Austurlensk Laksa

Súpur

  • Miðlungs
  • Vegan: Já
  • Viðbættur sykur: Nei
  • Mjókurlaust: Já
  • Eggjalaust: Já
  • Glútenlaust: Já

Uppskrift

Þessa súpu er upplagt að búa til þegar þið þurfið að taka til í ísskápnum og eigið grænmeti sem þarf að fara að nýta. Galdurinn í þessari súpu gera sítrónugrasið og límónulaufin. Það er gott að eiga þau í frystinum svo ekki þurfi að fara aukaferð í búðina. 

  • 2 msk grænt curry paste
  • 1 msk tómatpúrra
  • 2 tsk grænmetiskraftur
  • 2 hvítlauksrif
  • 2 sítrónugrasstönglar
  • 4 límónulauf
  • 2 gulrætur, skornar í bita
  • ½ - 1 blómkálshöfuð, skorið í bita
  • 1 rauð paprika, skorin í bita
  • 150g tófú, safinn pressaður úr því og skorið í teninga
  • 200 ml tómatpassata
  • 400ml möndlumjólk/kókosmjólk
  • 4-600 ml vatn
  • smá salt og nýmalaður svartur pipar
  • ofan á ef vill:
  • ristaðar kasjúhnetur
  • ferskur kóríander
  • smá ferskur chili
  • minimaís
  • baunaspírur
  • ristaðar möndluflögur

Byrjið á að skera gulræturnar í þunnar þunnar sneiðar, blómkálið í passlega stóra munnbita og paprikuna í teninga. Kreistið vökvann úr tófúinu með því að vefja viskustykki utan um það og létt kreista og skerið það síðan í 2x2 cm teninga. Merjið breiða endann á sítrónugrasinu svo það gefi meira bragð í súpuna. Setjið allt í pott og látið suðuna koma upp og látið sjóða í 15-20 mín, smakkið til með salti og pipar.