Vörur í gleri

Ristuð sesamolía

Olíur

250 g

Innihald

Ristuð SESAMOLÍA. 

Næringargildi í 100g

  • Orka 3768 kJ / 900 kkal
  • Fita 100g
    þar af mettuð 14g
  • Kolvetni 0g
    þar af sykurtegundir 0g
  • Trefjar 0g
  • Prótein 0g
  • Salt 0g 

Geymist vel lokað, á svölum og dimmum stað, eftir opnun umbúða.

Sesamolían okkar er framleidd úr létt ristuðum sesamfræjum og kaldpressuð til að ná fram ljúffengri, ilmandi olíu. Ristunin gefur bragðinu fullkomið jafnvægi, hvorki of létt né of sterkt. Notist til að auka bragð í „Wok“ réttum, pönnusteiktum réttum, ídýfum, salatsósum og marineringum.  

Himneskt að elda

Titill fyrir þetta

Thai curry

  • 3 dl vatn
  • 2 dl kókosmjólk
  • 1 msk grænt karrý mauk 
  • 1 hvítlauksrif
  • 2 cm biti fersk engiferrót
  • 3-4 límónulauf
  • 1 stöngull sítrónugras
  • 2 gulrætur
  • 1 blómkálshöfuð
  • 1 rauð paprika
  • 250g marinerað tofu - sjá uppskrift hér að neðan
  • ½ tsk sjávarsalt
  • 1 hnefi ferskur kóríander
  • 100g soðnar aduki baunir
  • 100g grænar belgbaunir

Sjóðið aduki baunir eftir leiðbeiningum á pakkanum.
Skerið grænmetið í frekar litla bita. Setjið kókosmjólk, grænt karrý mauk, hvítlauk, engifer,  límónulauf og sítrónugras í pott, hrærið í og látið suðuna koma upp. Bætið grænmeti út í og látið malla í um 10 mín eða þar til grænmetið er byrjað að mýkjast. Setjið soðar aduki baunir út í og leyfið að malla í 5 mínútur í viðbót. Klippið ferskan kóríander yfir og skreytið með grænum belgbaunum.

Marinerað tófú 

  • 250 gr stíft (firm) tófú
  • 4 msk tamarisósa
  • 3 msk sítrónusafi
  • 2 msk engiferskot
  • 1 msk ristuð sesamolía
  • 1 tsk hvítlauksduft 

Takið tófúið úr pakkanum, vefjið utan um það viskustykki og léttkreistið úr því vatnið, skerið það svo í litla bita um 1x1cm. Hristið saman tamarisósu, sítrónusafa, engifer, ristaða sesamolíu og hvítlauk og hellið yfir tófúið. Látið marinerast í um 1 klst.  

Ps. Ef þið eigið afgangs tófu er sniðugt að skera það i bita og frysta. Áferðin verður jafnvel enn betri eftir veruna i frystinum.  

Lesa alla uppskriftina

Kínóa skál

  • 1 dl kínóa 
  • 2 dl vatn 
  • 2 msk engiferskot 
  • smá salt og smá chili 
  • 4 grænkálsblöð (eða spínat eða rúkóla) 
  • 1 msk ristuð sesamolía 
  • 1 avókadó 
  • 50g ristaðar pekanhnetur 
  • 2-4 msk ferskur kóríander 
  • nokkrir sítrónubátar 
  • Raita: 
  • 1 dl kasjúhnetur 
  • 1 dl vatn 
  • 1 hvítlauksrif 
  • 1 daðla 
  • 1 tsk næringarger 
  • ½ tsk laukduft 
  • safinn úr 1 sítrónu 
  • ½ agúrka
Skolið kínóað og setjið í pott með vatni, engiferskoti, salti og smá chili. Sjóðið í 20 mín.

Á meðan kínóað er að sjóða takið þið grænkálið af stönglinum, skerið í bita og steikið á pönnu upp úr 1 msk af ristaðri sesamolíu.

Útbúið raituna og skerið avókadóið í bita. Ristið pekanhneturnar.

Setjið kínóa í skál með grænkáli og avókadóbitum, stráið hnetum og kóríander yfir ásamt raitu. Kreistið sítrónu yfir og hlakkið til að njóta. 



Raita: Allt nema agúrkan sett í blandara og blandað saman og sett í skál. Rífið agúrkuna á grófu rifjárni, kreistið safann úr henni og hrærið síðan út í. 
Lesa alla uppskriftina