Morgunverður

Þessi uppskrift er algjör lúxus. Okkur finnst gott að nota múslíið út margt, t.d. á jógúrt, chiagraut, hafragraut og meira að segja líka út á ís og deserta.

French toast er tilvalið í helgar brunch. Snjallt er að nýta dagsgamalt súrdeigsbrauð í french toast.

Þessi uppskrift er vegan, í staðinn fyrir egg notum við kókosmjólk, banana og chiafræ.

Acai skálar eru vinsæll morgunmatur eða létt máltíð.

Himneska hnetusmjörið er dásamlegt út á skálina, ásamt lífrænu haframúslí og ferskum ávöxtum.

Berja mulningur er dásamlegur í morgunmat með góðri jógúrt. Frábær í helgar-brunch. Einnig gott sem síðdegishressing.

Notið þau ber sem þið eigið hverju sinni. Frosin ber úr búðinni, eða rifsber, sólber, jarðarber, hindber úr garðinum, eða bláber úr berjamó. Að þessu sinni notuðum við hindber og bláber og nokkur rifsber, það var góð samsetning.
Berja mulningurinn er ekki jafn sætur og berjapæ, því hann er hugsaður sem morgunverður.
Við setjum próteinduft út í til að gera hann saðsamari. Það má sleppa próteinduftinu, en þá er gott að setja ögn af sykri út á berin, því flest próteinduft sæta aðeins.

Þessi dásamlega baka er tilvalinn morgunverður þegar við höfum nægan tíma og viljum eitthvað extra gott. Til dæmis á notalegum helgarmorgni eða í fríi. Enginn viðbættur sykur er í uppskriftinni, en bragðið er himneskt.

Frábærar í brunch eða eftirmiddags kaffi.

Frábærar morgunverðar pönnukökur úr kjúklingabaunamjöli.

Nú er tími ferðalaganna genginn í garð. Hvort sem á planinu er ferð í bústað, útilegu eða annað finnst mörgum gott að hafa staðgóðan morgunverð með í för. Helst svolítið trefjaríkan til að halda meltingunni í þokkalegum málum.

Þá er upplagt að útbúa þurrt grautar mix áður en lagt er af stað. Hægt er að nota mixið hvort sem þið hafið aðgang að eldunaraðstöðu eða ekki.

Þessi uppskrift miðast við einn skammt, svo auðvelt er að ákveða hversu marga skammta á að taka með og stækka uppskriftina eftir því.

Bleikur og bragðgóður chiagrautur.

Ristað súrdeigsbrauð með kasjúosti, avókadó og paprikumauki. Frábært í morgunmat, hádegismat eða í brunch.
Þessi uppskrift er hugsuð fyrir tvo. Það verður afgangur af smurostinum, svo ef þið viljið útbúa brauð fyrir fjóra, þá er nóg að tvöfalda allt nema smurostinn.

Lúxus hafragrautur fyrir sælkera

Þessi uppskrift gefur um það bil 5 skammta af chiagraut. Grauturinn geymist einmitt í 5 daga í kæli í loftþéttu íláti.
 

Mildur og fjölskylduvænn berjasjeik með brokkolí og avókadó.
Hægt er að laga hann að smekk, t.d. vilja sumir hafa sjeikana sína sætari á bragðið, þeir setja þá meira af banana eða bæta 2-3 döðlum við. Fyrir minna sætan sjeik má setja avókadó í staðinn fyrir bananann. 

Þessi er flauelsmjúkur og ljúffengur. Algjör lúxus sjeik sem krakkarnir elska.
Þeir sem vilja geta bætt einhverju næringarríku út í eins og lúku af spínati eða msk af hörfræolíu.... eða bara því sem ykkur langar í.
En svona er hann algjört nammi.
Skammtur fyrir fjóra.

Þessi hristingur er mildur og góður í morgunsárið. Ef þið viljið meira bragð er um að gera að smakka hann til eftir smekk.

Hafragrautur er sígildur morgunverður, enda hollur og bragðgóður. Hafið þið prófað að setja skeið af hnetusmjöri út á grautinn? Hvílíkur lúxus! Grauturinn verður saðsamari fyrir vikið og orkan endist aðeins lengur. Út á grautinn er gott að setja ávexti, t.d. epli, peru, banana, ber eða rúsínur. 

Þetta er grunnuppskrift að chiagraut sem geymist í 5 daga í kæli. Uppskriftin gefur u.þ.b. 5-6 skammta og því upplagt að útbúa graut sem endist út vikuna. Gott er að bera grautinn fram með söxuðum möndlum, berjum og mjólk að eigin vali. 

• 2 dl chiafræ
  
• 6 dl jurtamjólk 
• (t.d. kókosmjólk og möndlumjólk til helminga)
  
• 1 tsk vanilluduft
  
• ¼ tsk sjávarsalt
  

Setjið innihaldsefnin í skál og hrærið saman með skeið, eða hrærið í hrærivél.
Geymið í loftþéttu íláti inni í kæli. Grauturinn geymist í 5 daga ef notuð er jurtamjólk úr fernu, en 3 daga ef notuð er heimagerð jurtamjólk.

Suma morgna er heimsins besta tilfinning að uppgötva að það er til tilbúinn morgunmatur í ísskápnum! Gott ráð er að útbúa stóran skammt af hreinum chiagraut sem geymist í u.þ.b. 5 daga í kæli í lokuðu íláti. Svo er fljótlegt að ná sér í hæfilegan skammt í skál og setja eitthvað góðgæti út á.  Í þessari útgáfu eru það hindber, kakónibbur og granateplakjarnar, ásamt dásamlegri hindberjamjólk. 

Þessi lúxus chiagrautur er bragðgóður og saðsamur og gefur góða orku inn í daginn. Okkur finnst frábært að útbúa grautinn kvöldið áður og eiga tilbúinn graut í krukku í morgunsárið. Grauturinn er líka mjög gott millimál/nesti.

Ljúffengur súkkulaði-avókadósmoothie með frískandi hindberjamauki í botninum. Þessi smoothie er tilvalinn í morgunsárið eða sem millimál, þegar við þrufum smá dekur. Hægt er að breyta þessum smoothie í desert með því að auka á döðluskammtinn, eða bæta við öðrum sætugjafa eins og t.d. hlynsírópi. 

Þessi lúxus hafragrautur er tilvalinn í helgarbrönsj, þegar okkur langar að gera okkur glaðan dag.

Þetta er frábær morgungrautur sem þarf ekki að elda heldur bara leggja í bleyti yfir nótt. 

• 2 dl spelt
  
• 1/2 dl tröllahafrar eða haframjöl
  
• 1/2 dl möluð chiafræ (möluð í kryddkvörn)
  
• 1 tsk. vínsteinslyftiduft
  
• 1 tsk vanilla
  
• 1/2 tsk kanill
  
• 1/4 salt
  
• 2 1/2 dl möndlumjólk eða hrísmjólk
  
• 2 msk kókosolía eða önnur góð olía
  
• 2 msk útbleytt chiafræ (1/4 fræ, 3/4 vatn)