Árstíðirnar


Árstíðirnar

Fyrirsagnalisti

Súkkulaði smákökur - Smákökur Vetur (Jól)

Frábærar jólakökur fyrir þá sem eru hrifnir af súkkulaði. Bakaðar úr lífrænt ræktuðu hráefni. 


Sveppasósa - Sósur, pestó og chutney Vetur (Jól)

Sveppasósa er góð með hátíðarmatnum, fer einstaklega vel með hnetusteik og hindberjasultu.

Fljótleg innbökuð hnetusteik - Hnetusteikur Vetur (Jól)

Fyrir þá sem vilja bjóða upp á vegan valkost á hátíðarborðið, en hafa ekki tíma til að elda hnetusteik frá grunni.

Ofnbakað grasker - Salöt og grænmeti Vetur (Jól)

Ofnbakað grasker í þunnum sneiðum er virkilega gott meðlæti með hverskyns hátíðlegum mat. 

Marzípanmolar - Sælgæti Vetur (Jól)

Konfektgerð er skemmtilegur siður fyrir jólin. Þessir dásamlegu marzípanmolar eru einfaldir og ljúffengir. Tilvalið föndur fyrir fjölskyldustund. 

Súkkulaðibitakökur - Smákökur Vetur (Jól)

Í þessar dýrindis smákökur notum við 71% súkkulaðið okkar, sem er fairtrade vottað. Ef ykkur langar til að nota sætara súkkulaði eins og hefðbundið baksturssúkkulaði, þá mælum við með því að minnka aðeins sykurinn í uppskriftinni á móti, svo kökurnar verði passlega sætar.

Heimalagað rauðkál - Salöt og grænmeti Vetur (Jól)

Rauðkál er klassískt meðlæti við hátíðarborðið. Heimalagað er auðvitað málið, enda einfalt að útbúa. Þessi uppskrift er mjög bragðgóð og líklega inniheldur hún minna af sykri en flestar og enga olíu eða smjör heldur.  

Innbökuð hnetusteik - Hnetusteikur Vetur (Jól)

Hnetusteik er vinsæll hátíðarréttur, þessi útgáfa er innbökuð í tertudeig. Uppskriftin gefur tvær innbakaðar steikur, eða eina bera steik. 

Kókosmolar - Sælgæti Vetur (Jól)

Konfektgerð er skemmtilegur siður fyrir jólin. Þessir dásamlegu kókosmolar eru sérlega einfaldir og ljúffengir. Tilvalið föndur fyrir fjölskyldustund. 


Hafra- og heslihnetukökur - Smákökur Vetur (Jól)

Ljúffengar haframjöls-smákökur með heslihnetum og súkkulaðibitum. Ekta aðventukökur.

Ristaðar möndlur - Snakk Vetur (Jól)

Jólalegar möndlur. Sniðug heimagerð jólagjöf eða ljúffengt snarl á aðventunni og í jólaboðin. 

Hnetusmjörskúlur - Sælgæti Vetur (Jól)

Konfektgerð er skemmtilegur siður fyrir jólin. Þessir dásamlegu hnetusmjörsmolar eru sérlega einfaldir og ljúffengir. Tilvalið föndur fyrir fjölskyldustund. 

Piparkökur - Smákökur Vetur (Jól)

Mikil stemning er í kringum piparkökubakstur á aðventunni, enda tilvalin fjölskyldustund að skera út allskyns skemmtileg form og fígúrur í piparkökudeig. Hér höfum við góða uppskrift að piparkökum úr lífrænt ræktuðu hráefni og grófu mjöli í bland við fínna. Kökurnar eru ekki jafn sætar og piparkökur úr búðinni. Uppskriftin er vegan.

Salthnetubitar - Sælgæti Vetur (Jól)

Konfektgerð er skemmtilegur siður fyrir jólin. Þessir dásamlegu salthnetumolar eru sérlega einfaldir og ljúffengir. Tilvalið föndur fyrir fjölskyldustund. 

Hafrakökur - Smákökur Vetur (Jól)

Þessar ljúffengu hafrakökur eru frábærar núna á aðventunni, ekki alveg jafn dísætar og jólasmákökurnar, en fínar fyrir þá sem langar í kósý bakstursstund í skammdeginu. Upplagt er að nota holla fitugjafa í baksturinn, við notum ólífuolíu og möndlusmjör í þessa uppskrift, og útbleytt chiafræ til að binda kökurnar saman. Nú er um að gera að hafa það huggulegt.

Kanilsnúðar - Brauð og bakstur Vetur (Jól)

Í skammdeginu er tilvalið að baka mjúka kanilsnúða og fá ljúfan ilm í eldhúsið. Þessir snúðar eru vegan og því er notuð kókosolía í staðinn fyrir smjör. Þeir sem vilja fá smjörkeim geta notað vegan smjör, t.d. frá Earth balance í staðinn, það kemur mjög vel út. Við völdum kókospálmasykur í fyllinguna því okkur finnst hann blandast sérlega vel með kanilnum og gefa góðan keim. 

Avókadó trufflur - Sælgæti Vetur (Jól)

Dásamlega rjómakenndar súkkulaðitrufflur gerðar úr avókadó, sem gefur trufflunum lungamjúka áferð.

Hnetuturnar með rótarmús - Hnetusteikur Vetur (Jól)

Hnetusteik er vinsæll hátíðarréttur. Hægt er að gera eina stóra steik, eða margar litlar, eins og þessa hnetuturna. Turnarnir eru toppaðir með rótarmús og krydduðum pekanhnetum. 


Hnetusmjörs smákökur - Smákökur Vetur (Jól)

Ljúffengar hnetusmjörs smákökur, glútenlausar og vegan. 

Vegan súkkulaðikaka - Kökur Vetur (Jól)

Þessi mjúka súkkulaðikaka er bæði góð með kremi og kremlaus. Uppskriftin gefur eina minni köku, fyrir stóra köku má tvöfalda uppskriftina. 

Linsusúpa með engifer - Haust Súpur

Þessi ljúffenga linsubaunasúpa er frábær í fallegu haustveðri og vermandi á köldum vetrardegi. Á haustin er upplagt að nota íslenskar gulrætur á meðan þær fást, en að vetrarlagi mælum við með sætum kartöflum.  
          

Grænmetislasagna - Haust Pasta og pizzur

  • 3 gulrætur, rifnar
  • 1 lítil eða ½ stærri sæt kartafla, rifin
  • ¼ sellerírót, rifin
  • 1 blómkálshöfuð, smátt skorið
  • 2 dl soðnar brúnar linsur (tæplega 1 dl ósoðnar) 
  • 400 ml kókosmjólk (eða 400ml vatn)
  • 500g (1 krukka) maukaðir tómatar
  • 3 msk tómatpúrra
  • 4 hvítlauksrif
  • 1 msk ítölsk kryddblanda 
  • (eða 2 tsk oregano + 1 tsk basil)
  • 1 tsk sjávarsalt
  • cayenne pipar af hnífsoddi
  • 250g lasagna blöð
  • 200g rifinn jurtaostur

Sjóðið linsur skv. leiðbeiningum á pakka. Rífið gulrætur, sæta kartöflu og sellerírót á grófu rifjárni (t.d. hentugt að nota rifjárnið í matvinnsluvélinni). Skerið blómkálið mjög smátt, (t.d. gott að skera það í bita og setja í matvinnsluvélina og telja upp að 5, þá verður það mjög fínt niður skorið og minnir áferðin á hakk). Setjið allt (nema lasagna blöð og ost) í pott og látið suðuna koma upp, lækkið og látið sjóða í um 5-10 mín. 

Hitið ofninn í 200°C og raðið í eldfast form á meðan ofninn er að hitna:
1 lag grænmetisfylling
1 lag lasagna plötur
1 lag rifinn ost
Endurtakið

Setjið formið inn í heitan ofninn og bakið í um 25 mín.
Berið fram með góðu pestói + fersku salati. 
Njótið!

Bananabrauð - Brauð og bakstur Haust

Bananabrauð er svo dásamlega gott með helgarkaffinu. Þessi uppskrift er vegan (hvorki egg né mjólkurvörur) og við notum fínt og gróft spelt til helminga, svo það er passlega gróft. Sælkerar bæta súkkulaðibitum í brauðið og þá er það eiginlega orðið að köku. Nammms! Við skreyttum með banana og möndlum ofan á, en það er ekki nauðsynlegt. Möndlurnar ristast við baksturinn og verða rosalega góðar. Bananinn gefur svona grillað bananabragð, sem minnir á fallegt sumarkvöld. 

Haustsúpa - Haust Súpur

Við fögnum haustinu með nærandi og kraftmikilli súpu. Upplagt er að nota nýtt íslenskt grænmeti úr búðinni eða uppskeruna úr garðinum. Okkur finnst best að nota það grænmeti sem lítur best út hverju sinni, það er ekkert heilagt að það sé nákvæmlega það sama og í uppskriftinni. 
   

Berjabaka - Haust Kökur

Gott er að nota bláber og heimalagaða sultu í þessa böku, en hún er líka ljómandi góð með þeim berjum sem til eru hverju sinni. 

Sykurlaus krækiberjasaft - Haust Safar

Krækiberjasaftin er góður járngjafi, við mælum með frískandi staupi í morgunsárið.

Bláberja og sólberjasulta - Haust

Þessi bláberja og sólberjasulta er sætt með döðlum. Sólberin gefa gott súrsætt bragð sem blandast vel við mild bláberin. Gott er að hafa í huga að geymsluþolið er styttra fyrir sultur sem ekki eru sættar með hreinum sykri. Hægt er að frysta hluta af sultunni ef geyma á lengi.

Bláberjasulta - Haust

Þessi sulta inniheldur mun minna af sykri en hefðbundnar sultur og geymsluþolið er því skert. Sulta sem ekki á að borða fljótlega geymist best í frysti.

Krydduð bláberjasulta - Haust

Þessi bláberjasulta er þykkt með chiafræjum. Kryddið, mórberin og kókospálmasykurinn gefa sultunni karakter og dásamlegt bragð.
 

Rabarbara eftirréttur - Kökur Sumar

Ef þið eigið ennþá rabarbara í garðinum er upplagt að nýta hann í ljúffengan eftirrétt, með haframjöli og kanil. Bestur borinn fram volgur með góðum ís eða rjóma (t.d. kókosrjóma).

Rabarbara- og jarðaberjasulta - Vor

Í þessa uppskrift má nota aðra ávexti þegar rabarbarar og jarðaber fást ekki. Hægt er að sjóða rabarbarana ef vill, en einnig má nota ferska eða frosna ávexti í þessa sultu.

Grænkálspestó - Hummus og álegg Sósur, pestó og chutney Sumar

Hvort sem þið eigið grænkál úti í garði, eða fáið falleg búnt í búðinni, þá er þetta pestó virkilega ljúffeng leið til að njóta þessa næringarríka káls út í ystu æsar. T.d. frábært álegg, út á salöt, pasta, pizzur.
.

Hundasúrupestó - Hummus og álegg Sósur, pestó og chutney Sumar

Hundasúrur er gaman að tína upp í munn, en þær eru líka ótrúlega skemmtilegar í matargerð, okkur finnst þær hið mesta sælkerahráefni. Hér höfum við sumarlegt súrupestó sem er gott út á salöt, pasta, pizzur eða sem álegg á brauð.