Morgunverður

Fyrirsagnalisti

Perugrautur - Grautar

Þessi lúxus chiagrautur er bragðgóður og saðsamur og gefur góða orku inn í daginn. Okkur finnst frábært að útbúa grautinn kvöldið áður og eiga tilbúinn graut í krukku í morgunsárið. Grauturinn er líka mjög gott millimál/nesti.

Hafragrautur með hnetusmjöri - Grautar

Hafragrautur er sígildur morgunverður, enda hollur og bragðgóður. Hafið þið prófað að setja skeið af hnetusmjöri út á grautinn? Hvílíkur lúxus! Grauturinn verður saðsamari fyrir vikið og orkan endist aðeins lengur. Út á grautinn er gott að setja ávexti, t.d. epli, peru, banana, ber eða rúsínur. 

Chiagrautur með hindberjum - Grautar

Suma morgna er heimsins besta tilfinning að uppgötva að það er til tilbúinn morgunmatur í ísskápnum! Gott ráð er að útbúa stóran skammt af hreinum chiagraut sem geymist í u.þ.b. 5 daga í kæli í lokuðu íláti. Svo er fljótlegt að ná sér í hæfilegan skammt í skál og setja eitthvað góðgæti út á.  Í þessari útgáfu eru það hindber, kakónibbur og granateplakjarnar, ásamt dásamlegri hindberjamjólk. 

Chiagrautur - fyrir vikuna - Grautar

Þetta er grunnuppskrift að chiagraut sem geymist í 5 daga í kæli. Uppskriftin gefur u.þ.b. 5-6 skammta og því upplagt að útbúa graut sem endist út vikuna. Gott er að bera grautinn fram með söxuðum möndlum, íslenskum berjum og mjólk að eigin vali. 

  • 2 dl chiafræ
  • 6 dl jurtamjólk 
  • (t.d. 2 dl kókosmjólk og 4 dl möndlumjólk)
  • 1 tsk vanilluduft
  • ¼ tsk sjávarsalt

Setjið innihaldsefnin í skál og hrærið saman með skeið, eða hrærið í hrærivél. Geymið í loftþéttu íláti inni í kæli. Grauturinn geymist í 5 daga ef notuð er jurtamjólk úr fernu, en 3 daga ef notuð er heimagerð jurtamjólk.

Súkkulaði og hindberjasmoothie - Hristingar

Ljúffengur súkkulaði-avókadósmoothie með frískandi hindberjamauki í botninum. Þessi smoothie er tilvalinn í morgunsárið eða sem millimál, þegar við þrufum smá dekur. Hægt er að breyta þessum smoothie í desert með því að auka á döðluskammtinn, eða bæta við öðrum sætugjafa eins og t.d. hlynsírópi. 

Hafragrautur með súkkulaði og appelsínum - Dögurður Grautar

Þessi lúxus hafragrautur er tilvalinn í helgarbrönsj, þegar okkur langar að gera okkur glaðan dag.


Himneskur hafragrautur - Grautar

Þetta er frábær morgungrautur sem þarf ekki að elda heldur bara leggja í bleyti yfir nótt. 

Lummur með chiafræjum - Dögurður

  • 2 dl spelt
  • 1/2 dl tröllahafrar eða haframjöl
  • 1/2 dl möluð chiafræ (möluð í kryddkvörn)
  • 1 tsk. vínsteinslyftiduft
  • 1 tsk vanilla
  • 1/2 tsk kanill
  • 1/4 salt
  • 2 1/2 dl möndlumjólk eða hrísmjólk
  • 2 msk kókosolía eða önnur góð olía
  • 2 msk útbleytt chiafræ (1/4 fræ, 3/4 vatn)