Vegan súkkulaði muffins

Óvænt innihaldsefni

7 jan. 2018 Sætt

Um daginn bökuðum við ljúffengar súkkulaði muffins, sem kláruðust á skotstundu. Við fengum nefnilega nokkra svanga smakkara í óvænta heimsókn. Litlu munnarnir smökkuðu vel og vandlega og við megum teljast heppnar að hafa sjálfar náð að næla okkur í örfáa bita. 

Við mæðgur erum forfallnir aðdáendur aquafaba. Aquafaba er kjúklingabaunasoð sem hægt er að stífþeyta og nota í matargerð og bakstur á svipaðan hátt og egg. Okkur finnst þetta stórsniðug nýting á hráefni sem annars færi bara til spillis. Og hentar svona líka vel í vegan góðgæti. Um daginn vorum við að baka muffins og opnuðum nýja krukku af kjúklingabaunum til að ná vökvanum af. Okkur fannst þá auðvitað upplagt að nota bara baunirnar í baksturinn líka. Múffurnar brögðuðust einstaklega vel. 

Aquafaba1

AquafabaKjúklingabaunasoð má stífþeyta



Okkur mæðgum finnst gaman að nota "öðruvísi" hráefni eins og baunir, tahini, avókadó og jafnvel grænmeti í eftirrétti og sætindi. Það er að segja ef það bragðast vel, því sætindi eru fyrst og síðast gerð til að njóta. Okkur finnst ágætt að taka það fram að okkar ásetningur er ekki að fela hollustu í sætindum til að plata börnin óafvitandi í að borða baunir og grænmeti. Við viljum auðvitað að þau læri að kunna að meta bragðið og áferðina af baunum og grænmeti og öllum góðum mat eins og hann kemur fyrir í náttúrunni. Við notum þetta hráefni einfaldlega vegna þess að það er hægt og okkur finnst það gott. Okkur finnst hvítt hveiti og smjör og rjómi ekki eiga einkarétt á sætindum og ef við eigum baunir og avókadó í eldhúsinu, hvers vegna ekki að nota það á fjölbreyttan hátt?


Ps. ef ykkur langar að prófa að gera svona muffins eða aðrar uppskriftir hér á vefnum og eigið eftir að fara í búðina, þá er auðvelt að búa til sinn eigin innkaupalista hér á vefnum. Þið smellið á hjartað fyrir framan þau innihaldsefni sem ykkur vantar og þá birtist innkaupalistinn í grænu hjarta efst í hægra horninu. Hægt er að prenta hann út eða senda í email.





Vegan súkkulaðimuffins

Aquafaba

  • 6 msk kjúklingabaunasoð
  • ½ tsk cream of tartar

Byrjið á að þeyta kjúklingabaunasoðið í hrærivél þar til það fer að stífna. Bætið cream of tartar út í og haldið áfram að þeyta í a.m.k 10 mín eða þar til þetta er orðið alveg stífþeytt.

Muffins

  • 1 ¼ b kókospálmasykur
  • ½ b kókosolía
  • 1 b soðnar kjúklingabaunir
  • ⅔ b kakóduft
  • 1 ½ b spelt (fínt og gróft til helminga)
  • ⅓ b möndlumjólk
  • ¼ tsk salt
  • 1 tsk vínsteinslyftiduft
  • 1 tsk matarsódi
  • 100g dökkt súkkulaði (71%)

Setjið kókospálmasykur og kókosolíu í hrærivél og hrærið í 2 mín.

Bætið kjúklingabaununum út í og hrærið í 5 mín eða þar til kjúklingabaunirnar hafa hrærst vel saman við og eru kekklausar.

Bætið kakóinu út í og hrærið saman.

Bætið speltinu við, 1 msk í einu og hrærið.

Hellið möndlumjólkinni út í ásamt lyftidufti, matarsóda og dökku súkkulaði.

Slökkvið nú á hrærivélinni og hrærið aquafaba varlega út í með sleif.

Setjið í muffinsform og bakið við 190°C í 20 mín

Takið út og látið aðeins kólna ef þið getið áður en þið gæðið ykkur á góðgætinu
 

Njótið í góðum félagsskap!




Peruterta - 8.5.2020

Vegan peruterta

Klassískar pönnukökur - 21.3.2020

Pönnukökur Vegan
Vegan pönnukökur Uppskriftin

Hafragrautur fyrir einn - 4.3.2020

Hafragrautur er sígildur morgunverður, enda hollur og bragðgóður. Hafið þið prófað að setja skeið af hnetusmjöri út á grautinn? Hvílíkur lúxus! 

Uppskriftin

Lífrænar chia pönnsur - 4.1.2020

Vegan amerískar pönnukökur
Þessar dásamlegu pönnsur eru frábærar í helgar brönsinn. Chiafræin halda pönnsunum saman og gera þær fallega doppóttar. Uppskriftin er vegan og lífræn. Uppskriftin

Kartöflusalat fyrir jólin - 9.12.2019

Ómissandi jólahefð Uppskriftin

Appelsínu og súkkulaði lummur - 28.9.2019

Vegan pönnukökur

Lummur eru ekta helgartrít. Fullkomnar í brunch eða með eftirmiddags kaffinu.

Uppskriftin

Hrásalat - 2.9.2019

Hrásalat

Á meðan íslenska grænmetisuppskeran er til í búðum erum við mæðgur duglegar að prófa okkur áfram með allt þetta dásamlega hráefni.

Uppskriftin

Klesstar kartöflur með pestó - 28.8.2019

Kramdar kartöflur
Nýjar íslenskar kartöflur eru svo góðar. Uppskriftin

Bláberja lummur - 25.7.2019

Vegan lummur amerískar pönnukökur
frábærar í brunch Uppskriftin

Grautur m rabarbara mauki - 3.7.2019

Rabarbara mauk
Rabarbari er gómsætur út á grautinn. Uppskriftin

Nachos ídýfa - 16.5.2019

Vegan eðla Nachos
Heimagerð vegan ídýfa er tilvalin í kósýkvöldið Uppskriftin

Hummus m/ rauðlauk og balsam - 13.5.2019 Salt

Besti hummusinn
Okkar uppáhald! Uppskriftin

Möndlukaka með jarðaberjum - 24.4.2019 Sætt

Glútenlaus kaka
Einföld sumarleg kaka Uppskriftin

Spaghetti með avókadó sósu og karamellu lauk - 14.3.2019

Spaghetti með avókadósósu og karamellu lauk
Pasta sem tikkar í öll boxin. Fljótlegt, hollt og svooo bragðgott!
Uppskriftin

Nýbakað speltbrauð - 25.2.2019

Nýbakað speltbrauð
Hvað jafnast á við ilmandi volgt nýbakað brauð? Mmmm...
Þessi uppskrift er auðveld og deigið þarf ekkert að hnoða.
Uppskriftin

Lífrænar fitubombur - 7.2.2019

Lífrænar fitubombur
Bragðgóðar og sykurlausar Uppskriftin

Tófú í hnetusmjörs sósu - 23.1.2019

Tófú í hnetusmjörssósu
Fljótlegt, saðsamt og svakalega gott Uppskriftin

Jólagrauturinn - 14.12.2018 Hildur Sætt

Jólagrauturinn
Vegan útgáfa af jólagrautnum Uppskriftin

Vegan Tartalettur - 6.12.2018 Hildur Salt Solla

Vegan tartalettur

Margir eiga nostalgískar minningar um tartalettur daginn eftir góða jólaveislu. Við mæðgur höfum reyndar ekki þessa tengingu við tartalettur því hefðin er að fylla þær með afgangs kjöti og meðlæti. En ákveðinn tengdasonur/eiginmaður hefur lengi talað fyrir því að hefðir úr hans æsku fái líka hljómgrunn í hátíðahöldunum og höfum við því látið undan og þróað vegan útgáfu af þessari nostalgíu. 
Og jú, hún er bara ljómandi góð.

Uppskriftin

Innbakað Oumph! - 4.12.2018 Hildur Salt Solla

Innbakað jóla Oumph!
Ljúffengur hátíðarréttur fyrir grænkera. Hefðbundið meðlæti fer vel með innbökuðu Oumph!-i Uppskriftin

Mjúkt taco með BBQ kjúklingabaunum - 15.8.2018 Salt

Mjúkt taco með kjúklingabaunum

Taco er svona máltíð sem auðvelt er að útbúa þannig að allir fái eitthvað sem þeim líkar vel, jafnvel þótt smekkurinn sé ólíkur. 

Uppskriftin

Steikt tófú og heimagerð BBQ sósa - 28.6.2018 Salt

Steikt tófú og heimagerð BBQ sósa
Við mæðgur höldum mikið upp á tófú. Uppskriftin

Litlar sítrónukökur - 19.5.2018 Sætt

Litlar sítrónutertur

Mjúkar og rjómakenndar sítrónutertur sem bráðna í munni. Þessar ljúffengu litlu tertur er tilvalið að eiga í frystinum og taka fram þegar gesti ber að garði.

Uppskriftin

Páskagulur mangóís - 27.3.2018 Sætt

Páskagulur mangóís
Í okkar fjölskyldu var ananasbúðingur lengi vel hinn árlegi páskadesert. Kannski er það þess vegna sem okkur finnst alltaf svo gaman að hafa páskadesertana okkar páskagula. Uppskriftin

Vegan smurálegg - 11.1.2018

Vegan smurálegg

Okkur langar til að sýna ykkur skemmtilega aðferð við að búa til jurta”ost”. Við mæðgur höfum svo gaman af því að búa til svona gúmmelaði, þið gætuð haft gaman af að prófa líka, hvort sem þið eruð Grænkerar eða þykir einfaldlega gaman að prófa eitthvað nýtt.

Uppskriftin

Innbökuð jólasteik - 7.12.2017

Við styttum okkur leið og gerðum fljótlegri útgáfu af hátíðarmatnum. Uppskriftin

Uppskerusalat með heitum krydduðum kjúklingabaunum - 17.10.2017 Salt

Uppskerusalat

Senuþjófurinn í þessu salati eru klárlega kjúklingabaunirnar, kryddaðar með reyktri papriku og bornar fram heitar. Mmm... við gætum borðað svona baunir í hvert mál.

Uppskriftin

Rófu taco - 18.10.2016 Salt

Rófu-taco er einn af okkar uppáhaldsréttum. Okkur finnst alltaf gaman að bjóða upp á réttinn í matarboðum, því hann kemur jafnvel hörðustu sælkerum á óvart. Hollt getur líka verið dásamlega gott!

Uppskriftin