Árstíðirnar


Rabarbara eftirréttur

Kökur Sumar Vor

  • Auðvelt
  • Vegan: Já
  • Viðbættur sykur: Já
  • Mjókurlaust: Já
  • Eggjalaust: Já
  • Glútenlaust: Nei

Uppskrift

Ef þið eigið rabarbara í garðinum er upplagt að nýta hann í ljúffengan eftirrétt, með haframjöli og kanil. Bestur borinn fram volgur með góðum ís eða þeyttum kókosrjóma.

Rabarbaralag

  • 300 - 400 g rabarbari (u.þ.b)
  • ¾ dl kókospálmasykur (eða hrásykur)
  • 1 vanillustöng, skorin í tvennt eða 
  • 1 tsk vanilludropar

Skerið rabarbarann í þunnar sneiðar og setjið í botninn á eldföstu móti ásamt kókospálmasykri og vanillu. Látið standa á meðan deigið er útbúið. (Heyrst hefur að sælkerar hafi prófað að bæta söxuðu súkkulaði við rabarbarablönduna.. ekki getur það skemmt fyrir). 


Mulningur

  • 75g spelt
  • 100g haframjöl/tröllahafrar
  • 60g heslihnetur, malaðar eða saxaðar
  • 70g kókospálmasykur (eða hrásykur)
  • 1 tsk kanill
  • ¾ tsk sjávarsalt
  • ¾ dl kókosolía
  • 1 msk ólífuolía

Blandið öllu saman í skál og hnoðið þar til klístarast. Ef deigið er of þurrt má bæta örlítilli auka ólífuolíu útí. Setjið deigið ofan á rabarbarann. Bakið við 165°C í 30 mín, eða þar til rabarbarinn er orðinn mjúkur og mulningurinn gylltur.  Berið fram með góðum ís eða þeyttum kókosrjóma eða ykkar uppáhalds rjóma.