Jarðaberja baka
- Auðvelt
- Vegan: Já
Uppskrift
Nú eru íslensku jarðaberin komin í búðirnar, og tilvalið að útbúa jarðaberjaböku til að bera fram með góðum ís.
- 200g jarðaber
- 110g hrásykur
- 110g kókosolía
- 125ml jurtamjólk
- ½ tsk sjávarsalt
- 150g haframjöl, malað
- 1 ½ tsk lyftiduft
Hitið ofninn í 175°C
Byrjið á að skera jarðaberin í bita og setjið í skál, stráið 2 msk af hrásykri yfir, látið standa í 10-15 mín.
Bræðið kókosolíuna og blandið 3 msk af hrásykri út í ásamt jurtamjólkinni og saltinu.
Malið haframjölið í matvinnsluvél eða blandara og bætið út í ásamt lyftiduftinu.
Hrærið saman og bætið 2/3 af jarðaberjunum út í ásamt safanum af þeim.
Hellið deiginu í smurt form, stráið restinni af jarðaberjunum yfir og endið á að strá restinni af hrásykrinum yfir.
Bakið við 175°C í 18-20 mín.
Látið kólna í 5 mín og berið fram með ískúlu.
