Kókospálmasykur

Botninn

• 100g spelt
  
• 140g haframjöl
  
• 80g möndlur eða heslihnetur, malaðar 
  
• 90g hrásykur
  
• 1 tsk kanill
  
• 1 tsk sjávarsalt
  
• 120 ml kókosolía
  

Setjið þurrefnin í skál og blandið
Bætið kókosolíunni út í og hnoðið þar til deigið klístrast saman
Notið ¼ af deiginu í hjörtun (setjið deigið milli tveggja bökunarpappírsblaða og rúllið deigið út með kökukefli, notið piparkökumót til að skera út hjörtu eða falleg mynstur)
Geymið hjörtun í kæli. 
Þrýstið nú restinni af deiginu (¾) í botninn á 23 cm kökuformi

Fyllingin

• 200g bláberjasulta (eða meira ef þarf)
  
• 250g bláber, t.d. frosin eða nýtínd
  

Smyrjið sultu á botninn
Hellið bláberjum yfir sultuna
Leggið hjörtun nú yfir (eða myljið deig yfir)
Bakið við 190°C í 20 - 25 mínútur
Gott er að leyfa pæjunni að kólna aðeins og stífna áður en þið njótið hennar með þeyttum kókosrjóma eða góðum ís

• Safi úr ½ límónu
• 1 tsk engiferskot (engifersafi)
• 10 myntulauf
• 1 tsk síróp, ef vill
• 2 dl Límonaðidrykkur
• 2 dl klaki, svolítið mulinn

Kreystið safann úr límónunni í glasið. 

Bætið í sírópi og myntulaufunum og blandið vel saman. Það þarf að merja myntulaufin aðeins, t.d. með skeið. 

Fyllið glasið af klakamulningi, bætið engiferskotinu saman við og hrærið. 

Hellið límonaðidrykknum út í og skreytið með myntulaufum og afgangnum af límónunni.

Rabarbaralag

• 300 - 400 g rabarbari (u.þ.b)
• ¾ dl hrásykur
  
• 1 vanillustöng, skorin í tvennt eða 
• 1 tsk vanilludropar
  

Skerið rabarbarann í þunnar sneiðar og setjið í botninn á eldföstu móti ásamt kókospálmasykri og vanillu. Látið standa á meðan deigið er útbúið. (Heyrst hefur að sælkerar hafi prófað að bæta söxuðu súkkulaði við rabarbarablönduna.. ekki getur það skemmt fyrir). 

Mulningur

• 75g spelt
• 100g haframjöl/tröllahafrar
• 60g heslihnetur, malaðar eða saxaðar
• 70g hrásykur
  
• 1 tsk kanill
• ¾ tsk sjávarsalt
• ¾ dl kókosolía
• 1 msk ólífuolía
  

Blandið öllu saman í skál og hnoðið þar til klístarast. Ef deigið er of þurrt má bæta örlítilli auka ólífuolíu útí. Setjið deigið ofan á rabarbarann. Bakið við 165°C í 30 mín, eða þar til rabarbarinn er orðinn mjúkur og mulningurinn gylltur.  Berið fram með góðum ís eða þeyttum hafrarjóma eða ykkar uppáhalds rjóma.

Botn

• 100 g kókosmjöl
• 100 g hnetur, t.d. pekan eða möndlur
• 30 g hreint kakóduft
• 250 g döðlur

Byrjið á að setja hnetur, kókosmjöl, kakóduft og salt í matvinnsluvél og látið blandast saman og hneturnar malast. Bætið döðlunum útí og blandið þar til þetta klístrast vel saman. Þrýstið botninum niður í muffinsform, geymið í kæli/frysti meðan þið útbúið fyllinguna. 

Fylling

• 3 dl kasjúhnetur, lagðar í bleyti í 1-2 klst
• ½ dl kókospálmasykur
• ½ dl hlynsíróp
• ¾ dl kókosolía, fljótandi
• 1 dl sítrónusafi
• 1 msk sítrónuhýði
• 2 tsk vanilla
• smá sjávarsalt

Allt sett í blandara og blandað þar til silkimjúkt og kornlaust.
Hellið sítrónufyllingunni yfir botninn. 

Súkkulaði

• ½ dl kakóduft
• ¼ dl hlynsíróp
• ¼ dl kakósmjör
• ¼ dl kókosolía

Sett í skál og hrært saman með gaffli.
Hellið svo súkkulaðinu yfir sítrónufyllinguna og látið standa í frysti í 3 klst.

Kökurnar geymast best í frysti ef á að bjóða uppá þær seinna. Þá er gott að taka kökurnar úr frystinum tímanlega og leyfa aðeins að mýkjast áður en þið bjóðið uppá þessa dásemd.

• 2 bollar ristaðar möndlur (ristaðar í ofni við 175°C í 15 mín)
  
• 1 ½ msk kakóduft
  
• 1 ½ msk sykur að eigin vali
  
• smá salt
  
• 1 msk kókosolía ef þarf
  

Byrjið á að setja möndlurnar í kraftmikinn blandara/matvinnsluvél og breytið þeim í smjör. Það getur verið gott að stoppa nokkrum sinnum og skafa niður með hliðunum. Þetta getur tekið allt að 10 mínútur. Má setja smá olíu (t.d. ólífuolíu eða kókosolíu) til að hjálpa til við að breyta möndlunum í "smjör".

Bætið restinni af uppskriftinni út í og klárið að blanda.