Uppskrift

• Rauðrófubaka

• Tilbúið bökudeig
  
• Bökuform með lausum botni
• 100g soðnar kjúklingabaunir
  
• 500g forsoðnar rauðrófur
  
• 1 msk ólífuolía
  
• 1 msk balsamedik
  
• 1 tsk sjávarsaltflögur
  

• Tófúkrem

• 150g tófú
  
• 2 msk næringarger
  
• 2 msk ólífuolía
  
• 1 msk sítrónusafi
  
• 1 msk sinnep
  
• 1 daðla smátt skorin
  
• 1 tsk sjávarsaltflögur 

• Kryddmauk

• 3 hvítlauksrif
  
• 1 rauður chili, steinhreinsaður
  
• 1 tsk malað fennelduft
  
• 1 tsk malað cuminduft
  
• 50g ferskur kóríander eða blanda af kóríander og steinselju
  
• 1 dl ólífuolía
  
• hýði af 1 sítrónu
  
• 1 msk sítrónusafi
  
• salt og pipar
  
• 75g ristaðar heslihnetur, gróft saxaðar
  

Aðferð

Hitið ofninn í 180°C

Setjið tilbúið bökudeig í smurt bökuform, u.þ.b. 26/29 cm í þvermál, notið gaffal til að búa til litlar holur svo deigið blási ekki upp. Stingið gafflinum u.þ.b 10 sinnum i deigið.

Forbakið í 8-10 mín eða þar til deigið byrjar að taka gylltan lit.

Á meðan deigið er að bakast, skerið rauðrófur í þunnar sneiðar og búið til tófúkremið.

Setjið allt innihaldið fyrir tófúkremið í matvinnsluvél eða blandara (tófú, næringarger, ólífuolía, sítrónusafi, sinnep, daðla og salt) og blandið þar til silkimjúkt.

Smyrjið fyllingunni í forbakaðan botninn, stráið kjúklingabaununum þar ofan á og pressið létt niður í tófufyllinguna og endið á því að raða rauðrófusneiðunum þar ofan á.

Skvettið ólífuolíu og balsamediki yfir rauðrófurnar ásamt því að strá smá sjávarsalti yfir.

Bakið í um 20 – 25 mín.

Á meðan bakan er að bakast, búið til kryddmaukið með því að setja allt innihaldið nema heslihneturnar í blandara og blanda saman. Setjið í skál og bætið heslihnetunum út í.

Setjið maukið yfir nýbakað bökuna og berið fram.