Kakósmjör

• 200g döðlur, mjög smátt saxaðar
• 170g kakósmjör, fljótandi (gott að bræða yfir vatnsbaði)
• 100g kakóduft
• ½ - 1 tsk vanilluduft
• ¼ tsk sjávarsaltflögur
  
• lítil páskaeggjamót / konfektmót

Skerið döðlurnar mjög smátt (mikilvægt). 

Setjið smátt skornu döðlurnar í matvinnsluvél og látið vélina ganga þar til döðlurnar verða að mauki. Best að láta þær klístrast alveg saman og verða að litlum döðlubolta. 

Bræðið kakósmjör yfir vatnsbaði á meðan matvinnsluvélin er að vinna.

Setjið nú fljótandi kakósmjör, kakóduft, vanillu og salt út í döðlumaukið og látið maukast í matvinnsluvélinni þar til þetta verður alveg kekklaust. 

Gott trikk: hellið súkkulaði blöndunni yfir í blandara því þá verður blandan alveg silkimjúk. 

Ef þið viljið getið þið hrært hnetum og rúsínum út í súkkulaðið áður en þið hellið í mótin. 

Hellið nú í páskaeggjamót/konfektmót og setjið inn í frysti. 

• 1 dl hlynsíróp (eða hunang)
  
• 2 dl hreint kakóduft (eða RAW kakó)
  
• 2 dl kaldpressuð og lífræn kókosolía eða kakósmjör
  

Látið heitt vatn renna í skál og setjið kókosolíuna/kakósmjörið þar í svo verði fljótandi (kókosolía helst fljótandi yfir 24°C) blandið allri uppskriftinni í skál og hrærið saman. Tilbúið.

Upplagt að setja ýmislegt út í súkkulaðið, s.s. hnetur eða fræ eða rúsínur eða gojiber eða kakónibbur eða..... bara það sem þig langar í.

 Hér höfum við himneska jarðarberjatertu sem er dásamleg með helgarkaffinu. Tertan er útbúin með aðferðum hráfæðis og er því ekki bökuð. Við notum lífrænt og gott hráefni, meðal annars möndlur, hnetur, chia fræ og súkkulaði, útkoman er ljúffeng terta sem bráðnar í munni.  

Botn

• 3 dl möndlur
  
• 1 dl valhnetur
  
• 2 dl döðlur, smátt saxaðar
  
• 1 ½ dl kakóduft
  
• 2 tsk rifinn appelsínubörkur
  
• 1 tsk vanilluduft

Setjið möndlur og valhnetur í matvinnsluvél og malið meðalgróft. Bætið afganginum af hráefninu út í og blandið þar til þetta loðir vel saman. Þrýstið deiginu niður í form og setjið í frysti á meðan þið bræðið súkkulaðið og útbúið jarðarberjafyllinguna. 

Bananalag

• 2 stórir eða 3 minni bananar, afhýddir og skornir í sneiðar
  

Raðið einu lagi af bananasneiðum ofan á btninn og setjið aftur í frysti eða kæli.

Súkkulaðikrem

• 3 ½ dl kakósmjör
  
• 1 ½ dl kakóduft
  
• 1 dl kókospálmasykur eða hlynsíróp
  
• 1 tsk vanilluduft

Bræðið kakósmjörið yfir vatnsbaði. Setjið svo allt í blandara (eða matvinnsluvél) og látið ganga þar til kremið er silkimjúkt og kekkjalaust. Smyrjið yfir bananana. 

Jarðarberjafylling

• 4 dl frosin jarðarber (látið þiðna yfir nótt í kæli)
  
• 3 dl kasjúhnetur, lagðar í bleyti í 2 klst
  
• 1 dl hlynsíróp
  
• ½ dl möndlumjólk
  
• 2 msk sítrónusafi
  
• 1 tsk vanilluduft
  
• ⅛ tsk sjávarsalt
  
• 1 dl kaldpressuð kókosolía
• 2 msk chiafræ, möluð

Setjið jarðarberin í blandarann og látið hann ganga þar til þau eru orðin að mauki. Hellið vatninu af kasjúhnetunum og setjið þær út í ásamt hlynsírópinu, möndlumjólkinni, sítrónusafanum, vanillunni og saltinu og blandið þar til silkimjúkt. Bætið þá kókosolíu og möluðum chiafræjum út í og blandið áfram. Setjið fyllinguna ofan á súkkulaðikremið og setjið kökuna inn í kæli í 2-3 klst. eða í frysti í 1 klst. Skreytið ríkulega með ferskum jarðarberjum eða ávöxtum. 

Skraut

• Fersk jarðarber eða ávextir 
  

Botn

• 100 g kókosmjöl
• 100 g hnetur, t.d. pekan eða möndlur
• 30 g hreint kakóduft
• 250 g döðlur

Byrjið á að setja hnetur, kókosmjöl, kakóduft og salt í matvinnsluvél og látið blandast saman og hneturnar malast. Bætið döðlunum útí og blandið þar til þetta klístrast vel saman. Þrýstið botninum niður í muffinsform, geymið í kæli/frysti meðan þið útbúið fyllinguna. 

Fylling

• 3 dl kasjúhnetur, lagðar í bleyti í 1-2 klst
• ½ dl kókospálmasykur
• ½ dl hlynsíróp
• ¾ dl kókosolía, fljótandi
• 1 dl sítrónusafi
• 1 msk sítrónuhýði
• 2 tsk vanilla
• smá sjávarsalt

Allt sett í blandara og blandað þar til silkimjúkt og kornlaust.
Hellið sítrónufyllingunni yfir botninn. 

Súkkulaði

• ½ dl kakóduft
• ¼ dl hlynsíróp
• ¼ dl kakósmjör
• ¼ dl kókosolía

Sett í skál og hrært saman með gaffli.
Hellið svo súkkulaðinu yfir sítrónufyllinguna og látið standa í frysti í 3 klst.

Kökurnar geymast best í frysti ef á að bjóða uppá þær seinna. Þá er gott að taka kökurnar úr frystinum tímanlega og leyfa aðeins að mýkjast áður en þið bjóðið uppá þessa dásemd.

Bollakökur

• 2 dl döðlur
  
• ¼ dl vatn
  
• 1 tsk sítrónusafi
  
• ½ dl kókosolía, fljótandi
  
• 1½ tsk vanilluduft
  
• ⅛ tsk sjávarsalt
  
• 3 dl möndlur, malaðar eða möndlumjöl (eða hrat eftir möndlumjólkurgerð)
  
• 1 dl kókosmjöl, fínmalaði í kaffi/kryddkvörn
  
• 1 dl kakóduft
  

Maukið döðlur, vatn og sítrónusafa saman í matvinnsluvél þar til úr verður silkimjúkt döðlumauk. 
Setjið döðlumauk, kókosolíu, vanillu og salt í matvinnsluvél (má nota hrærivél) og blandið vel saman. Malið möndlurnar og kókosmjölið (í sitthvoru lagi) í kryddkvörn eða matvinnsluvél. Bætið þessu út í deigið ásamt kakódufti og blandið vel saman. Ef deigið er of blautt má bæta smávegis meira mjöli út í, ef það er of þurrt má bæta meira döðlumauki/kókosolíu út í.
Setjið í 6 - 8 muffinsform og leyfið að stífna í ísskápnum á meðan kremið er útbúið.

Súkkulaðikrem

• 4 dl kasjúhnetur, lagðar í bleyti í 2 klst
  
• 1½ - 2 dl jurtamjólk (t.d. heimagerð möndlumjólk eða jurtamjólk úr fernu)
  
• 1 dl hlynsíróp
  
• 2½ dl kakóduft
  
• 1½ dl kókosolía, fljótandi
  
• ½ dl kakósmjör, fljótandi
  
• 1½ msk chiafræ, möluð
  
• ⅛ tsk sjávarsalt
  

Setjið kasjúhnetur, jurtamjólk, kakóduft og hlynsíróp í blandara og látið hann ganga þar til kremið er alveg silkimjúkt og kekkjalaust. Bræðið kókosolíu og kakósmjör yfir vatnsbaði og bætið svo út í kremið ásamt möluðum chiafræjum og salti og ljúkið við að blanda. Setjið kremið í ísskáp í 2-3 klst og látið það stífna. Notið sprautupoka með skemmtilegum stút til að skreyta kökurnar.

• 1 dl lífrænt kakóduft
  
• 1 dl bráðið kakósmjör, (eða kókosolía eða 50/50)
  
• ½ dl hlynsíróp eða kókospálmasykur
  
• 4 dl Lífrænar kornflögur

Setjið allt nema hrísflögur í skál og hrærið saman. Hrísflögunum er svo hellt út í og velt upp úr súkkulaðinu. Setjið í lítil konfektform og inn í frysti til að stífna. Einnig má búa til kökubotn úr deiginu eða setja kúlur á bökunarpappír með teskeið/skeið. Þarf alltaf að setja inn í frysti eða kæli svo það stífni. 

• 150g kókosflögur 
• 170g möndlusmjör
• 150g kakósmjör, brætt
• 1 msk kakóduft  
• 2 tsk vanilla  
• ¼ tsk sjávarsaltflögur (eða eftir smekk)
• nokkur chilikorn 
• 5 dropar stevia ef vill  - eða önnur sæta- eða engin sæta 
• hreint lakkrísduft (fæst t.d. í Epal)

Bræðið kakósmjör yfir vatnsbaði. 

Malið kókosflögurnar í mjöl, annað hvort í matvinnsluvél eða blandara. 

Bætið nú restinni af uppskriftinni út í og klárið að blanda þar til þetta er orðið að silkimjúku deigi, svolítið eins og smoothie.

Hellið í form og setjið inn í frysti til að stífna.

Þegar súkkulaðið er orðið stíft, kannski eftir 2 klst, má losa molana úr formunum og strá lakkrísdufti yfir. 

Geymið í frystinum. 

Njótið.