Aðalréttir

Fyrirsagnalisti

Fylltar eggaldinrúllur - Ofnréttir

Ljúffengar eggaldinrúllur með vegan pestó fyllingu. Þessar rúllur eru rosalega góðar! Geta bæði verið aðalréttur með góðu meðlæti, eða verið meðlæti með góðum aðalrétt. 


Hálfmánar með sætkartöflufyllingu - Brauð og bakstur Ofnréttir Sumar

Þessir hálfmánar eru rosalega góðir. Flottur aðalréttur með salati og góðu spicy mayo, en líka handhægir í nesti eða lautarferð. Fyrir þá sem eru að flýta sér má kaupa tilbúið pizzadeig eða bökudeig, en það er samt ekkert mál að útbúa sitt eigið eftir uppskriftinni hér. 

Rauð kókos karrý núðlusúpa - Súpur

Ljúffeng kókos karrý núðlusúpa með grænmeti og kasjúhnetum. Í súpuna notum við rautt thai curry paste sem rífur í. Einnig er dásamlegt að sjóða sítrónugrasstöngla og lime lauf með, en má sleppa ef þið eigið þetta ekki til (fæst í sérverslunum sem selja asíska matvöru).

Kúrbítspizzubotn - Ofnréttir Pasta og pizzur

Bragðgóður kúrbítspizzubotn. Bestur með þínu uppáhalds áleggi. 

Tortillur með svörtum baunum og guacamole - Pottréttir Vetur

Þessi réttur er rosalega bragðgóður og auðveldur í framkvæmd. Við notum lífrænar tortillur frá Santa Maria, þær er hægt að fá úr heilhveitiblöndu og súrdeigi. Best er útbúa svartbaunamaukið þegar salsa og guacamole er tilbúið, hita svo tortillur í ofninum í 1-2 mín og raða svo öllu góðgætinu í tortillurnar og rúlla upp. Sumum finnst gott að bæta uppáhalds ostinum sínum við, t.d. góðum jurtaosti. Njótið!

Marokkóskur pottréttur - Pottréttir Vetur

Þennan marokkóska rétt má hvort heldur elda í hefðbundnum potti eða sérstökum tagine potti. Gott er að bera pottréttinn fram með soðnu kínóa eða cous-cous og sýrðum rjóma (t.d. sýrðum jurtarjóma). 


Vegan borgari - Buff og falafel

Þessi ljúffengi svartbaunaborgari er virkilega góður í hamborgarabrauði, borinn fram með rótarfrönskum og spicy vegan mayo (uppskrift finnið þið hér á vefnum undir meðlæti). Borgarinn er líka góður án brauðs, með góðu meðlæti eins og ofnbökuðu grænmeti og fersku salati.


Ratatouille með kartöflumús - Pottréttir Vetur

Þetta dásamlega ratatouille er stútfullt af góðu grænmeti og passar einstaklega vel með ljúffengri heimalagaðri kartöflumús.
Framkvæmdin er einföld og frekar fljótleg, en gott er að hafa í huga að forbaka þarf kartöflurnar fyrir músina með góðum fyrirvara, en þær þurfa 1 - 1½ klst, til dæmis fínt að gera kvöldið áður og geyma í kæli.


Grænmetislasagna - Ofnréttir Pasta og pizzur Vetur

  • 3 gulrætur, rifnar
  • 1 lítil eða ½ stærri sæt kartafla, rifin
  • ¼ sellerírót, rifin
  • 1 blómkálshöfuð, smátt skorið
  • 2 dl soðnar brúnar linsur (tæplega 1 dl ósoðnar) 
  • 400 ml kókosmjólk (eða 400ml vatn)
  • 500g (1 krukka) maukaðir tómatar
  • 3 msk tómatpúrra
  • 4 hvítlauksrif
  • 1 msk ítölsk kryddblanda 
  • (eða 2 tsk oregano + 1 tsk basil)
  • 1 tsk sjávarsalt
  • cayenne pipar af hnífsoddi
  • 250g lasagna blöð
  • 200g rifinn jurtaostur

Sjóðið linsur skv. leiðbeiningum á pakka. Rífið gulrætur, sæta kartöflu og sellerírót á grófu rifjárni (t.d. hentugt að nota rifjárnið í matvinnsluvélinni). Skerið blómkálið mjög smátt, (t.d. gott að skera það í bita og setja í matvinnsluvélina og telja upp að 5, þá verður það mjög fínt niður skorið og minnir áferðin á hakk). Setjið allt (nema lasagna blöð og ost) í pott og látið suðuna koma upp, lækkið og látið sjóða í um 5-10 mín. 

Hitið ofninn í 200°C og raðið í eldfast form á meðan ofninn er að hitna:
1 lag grænmetisfylling
1 lag lasagna plötur
1 lag rifinn ost
Endurtakið

Setjið formið inn í heitan ofninn og bakið í um 25 mín.
Berið fram með góðu pestói + fersku salati. 
Njótið!

Baunasúpa - Súpur Vetur

Á sprengidag finnst okkur gott að elda baunasúpu. Þessi linsubaunasúpa er nærandi og ljúffeng og auðveld í framkvæmd.

Rauðrófu- og sætkartöflusúpa - Súpur

Það er kúnst elda rauðrófur án þess að jarðarbragðið komi í gegn. Það tekst einstaklega vel í þessari súpu. Það gerist einhver galdur þegar cumin og turmerik blandast við rauðrófurnar og sætu kartöfluna. Það má nota eingöngu kókosmjólk eða eingöngu vatn í súpuna en hún verður mýkri við að nota kókosmjólk og þess vegna finnst okkur best að hafa blönduna 1:1. 

Linsusúpa með engifer - Haust Súpur Vetur

Þessi ljúffenga linsubaunasúpa er frábær í fallegu haustveðri og vermandi á köldum vetrardegi. Á haustin er upplagt að nota íslenskar gulrætur á meðan þær fást, helst lífrænar.  
          

Linsubaunabuff - Buff og falafel

Linsubaunabuff eru frábær hversdags matur. 
 

Spínat lasagna - Haust Ofnréttir Pasta og pizzur

Spínatlasagna er ljúffengur réttur fyrir alla fjölskylduna. Gott að bera fram með góðu pestói og fersku salati eða ofnbökuðu rótargrænmeti.

Chili sin carne - Pottréttir

Chili sin carne þýðir kjötlaust chili. Þetta er útgáfan hennar Sollu af þessum vinsæla suður-ameríska rétti. Pottrétturinn er frábær með hrísgrjónum og góðu guacamole. Einnig er hægt að bera hann fram í maísskeljum eða tortillum.

Pottréttur með hnetusmjörssósu - Pottréttir

Þessi himneski pottréttur er innblásinn af indónesískri matargerð. Hnetusmjör, sætar kartöflur, blómkál, baunir, engifer og madras karrí....himnesk blanda! Pottréttinn er gott að bera fram með fullt af grænu og fersku salati. Og ef ykkur líkar kóríander, ekki spara hann. Sumstaðar er litið á kóríander sem mælikvarða á gestristni, því ríkulegra af kóríander, því höfðinglegri er gestgjafinn!

Fljótleg innbökuð hnetusteik - Hnetusteikur Vetur

Fyrir þá sem vilja bjóða upp á vegan valkost á hátíðarborðið, en hafa ekki tíma til að elda hnetusteik frá grunni.


Haustsúpa - Haust Súpur

Við fögnum haustinu með nærandi og kraftmikilli súpu. Upplagt er að nota nýtt íslenskt grænmeti úr búðinni eða uppskeruna úr garðinum. Okkur finnst best að nota það grænmeti sem lítur best út hverju sinni, það er ekkert heilagt að það sé nákvæmlega það sama og í uppskriftinni. 
   

Austurlensk Laksa - Súpur

Þessa súpu er upplagt að búa til þegar þið þurfið að taka til í ísskápnum og eigið grænmeti sem þarf að fara að nýta. Galdurinn í þessari súpu gera sítrónugrasið og límónulaufin. Það er gott að eiga þau í frystinum svo ekki þurfi að fara aukaferð í búðina. 

Linsubuff - Buff og falafel

Þessi uppskrift er bæði auðveld og bragðgóð og börn eru yfirleitt hrifin af þessum buffum. Gott getur verið að sleppa chili-inu ef börnin eru ekki hrifin af því. 

Einfalt pasta - Pasta og pizzur

Suma daga er einfaldleikinn bara bestur. Hér finnið þið einfaldan pastarétt þar sem gott lífrænt hráefni fær að njóta sín.  Margir hafa vanist því að nota pasta úr hvítu hveiti, en pasta úr heilhveiti eða heilmöluðu spelti er trefjaríkara en það hvíta og því bæði bragðmeira og heilsusamlegra. Í Himnesku vörulínunni er gott úrval af grófkorna pasta. Þetta pasta er unnið úr heilu korni frá ökrunum umhverfis Montebello klaustrið í Marche á Ítalíu, þar sem akrarnir hafa verið ræktaðir án notkunar tilbúins áburðar og varnarefna um langan aldur. Og okkur finnst það alveg dásamlegt! 

Innbökuð hnetusteik - Hnetusteikur Vetur

Hnetusteik er vinsæll hátíðarréttur, þessi útgáfa er innbökuð í tertudeig. Uppskriftin gefur tvær innbakaðar steikur, eða eina bera steik. 

Hnetuturnar með rótarmús - Hnetusteikur Vetur

Hnetusteik er vinsæll hátíðarréttur. Hægt er að gera eina stóra steik, eða margar litlar, eins og þessa hnetuturna. Turnarnir eru toppaðir með rótarmús og krydduðum pekanhnetum. 


Kartöflu-chili buff - Buff og falafel

Þessi buff eru sérstaklega vinsæl hjá yngstu kynslóðinni og með tilliti til hennar er snjallt að minnka magnið af vorlauk og chili.