Aðalréttir

Fyrirsagnalisti

Pottréttur með hnetusmjörssósu - Pottréttir

Þessi himneski pottréttur er innblásinn af indónesískri matargerð. Hnetusmjör, sætar kartöflur, blómkál, baunir, engifer og madras karrí....himnesk blanda! Pottréttinn er gott að bera fram með fullt af grænu og fersku salati. Og ef ykkur líkar kóríander, ekki spara hann. Sumstaðar er litið á kóríander sem mælikvarða á gestristni, því ríkulegra af kóríander, því höfðinglegri er gestgjafinn!

Austurlensk Laksa - Súpur

Þessa súpu er upplagt að búa til þegar þið þurfið að taka til í ísskápnum og eigið grænmeti sem þarf að fara að nýta. Galdurinn í þessari súpu gera sítrónugrasið og límónulaufin. Það er gott að eiga þau í frystinum svo ekki þurfi að fara aukaferð í búðina. 

Rauðrófu- og sætkartöflusúpa - Súpur

Það er kúnst elda rauðrófur án þess að jarðarbragðið komi í gegn. Það tekst einstaklega vel í þessari súpu. Það gerist einhver galdur þegar cumin og turmerik blandast við rauðrófurnar og sætu kartöfluna. Það má nota eingöngu kókosmjólk eða eingöngu vatn í súpuna en hún verður mýkri við að nota kókosmjólk og þess vegna finnst okkur best að hafa blönduna 1:1. 

Kartöflu-chili buff - Buff og falafel

Þessi buff eru sérstaklega vinsæl hjá yngstu kynslóðinni og með tilliti til hennar er snjallt að minnka magnið af vorlauk og chili. 

Einfalt pasta - Pasta og pizzur

Suma daga er einfaldleikinn bara bestur. Hér finnið þið einfaldan pastarétt þar sem gott lífrænt hráefni fær að njóta sín.  Margir hafa vanist því að nota pasta úr hvítu hveiti, en pasta úr heilhveiti eða heilmöluðu spelti er trefjaríkara en það hvíta og því bæði bragðmeira og heilsusamlegra. Í Himnesku vörulínunni er gott úrval af grófkorna pasta. Þetta pasta er unnið úr heilu korni frá ökrunum umhverfis Montebello klaustrið í Marche á Ítalíu, þar sem akrarnir hafa verið ræktaðir án notkunar tilbúins áburðar og varnarefna um langan aldur. Og okkur finnst það alveg dásamlegt! 

Linsubuff - Buff og falafel

Þessi uppskrift er bæði auðveld og bragðgóð og börn eru yfirleitt hrifin af þessum buffum. Gott getur verið að sleppa chili-inu ef börnin eru ekki hrifin af því. 

Chili sin carne - Pottréttir

Chili sin carne þýðir kjötlaust chili. Þetta er útgáfan hennar Sollu af þessum vinsæla suður-ameríska rétti. Pottrétturinn er frábær með hrísgrjónum og góðu guacamole. Einnig er hægt að bera hann fram í maísskeljum eða tortillum.