Morgunverður

Hafragrautur með rabarbara

  • rabarbarasulta og hafragrautur

Uppskrift

Rabarbarinn er það fyrsta sem hægt er að uppskera í garðinum ár hvert og þess vegna er svo gaman að nýta hann um leið og hann byrjar að spretta. Við gerðum einfalt rabarbara og jarðaberjamauk sem er æðislegt út á morgungraut, jógúrt eða í hjónabandssælu.

Þar sem maukið inniheldur minni sykur en hefðbundin sulta geymist það ekki jafn lengi. Geymist í vel lokuðum ílátum í kæli í um 4 vikur.

  • Rabarbaramauk 

  • 600g rabarbari, skorinn í 1 cm þykka bita  
  • 400g jarðarber (t.d. frosin) 
  • 2 dl hrásykur  
  • 2 msk chiafræ  
  • 2 msk engifer skot 
  • safi og hýði úr 1 sítrónu  
  • ½ tsk sjávarsalt 

  • Hafragrautur

  • 1 dl lífrænir tröllahafrar 
  • 2-3 dl vatn 
  • ½ tsk kanill 
  • salt af hnífsoddi


Rabarbaramauk

Setjið niðurskorinn rabarbara, jarðaber, hrásykur og chiafræ í pott og látið standa í um 30 mín eða þar til vökvi kemur úr rabarbaranum.


Kveikið undir og látið suðuna koma upp, bætið engiferskoti og sítrónusafa og hýði út í.

Sjóðið í góða klukkustund við vægan hita, en passið samt að suðan detti ekki niður.
Slökkvið undir og látið maukið kólna í pottinum.


Setjið í hreinar krukkur, t.d. gamaldags sultukrukkur sem eru alveg þéttar með gúmmíteygju.
Geymist í vel lokuðum ílátum í kæli í um 4 vikur, en lengur í frysti.


Hafragrautur


Setjið vatnið í pott og kveikið undir. Bætið höfrunum út í ásamt kanil og salti.
Látið grautinn malla í 2-5 mín, eða þar til tilbúinn. Passið að hræra í annað veifið svo grauturinn brenni ekki.
Berið grautinn fram með rabarbaramauki og möndlum eða hnetum.




Vörur í uppskrift

Engiferskot Til matreiðslu

Tröllahafrar Múslí, morgunkorn og hafrar

Möndlur, stór Hnetur, möndlur og fræ