Grískt pastasalat

Pasta og pizzur

  • 2 manns
  • Auðvelt
  • Grískt pasta salat

Uppskrift

Þessi máltíð er frábær þegar tíminn er naumur. Einfalt, fljótlegt og gott. Passlegt fyrir tvo, en auðvelt að stækka uppskriftina fyrir fleiri.


Himnesktu pastaskrúfurnar eru gerðar úr spelti/heilhveiti sem er ræktað á ökrunum í kringum Montebello klaustrið í Marche, á Ítalíu. Þessir akrar hafa verið ræktaðir um langan aldur án notkunar tilbúins áburðar og varnarefna. 

Grískt pastasalat

  • 150g lífrænar pastaskrúfur, ósoðnar
  • 6 kirsuberjatómatar, skornir í tvennt 
  • ⅓ agúrka, skorin í passlega munnbita 
  • 10 svartar ólífur 
  • 1 avókadó, skorið í passlega munnbita 
  • ½ lítill rauðlaukur 
  • 75g fetaostur, hægt að fá vegan fetaost í flestum stórmörkuðum 
  • hvítlauksolía, magn eftir smekk   

Byrjið á að sjóða pastað. Setjið 1.5 L af vatni í pott og saltið. Pastað er svo sett í pottinn þegar suðan er komin upp. Gætið þess að vatnið fljóti vel yfir. Sjóðið í 7 mínútur. Gott er að hræra aðeins í pottinum svo að pastað festist síður saman. Þegar pastað er tilbúið er best að hella vatninu af strax. 

Útbúið hvítlauksolíuna á meðan pastað er að sjóða. Allt hráefnið í olíuna er sett í blandara og blandað. 

Skerið svo niður gúrku, tómata, avókadó og rauðlauk. 

Setjið soðið pasta í skál, blandið grænmetinu, ólífunum og fetaostinum við og hellið smávegis af hvítlauksolíunni út á. Njótið!

Hvítlauksolía

  • 1 ½ dl jómfrúar ólífuolía
  • 2 hvítlauksrif
  • smá steinselja, ef vill
  • ½ rauður chili
  • ½ daðla eða ½ tsk hlynsíróp
  • ¼ tsk sjávarsaltflögur

Allt sett í blandara og blandað saman.
Gott er að geyma afganginn í krukku í kæli og nota með allskonar mat.