Tröllahafrar

• 2 b tröllahafrar
  
• 200g þurrkaðar aprikósur, skornar í litla bita
  
• 4 msk chiafræ
  
• 2 tsk kanilduft
  
• 1 tsk lyftiduft
  
• ½ tsk sjávarsaltflögur
  
• 2 b haframjólk eða önnur jurtamjólk
  
• 4 msk hnetusmjör
  
• 2 tsk vanilludropar
  
• 1 b bláber, frosin eða fersk
  

Byrjið á að setja tröllahafrana í eldfast mót ásamt aprikósubitum, chiafræjum, kanilduft, lyftidufti og sjávarsaltflögum. Blandið létt saman.

Setjið jurtamjólk, hnetusmjör og vanilludropa í blandara og blandið saman eða í skál og hrærið saman og hellið yfir hafrablönduna.

Endið á að setja bláberin yfir og blandið saman og þjappið létt niður í formið svo yfirborðið verði nokkuð jafnt. Látið standa í ca 15 mín.

Bakið við 190°C í 30-35 mín.

Takið út úr ofninum og leyfið að standa í um 10 mín áður en þið skerið og berið fram.

Berið fram með ykkar uppáhalds jógúrt, t.d. þykkri grískri jógúrt eða góðri vegan jógúrt.

Einnig er virkilega ljúffengt að bera fram með blöndu af jógúrt og þeyttum rjóma. Þá þeytið þið rjóma og blandið síðan 50/50 með jógúrt.

Vegan útgáfan er dásamleg með kókosjógúrt og hafrarjóma.
Þá þeytið þið hafrarjóma og blandið síðan 50/50 með kókosjógúrt.

Grauturinn

• 1 b jurtamjólk að eigin vali
  
• 2/3 b tröllahafrar
  
• 2 msk chiafræ
  
• 1 tsk vanilla
  
• 1 tsk kanill
  
• 1/2 tsk sítrónusafi
  
• nokkur saltkorn
  

Best að útbúa kvöldið áður
Hrærið allt saman og látið standa yfir nótt

Ávextir

• banani í þunnum sneiðum
  
• 1 epli, skorið í litla bita
  
• 2 dl frosin hindber
  
• 1 msk engifer, rifinn
  

Geymið bananasneiðarnar sér. Saxið eplin smátt og hrærið saman við hindber og engifer (t.d. hægt að nota matvinnsluvél til að léttsaxa, en ekki mauka alveg, eða bara nota gaffal og stappa).
Setjið nú grautinn í fallegt glas eða glerkrukku: fyrst hluta af grautnum, leggið svo bananasneiðar ofan á, þar næst hluta af epla/berjablöndunni. Setjið svo annan umgang af graut, bananasneiðum og berjablöndu. Setjið eins mörg lög og ykkur lystir. Njótið!

Sósan

• 1 dl kakóduft
  
• ¾ dl kókosolía
  
• ¾ dl hlynsíróp
  
• 1 tsk vanilla
  
• ½ tsk kanill 

Blandið hráefninu fyrir sósuna í sér skál (eða hitið aðeins í potti og hrærið saman).

Þurrefnin

• 6 dl tröllahafrar
  
• 5 dl kókosflögur
  
• 3 dl saxaðar möndlur og heslihnetur  (eða brasilíuhnetur eða kasjúhnetur)
  
• 3 msk chiafræ
  
• ½ dl kókospálmasykur (má sleppa ef þið viljið minna sætt) 

Setjið öll þurrefni í stóra skál. Hellið sósunni yfir þurrefnin og blandið vel saman, passið að sósan fari yfir allt hráefnið.
Setjið bökunarpappír á 2 ofnskúffur. Dreifið vel úr blöndunni, passið að ekki séu of stórir klumpar. Bakið við 160°C á blæstri í u.þ.b 10 - 15 mín. Hrærið í á um 5 mín fresti. (Ofnar eru alltaf aðeins misjafnir, fylgist vel með að múslíið brenni ekki við og metið aðeins hversu lengi það þarf að vera inni).
Látið múslíið alveg kólna áður en sett í krukkur til að haldist stökkt og gott. (Ef þið viljið bæta rúsínum, trönuberjum eða öðrum þurrkuðum ávöxtum út í er best að bæta þeim við eftir á).

Sósan

• 1 ¼ dl heitt vatn
  
• 2 pokar Vanilla chai te - lífrænt frá Pukka
  
• ⅔ dl tahini
  
• 2 msk kókosolía
  
• 2 msk hlynsíróp
  
• (Sleppið sírópinu ef þið eru sykurlaus)

Byrjið á að brugga teið með því að setja 2 te poka út í 1 ¼ dl af vatni og látið standa í 5 mín. Hendið tepokunum og setjið teið í blandarann ásamt restinni af uppskriftinni og blandið saman.

Þurrefnin

• 7 dl tröllahafrar
  
• 5 dl kókosflögur
  
• 2 ½ dl saxaðar möndlur
  
• 1 ¼ dl graskerjafræ
  
• 1 ¼ dl sólblómafræ
  
• 2 msk sesamfræ
  
• 2 msk chiafræ
  
• 2 msk hampfræ
  
• 2 msk hörfræ
  

Setjið allt hráefnið i stóra skál. Hellið sósunni yfir og blandið vel saman, passið að sósan fari yfir allt hráefnið. Setjið bökunarpappír á ofnskúffu (2 ofnskúffur). Dreifið úr blöndunni og bakið við 175°C í 30-40 mín. Hrærið í á um 10 mín fresti.