Vínsteinslyftiduft

• 2 ½ dl gróft spelt
  
• 2 ½ dl fínt spelt
  
• 1 dl sesamfræ
  
• 1 dl graskerjafræ
  
• 1 msk vínsteinslyftiduft
  
• ½ tsk salt
  
• 1 msk hlynsíróp (eða hunang)
  
• 2 dl vatn
  
• 1 msk sítrónusafi
  

Hitið ofninn í 180°C, blandið þurrefnunum saman í skál, hellið vatni og sítrónusafa og sírópi út í og hrærið þessu saman. Setjið deigið í meðalstórt smurt form. Bakið við 180°C í um 30 mín, takið brauðið úr forminu og haldið áfram að baka í 10 mín. Það er gott að setja allskonar hnetur og fræ útí, ásamt sólþurrkuðum tómötum, ólífum, hvítlauk, gojiberjum eða því sem þig langar mest í.

• 4 dl spelt, fínt og gróft til helminga
  
• 1 dl malaðar valhnetur
  
• ½ dl sojamjöl eða kókosmjöl
  
• 3 tsk vínsteinslyftiduft
  
• ½-1 tsk. salt
  
• 2 - 2 ½ dl sojajógúrt (eða ab-mjólk)
  

Blandið þurrefnunum saman í skál og hrærið síðan sojajógúrtinni út í. Bestur árangur næst með því að hræra deigið í höndunum og nota bara um 10 hreyfingar til að koma deiginu saman, semsagt hræra eins lítið og hægt er. Setjið smjörpappír á bökunarplötu, eða innan í vítt form, og búið til bollur úr deiginu með ískúluskeið. Setjið þær hlið við hlið á bökunarplötuna eða í formið. Þetta verða 8-10 bollur, það fer eftir stærðinni á ískúluskeiðinni. Bakið bollurnar í ofni við 200°C í 25-30 mín. Þegar bollurnar eru bakaðar eru þær settar í körfu eða skál og rakt viskastykki breitt yfir svo að þær mýkist.

• 2 dl rúgmjöl
  
• 2 ½ dl spelt
  
• 1 msk. vínsteinslyftiduft,
  
• ½ tsk. salt
  
• 1 dl fínt saxaðar fíkjur eða aðrir þurrkaðir ávextir,
  
• 2 ½ dl sojajógúrt eða annar vökvi (t.d. ab-mjólk)
  
• smá sesamfræ eða rúgmjöl til að strá inn í formið
  

Hitið ofninn í 180°C. Blandið þurrefnunum saman í skál, bætið fíkjunum útí og loks vökvanum. Smyrjið brauðform með smá olíu og stráið sesamfræjum eða rúgmjöli innan í það svo að brauðið festist síður við. Bakið brauðið við 180°C í 35-40 mín. Þegar þið takið brauðið úr forminu er gott að vefja blautu stykki utanum svo að það mýkist. Úr þessari uppskrift fáið þið eitt lítið brauð en eitt stórt ef þið tvöfaldið hana. Hrærið sem minnst í deiginu svo að það verði létt í sér.

• 250g spelt, t.d. fínt og gróft til helminga
  
• 1 msk vínsteinslyftiduft
  
• 1 tsk vanilla
  
• 1/2 tsk kardimomma
  
• 1/2 ltr mjólk að eigin vali
  
• 1 msk kókosolía
  

Gott að láta deigið hvíla aðeins áður en pönnsurnar eru bakaðar á pönnu við meðalhita.