Penne með pestó
- Auðvelt
- Vegan: Já
Uppskrift
Himneskt pasta er framleitt úr lífrænt ræktuðu ítölsku korni. Hægt er að velja penne pasta úr heilhveiti eða heilmöluðu spelti. Grófar kornvörur eru trefjaríkari en fínar kornvörur, og því upplagt að velja gróft pasta fyrir heilsusamlegt mataræði.
Pastasalat
- 250 g penne
- 150 g pestó
- 50 g spínat
- 150 g soðnar kjúklingabaunir
- ólífur eftir smekk
- 50 g ristuð graskerjafræ
Pestó
- 50g ristaðar heslihnetur
- 25g fersk basilíka
- 10g ferskur kóríander
- 2 msk næringarger
- safi og hýði af 1 sítrónu
- 2 dl ólífuolía
- 1-2
hvítlauksrif
- 1 tsk sjávarsaltflögur
Sjóðið pastað samkvæmt leiðbeiningunum á pakkanum.Á meðan pastað sýður er upplagt að búa til pestóið.
Til að búa til pestóið: setjið ristaðar heslihnetur, ferska basilíku, ferskan kóríander, næringarger, hýði og safa af sítrónu, ólífuolíu, hvítlauksrif og sjávarsalt í matvinnsluvél og maukið.Þegar búið er að sigta vatnið af pastanu er gott að blanda því saman við pestóið svo það smjúgi vel inn í pastað.
Setjið spínat, kjúklingabaunir og ólífur út á hvern disk og blandið saman.
Stráið ristuðum graskerjafræjum yfir.
