum hrísgrjónum, ofnbökuðu rótargrænmeti og raitu. Sumum finnst naan brauð líka gott með.

Dal

• 1 meðalstór laukur
• 2 hvítlauksrif
• 2 msk engiferskot
• 1 ½ msk karrí blanda (garam masala)
• 1 tsk túrmerik
• 1 msk kókosolía eða jurtasmjör
  
• 1 lítið blómkálshöfuð eða ½ stórt, skorið í munnbita
• 250g rauðar linsur (½ poki)
• 1 dós kókosmjólk
• 400-500 ml vatn (hægt að nota bara vatn ef vill - þá ca 800 ml, en kókosmjólkin gefur dásamlega áferð)
• 1 ½ tsk sjávarsalt
• 3-4 tsk sítrónusafi
• cayenne pipar eftir smekk
• Vænn slurkur af hvítlauks ólífuolíu (Látið niðursneiddan hvítlauk standa í ólífuolíu á meðan maturinn er eldaður). 
  

Skerið niður lauk, hvítlauk og blómkál í bita. Hitið olíu í potti og mýkið laukinn og hvítlaukinn ásamt kryddum í 2-3 mínútur. Þetta er gert til að opna bragðið af kryddunum. Bætið svo blómkálsbitunum út í, því næst linsunum, vökvanum og saltinu. Látið suðuna koma upp og lækkið svo hitann þannig að allt malli í rólegheitum í u.þ.b. 20 mín - eða þar til blómkálið er orðið mjúkt og linsurnar orðnar að hálfgerðri kássu. Hrærið í af og til og fylgist með að brenni ekki í botninn. Hafið pottinn opinn, en ekki of háan hita. Í lokin, þegar dalið er tilbúið, bætið þá sítrónusafanum, cayenne pipar og smávegis af hvítlauksolíunni út í. Smakkið dalið, ef ykkur finnst það mega vera bragðmeira bætið við smá auka salti, sítrónusafa eða hvítlauks ólífuolíu.

Sætar kartöflur

• 1 stór sæt kartafla
• 1 msk kókosolía
• ½ dl vatn 
• smá salt
  

Afhýðið sætu kartöfluna og skerið í passlega bita. Forhitið ofninn í 180°C. Bakið í 20-30 mín. og hrærið nokkrum sinnum. Það er örlítið misjafnt eftir ofnum og stærð bitanna hversu lengi þær eru að bakast, þær gætu þurft aðeins lengri tíma.  

Raita

• 1 bolli hrein jurtajógúrt

• ⅓ agúrka, skorin í bita eða rifin með rifjárni
  1 hvítlauksrif, pressað

Blandið öllu saman í skál. 

Spaghetti úr grænmeti er bragðgóð leið til að auka hráa grænmetið á disknum hjá okkur. Hægt er að nota hvaða rótargrænmeti sem er. Einnig er einstaklega gott að nota kúrbít því áferðin á minnir á pasta undir tönn. Græna pestóið mýkir rótargrænmetið og gerir þennan rétt alveg uppáhalds.

• 1 rófa
• 1-2 gulrætur
• 1 rauðrófa
• 1 lítill kúrbítur
• 2 msk sítrónusafi
• 1 msk ólífuolía
  

Byrjið á að afhýða grænmetið og breyta í spaghetti með julienne peeler eða öðru töfratæki. Setjið “spaghettíið í skál og veltið upp úr sítrónusafa + ólífuolíu og látið standa smá stund til að mýkja grænmetið. Borið fram með grænu pestó. 

Grænt pestó

• 1 búnt ferskt basil
• 2-3 grænkálsblöð
• 1 ¼ dl útbleyttar kasjúhnetur
• 1-2 msk næringarger*
• 1 stórt hvítlauksrif
• ¼ - ½ tsk sjávarsaltflögur
• ½ - ¾ dl kaldpressuð ólífuolía
  

Takið grænkálsblöðin af stilkinum og setjið í matvinnsluvél ásamt restinni af uppskriftinni og maukið saman. 

*Næringarger er óvirkt ger sem notað er sem krydd. Það gefur góða dýpt og nokkurskonar ostakeim. Finnst í  heilsuhillunum.

• 1 krukka kjúklingabaunir (3 ½ dl)
  
• 2 msk vatn
  
• 2 msk tahini
  
• 2 msk sítrónusafi
  
• 1-2 hvítlauksrif, pressuð
  
• ½ - 1 tsk salt
  
• ¼ tsk cuminduft
  
• cayenne pipar af hnífsoddi
  
• 1-2 msk jómfrúar ólífuolía
  
• 1 msk steinselja eða kóríander, smátt saxað
  

Allt sett í matvinnsluvél og maukað saman þar til silkimjúkt og kekklaust. Geymist í 5-7 daga í kæli í loftþéttu íláti. Ef þið notið baunir úr krukku passar hummusinn akkúrat í krukkuna!

• 1 krukka forsoðnar kjúklingabaunir
  
• ⅓ krukka grilluð paprika
  
• 2 msk möndlusmjör
  
• 2 msk jómfrúar ólífuolía
  
• 2 msk ferskar kryddjurtir, þínar uppáhalds t.d. kóríander, basil, steinselja
  
• 1-2 msk sítrónusafi
  
• 2 hvítlauksrif
  
• ½ - 1 tsk sjávarsaltflögur
  
• örlítið af svörtum pipar
  

Allt sett í matvinnsluvél og maukað. Hægt að setja aftur í baunakrukkuna og geyma í ísskáp í um 5 daga.