Árstíðirnar


Árstíðirnar

Fyrirsagnalisti

Marzípanmolar - Jól (Vetur) Sælgæti

Þessir dásamlegu marzípanmolar eru einfaldir og ljúffengir. Tilvalið föndur fyrir fjölskyldustund. 

Vegan Tartalettur - Jól (Vetur) Ofnréttir

Á mörgum heimilum er hefð fyrir því að útbúa tartalettur úr afgöngum eftir góða veislu. Hér höfum við vegan útgáfuna.


Lakkrís kókos smákökur - Jól (Vetur) Smákökur

Rosalega góðar smákökur úr lífrænt ræktuðu hráefni, að mestu.


Vegan Sörur - Jól (Vetur) Smákökur

Sörur eru vinsælar á aðventunni, þegar smákökur eru bakaðar af miklum móð á mörgum íslenskum heimilum. Egg eru mjög mikilvægur hluti af klassískum sörum. Þetta hentar ekki þeim sem hafa valið sér vegan lífsstíl, eða hafa ofnæmi fyrir eggjum, og þess vegna langaði okkur að spreyta okkur á því að baka kökur sem eru innblásnar af sörum, en eru vegan-vænar. Eftir smá tilraunastarfssemi fæddist þessi uppskrift. Þessar kökur eru svaaakalega góðar. Kannski eru þær ekki nákvæmlega eins og klassískar sörur, en okkur finnst það allt í lagi, enda annað hráefni notað. Tilfinningin er samt sú sama... ...að finna þunnan súkkulaðihjúpinn brotna undan tönnunum, sökkva svo í dásamlegt kaffikrem og enda í mjúkum og pínu karamellukenndum möndlubotni. Fullkomnun!

Súkkulaðibitakökur - Jól (Vetur) Smákökur

Í þessar dýrindis smákökur notum við 71% súkkulaðið okkar, sem er fairtrade vottað og gefur ríkulegt súkkulaðibragð.
Hráefnið er lífrænt ræktað og uppskriftin hentar vegan lífsstíl. 

Súkkulaði smákökur - Jól (Vetur) Smákökur

Frábærar jólakökur fyrir þá sem eru hrifnir af súkkulaði. Bakaðar úr lífrænt ræktuðu hráefni. 


Rúsínukökur - Jól (Vetur) Smákökur

Vegan smákökur úr Himnesku hráefni. Kókosinn og rúsínurnar fara svo vel saman í þessum dásamlegu smákökum. 

Tahini bliss - Haust Heitir drykkir

Ljúfur og vermandi tahini drykkur, góður þegar aðeins er farið að kólna í veðri. 

Þessi drykkur er mjög einfaldur, aðal uppistaðan er tahini og heitt vatn. Svo bætum við döðlum út í til að sæta og þeim kryddum sem við eigum til hverju sinni. Það má sem sagt sleppa einhverjum kryddum, en drykkurinn er auðvitað bestur vel kryddaður. 

Kryddaðar perur - Haust

Volgar og mjúkar engiferperur eru tilvalinn hversdags eftirréttur. Dásamlegar bornar fram með þeyttum rjóma eða smá ís. Og jafnvel söxuðum möndlum eða hnetum til að strá yfir. 

Hnetusmjörs og súkkulaðibita kökur - Jól (Vetur) Smákökur

Hér eru á ferðinni djúsí súkkulaðibitakökur fyrir hnetusmjörs aðdáendur. Lífrænt ræktað hráefni, ríkulegt hnetusmjörsbragð og dökkt súkkulaði: Himnesk blanda!
Uppskriftin er vegan og hentar einnig þeim sem ekki borða hveiti.
Í kökurnar notum við 71% dökkt súkkulaði frá Himneskt, sem er FairTrade vottað. Ef þið viljið nota sætt súkkulaði eins og t.d. suðusúkkulaði eða annað baksturssúkkulaði, þá er ráð að minnka aðeins sykurinn í uppskriftinni á móti. 


Ekta heitt súkkulaði - Heitir drykkir Jól (Vetur)

Ekta heitt súkkulaði er dásamlegt með piparkökum eða smákökum í skammdeginu og jólaundirbúningnum. Í þessa uppskrift notum við dökkt 71% súkkulaði sem gefur ríkulegt súkkulaðibragð, en hefur minna hlutfall sykurs en hefðbundið bökunarsúkkulaði og er því hóflega sætt á bragðið. Þeir sem vilja vegan kakó nota vegan rjóma, t.d. þeytta kókosmjólk eða annan jurtarjóma.


Sveppasósa - Jól (Vetur) Sósur, pestó og chutney

Sveppasósa er einstaklega góð með grænmetisbuffi eða hnetusteik og hindberjasultu.


Fljótleg innbökuð hnetusteik - Hnetusteikur Jól (Vetur)

Fyrir þá sem vilja bjóða upp á vegan valkost á hátíðarborðið, en hafa ekki tíma til að elda hnetusteik frá grunni.


Ofnbakað grasker - Jól (Vetur) Salöt og grænmeti

Ofnbakað grasker í þunnum sneiðum er virkilega gott meðlæti.


Ristaðar möndlur - Jól (Vetur) Snakk

Jólalegar möndlur. Sniðug heimagerð jólagjöf eða ljúffengt snarl á aðventunni og í jólaboðin. 

Heimalagað rauðkál - Jól (Vetur) Salöt og grænmeti

Rauðkál er klassískt meðlæti við hátíðarborðið. Heimalagað er auðvitað málið, enda einfalt að útbúa. Þessi uppskrift er mjög bragðgóð og hátíðleg. 

Innbökuð hnetusteik - Hnetusteikur Jól (Vetur)

Hnetusteik er vinsæll hátíðarréttur, þessi útgáfa er innbökuð í tertudeig. Uppskriftin gefur tvær innbakaðar steikur, eða eina bera steik. 

Hafra- og heslihnetukökur - Jól (Vetur) Smákökur

Ljúffengar haframjöls-smákökur með heslihnetum og súkkulaðibitum. Ekta aðventukökur.

Hnetusmjörskúlur - Jól (Vetur) Sælgæti Vor

Konfektgerð er skemmtileg fyrir jólin. Þessir dásamlegu hnetusmjörsmolar eru sérlega einfaldir og ljúffengir. Tilvalið föndur fyrir fjölskyldustund. 

Salthnetubitar - Sælgæti Vor

Konfektgerð er skemmtileg fyrir páska. Þessir dásamlegu salthnetumolar eru sérlega einfaldir og ljúffengir. Tilvalið föndur fyrir fjölskyldustund. 

Kókosmolar - Jól (Vetur) Sælgæti Vor

Konfektgerð er skemmtileg fyrir jólin. Þessir dásamlegu kókosmolar eru sérlega einfaldir og ljúffengir. Tilvalið föndur fyrir fjölskyldustund. 


Piparkökur - Jól (Vetur) Smákökur

Mikil stemning er í kringum piparkökubakstur á aðventunni, enda tilvalin fjölskyldustund að skera út allskyns skemmtileg form og fígúrur í piparkökudeig. Hér höfum við góða uppskrift að piparkökum úr lífrænt ræktuðu hráefni og grófu mjöli í bland við fínna. Kökurnar eru ekki jafn sætar og piparkökur úr búðinni. Uppskriftin er vegan.

Avókadó trufflur - Jól (Vetur) Sælgæti

Dásamlega rjómakenndar súkkulaðitrufflur gerðar úr avókadó, sem gefur trufflunum lungamjúka áferð.

Súkkulaði Fudge - Haust Jól (Vetur) Sælgæti

Heimagert lífrænt súkkulaðifudge sem svalar súkkulaðiþörfinni þegar hún hellist yfir.
Við notum bæði möndlusmjör og tahini, sem gefa góða áferð, holla fitu og ýmis næringarefni. Að auki notum við annað hvort kókosolíu eða kakósmjör, eftir því hvaða áferðareiginleikum við erum að sækjast eftir. Ef ætlunin er að bera súkkulaðið á borð fyrir gesti er snjallt að nota kakósmjör því það er stífara við stofuhita og heldur sér betur. En þegar við erum að laga súkkulaði til að eiga í frystinum (hugsað til að laumast sjálf í einn og einn mola) þá gefur kókosolían betri áferð. Hún er á mörkum þess að vera fljótandi við stofuhita (ef stofan er hlý) og því bráðnar súkkulaðið ef það stendur lengi á borðinu. Molarnir eru passlega mjúkir nýkomnir úr frystinum. 

Hnetusmjörs smákökur - Jól (Vetur) Smákökur

Ljúffengar hnetusmjörs smákökur, glútenlausar og vegan. 

Hafrakökur - Jól (Vetur) Smákökur

Þessar ljúffengu hafrakökur eru frábærar núna á aðventunni, ekki alveg jafn dísætar og jólasmákökurnar, en fínar fyrir þá sem langar í kósý bakstursstund í skammdeginu. Upplagt er að nota holla fitugjafa í baksturinn, við notum ólífuolíu og möndlusmjör í þessa uppskrift, og útbleytt chiafræ til að binda kökurnar saman. Nú er um að gera að hafa það huggulegt.

Hnetuturnar með rótarmús - Hnetusteikur Jól (Vetur)

Hnetusteik er vinsæll hátíðarréttur. Hægt er að gera eina stóra steik, eða margar litlar, eins og þessa hnetuturna. Turnarnir eru toppaðir með rótarmús og krydduðum pekanhnetum. 


Sveppa penne með salvíu - Haust Pasta og pizzur

Himneskt penne er gert úr heilmöluðu korni sem er ræktað á ökrunum í kringum Montebello klaustrið í Marche, á Ítalíu. Þessir akrar hafa verið ræktaðir um langan aldur án notkunar tilbúins áburðar og varnarefna. 

Pastað er hægþurrkað, sem fullkomnar bragð og áferð þess og viðheldur næringargildi hráefnisins eins og best verður á kosið. Hægt er að velja penne úr lífrænt ræktuðu heilhveiti eða lífrænt ræktuðu heilmöluðu spelti.

Sveppa penne með salvíu er virkilega góður pastaréttur sem er upplagt að útbúa þegar stemning er fyrir einhverju ljúffengu og fljótlegu. Uppskriftin miðast við tvo, en auðvelt er að stækka fyrir fleiri.

Blómkálssúpa - Haust Súpur

Góð blómkálssúpa er vermandi og saðsöm. Ekki er verra ef nýtt íslenskt blómkál fæst í súpuna. Hér bökum við blómkálið, hvítlaukinn og laukinn í ofni til að fá góðan ristaðan keim, en eldamennskan tekur þó ekkert lengri tíma. Njótið með góðu brauði.


Linsusúpa með engifer - Haust Súpur

Þessi ljúffenga linsubaunasúpa er frábær í fallegu haustveðri og vermandi á köldum vetrardegi. Á haustin er upplagt að nota íslenskar gulrætur á meðan þær fást, helst lífrænar.  
          

Kanilsnúðar - Brauð og bakstur Haust

Í skammdeginu er tilvalið að baka mjúka kanilsnúða og fá ljúfan ilm í eldhúsið. Þessir snúðar eru vegan og því er notuð kókosolía í staðinn fyrir smjör. Þeir sem vilja fá smjörkeim geta notað vegan smjör, t.d. frá Earth balance í staðinn, það kemur mjög vel út. Við völdum kókospálmasykur í fyllinguna því okkur finnst hann blandast sérlega vel með kanilnum og gefa góðan keim. 

Ratatouille með kartöflumús - Haust Pottréttir

Þetta dásamlega ratatouille er stútfullt af góðu grænmeti og passar einstaklega vel með ljúffengri heimalagaðri kartöflumús.
Framkvæmdin er einföld og frekar fljótleg, en gott er að hafa í huga að forbaka þarf kartöflurnar fyrir músina með góðum fyrirvara, en þær þurfa 1 - 1½ klst, til dæmis fínt að gera kvöldið áður og geyma í kæli.


Tortillur með svörtum baunum og guacamole - Haust Pottréttir

Þessi réttur er rosalega bragðgóður og auðveldur í framkvæmd. Við notum lífrænar tortillur frá Santa Maria, þær er hægt að fá úr heilhveitiblöndu og súrdeigi. Best er útbúa svartbaunamaukið þegar salsa og guacamole er tilbúið, hita svo tortillur í ofninum í 1-2 mín og raða svo öllu góðgætinu í tortillurnar og rúlla upp. Sumum finnst gott að bæta uppáhalds ostinum sínum við, t.d. góðum jurtaosti. Njótið!

Baunasúpa - Haust Súpur

Á sprengidag finnst okkur gott að elda baunasúpu. Þessi linsubaunasúpa er nærandi og ljúffeng og auðveld í framkvæmd.

Súkkulaði muffins - Haust Kökur

Vegan súkkulaðimuffins eru tilvalið helgartrít. Hráefnið er lífrænt ræktað og bragðið er gott!

Grænmetislasagna - Haust Ofnréttir Pasta og pizzur

  • 3 gulrætur, rifnar
  • 1 lítil eða ½ stærri sæt kartafla, rifin
  • ¼ sellerírót, rifin
  • 1 blómkálshöfuð, smátt skorið
  • 2 dl soðnar brúnar linsur (tæplega 1 dl ósoðnar) 
  • 400 ml kókosmjólk (eða 400ml vatn)
  • 500g (1 krukka) maukaðir tómatar
  • 3 msk tómatpúrra
  • 4 hvítlauksrif
  • 1 msk ítölsk kryddblanda 
  • (eða 2 tsk oregano + 1 tsk basil)
  • 1 tsk sjávarsalt
  • cayenne pipar af hnífsoddi
  • 250g lasagna blöð
  • 200g rifinn jurtaostur

Sjóðið linsur skv. leiðbeiningum á pakka. Rífið gulrætur, sæta kartöflu og sellerírót á grófu rifjárni (t.d. hentugt að nota rifjárnið í matvinnsluvélinni). Skerið blómkálið mjög smátt, (t.d. gott að skera það í bita og setja í matvinnsluvélina og telja upp að 5, þá verður það mjög fínt niður skorið og minnir áferðin á hakk). Setjið allt (nema lasagna blöð og ost) í pott og látið suðuna koma upp, lækkið og látið sjóða í um 5-10 mín. 

Hitið ofninn í 200°C og raðið í eldfast form á meðan ofninn er að hitna:
1 lag grænmetisfylling
1 lag lasagna plötur
1 lag rifinn ost
Endurtakið

Setjið formið inn í heitan ofninn og bakið í um 25 mín.
Berið fram með góðu pestói + fersku salati. 
Njótið!

Vegan súkkulaðikaka - Kökur

Þessi mjúka súkkulaðikaka er bæði góð með kremi og kremlaus. Uppskriftin gefur eina minni köku, fyrir stóra köku má tvöfalda uppskriftina. 

Bananabrauð - Brauð og bakstur Haust

Bananabrauð er svo dásamlega gott með helgarkaffinu. Þessi uppskrift er vegan (hvorki egg né mjólkurvörur) og við notum fínt og gróft spelt til helminga, svo það er passlega gróft. Sælkerar bæta súkkulaðibitum í brauðið og þá er það eiginlega orðið að köku. Nammms! Við skreyttum með banana og möndlum ofan á, en það er ekki nauðsynlegt. Möndlurnar ristast við baksturinn og verða rosalega góðar. Bananinn gefur svona grillað bananabragð, sem minnir á fallegt sumarkvöld. 

Heimagert páskaegg - Sælgæti Vor

Margir hafa það fyrir hefð að útbúa sín eigin páskaegg fyrir hátíðina. Kosturinn við það er að þá er hægt að velja það súkkulaði sem hverjum og einum hugnast best. Til dæmis gott lífrænt og fairtrade súkkulaði. Og hægt er að fylla eggið af uppáhalds góðgætinu, sumum finnst til dæmis súkkulaði dásamlegt í félagsskap með hnetum og rúsíunum, þá er upplagt að fylla heimagert súkkulaðiegg af þurrkuðum ávöxtum og hnetum, ásamt einum góðum málshætti. 

Páskasúkkulaði (sætt m döðlum) - Sælgæti Vor

Í þessa uppskrift að páskasúkkulaði notum við döðlur í staðinn fyrir hreinan sykur til að gefa sætt bragð. Virkilega gott súkkulaði úr lífrænt ræktuðu hráefni. Hægt er að gera alveg hreina súkkulaðimola, eða bæta allskyns góðgæti við eins og ristuðum hnetum og fræjum eða rúsínum, ef vill. 

Hundasúrupestó - Hummus og álegg Sósur, pestó og chutney Sumar

Hundasúrur er gaman að tína upp í munn, en þær eru líka ótrúlega skemmtilegar í matargerð, okkur finnst þær hið mesta sælkerahráefni. Hér höfum við sumarlegt súrupestó sem er gott út á salöt, pasta, pizzur eða sem álegg á brauð.

Rabarbara eftirréttur - Kökur Sumar Vor

Ef þið eigið rabarbara í garðinum er upplagt að nýta hann í ljúffengan eftirrétt, með haframjöli og kanil. Bestur borinn fram volgur með góðum ís eða þeyttum kókosrjóma.

Rabarbara- og jarðaberjasulta - Sumar Vor

Í þessa uppskrift má nota aðra ávexti þegar rabarbarar og jarðaber fást ekki. Hægt er að sjóða rabarbarana ef vill, en einnig má nota ferska eða frosna ávexti í þessa sultu.

Heimalagað límonaði - Kokteilar Sumar

Heimalagað límónaði með engifer og mintu er svalandi sumardrykkur.

Heimagerð BBQ sósa - Sósur, pestó og chutney Sumar

Heimalöguð BBQ sósa er frábær með góðum grillmat.

Rabarbari og grasker - Salöt og grænmeti Sumar

Rabarbari er ekki bara góður í sultur og deserta, hann er einnig afbragðs góður í matargerð. Hér bökum við hann í ofni ásamt graskeri, en það má líka nota sæta kartöflu í staðinn fyrir graskerið. Þetta er gott sem meðlæti eða jafnvel uppistaða í gott sælkerasalat. Nú er um að gera að stökkva út í garð og grípa nokkra fallega rabarbaraleggi í matinn.

Hálfmánar með sætkartöflufyllingu - Brauð og bakstur Ofnréttir Sumar

Þessir hálfmánar eru rosalega góðir. Flottur aðalréttur með salati og góðu spicy mayo, en líka handhægir í nesti eða lautarferð. Fyrir þá sem eru að flýta sér má kaupa tilbúið pizzadeig eða bökudeig, en það er samt ekkert mál að útbúa sitt eigið eftir uppskriftinni hér. 

Orkukúlur - Orkustykki Sælgæti Vor

Þessar einföldu orkukúlur eru frábært nesti í útivistina. Þær eru líka upplagt nammi og virkilega ljúffengar með kaffinu. 

Haustsúpa - Haust Súpur

Við fögnum haustinu með nærandi og kraftmikilli súpu. Upplagt er að nota nýtt íslenskt grænmeti úr búðinni eða uppskeruna úr garðinum. Okkur finnst best að nota það grænmeti sem lítur best út hverju sinni, það er ekkert heilagt að það sé nákvæmlega það sama og í uppskriftinni. 
   

Berjabaka - Haust Kökur

Gott er að nota bláber og heimalagaða sultu í þessa böku, en hún er líka ljómandi góð með þeim berjum sem til eru hverju sinni. 

Krydduð bláberjasulta - Haust

Þessi bláberjasulta er þykkt með chiafræjum. Kryddið, mórberin og kókospálmasykurinn gefa sultunni karakter og dásamlegt bragð.
 

Sykurlaus krækiberjasaft - Haust Safar

Krækiberjasaftin er góður járngjafi, við mælum með frískandi staupi í morgunsárið.

Bláberja og sólberjasulta - Haust

Þessi bláberja og sólberjasulta er sætt með döðlum. Sólberin gefa gott súrsætt bragð sem blandast vel við mild bláberin. Gott er að hafa í huga að geymsluþolið er styttra fyrir sultur sem ekki eru sættar með hreinum sykri. Hægt er að frysta hluta af sultunni ef geyma á lengi.

Bláberjasulta - Haust

Þessi sulta inniheldur mun minna af sykri en hefðbundnar sultur og geymsluþolið er því skert. Sulta sem ekki á að borða fljótlega geymist best í frysti.

Grænkálspestó - Haust Hummus og álegg Sósur, pestó og chutney Sumar

Hvort sem þið eigið grænkál úti í garði, eða fáið falleg búnt í búðinni, þá er þetta pestó virkilega ljúffeng leið til að njóta þessa næringarríka káls út í ystu æsar. T.d. frábært álegg, út á salöt, pasta, pizzur.
.