Hafraklattar
- Auðvelt
- Vegan: Já
Uppskrift
Notalegt er að baka góðgæti eins og hafraklatta í skammdeginu. Þessir eru úr lífrænt ræktuðum höfrum og spelti.
- 110g smjör eða jurtasmjör
- 200g hrásykur
- 3 msk agavesíróp
- 1 tsk vanilluduft eða dropar
- 1 ½ b haframjöl eða tröllahafrar til helminga
- 1 b spelt (t.d. fínt og gróft til helminga)
- 1 b kókosmjöl
- 1 tsk matarsódi
- ¾ tsk sjávarsaltflögur
- 1 tsk kanill
Hitið ofninn í 180°C.
Byrjið á að þeyta saman vegan smjöri og hrásykri í hrærivél þar til það blandast vel saman.
Bætið sírópi og vanillu út í.
Á meðan þetta er að þeytast, setjið haframjöl, spelt, kókosmjöl, matarsóda, sjávarsalt og kanil í skál og blandið saman.
Bætið þurrefnunum saman við sykurblönduna og hrærið þar til þetta blandast vel saman.
Skiptið deiginu í 12 hluta ef þið viljið stórar kökur, en 20 ef þið viljið minni.
Mótið kúlur, setjið á bökunarplötu og létt þrýstið kúlunum niður (fletjið aðeins út ef þið notuðuð smjör). Hafið gott bil á milli, þið þurfið 2 plötur fyrir þessa uppskrift.
Bakið í 12-15 mínútur.
Takið út og látið kólna í amk 10-15 mín, og þá verða kökurnar stökkar og girnilegar.
