Grænmetiskraftur

• 2 msk kókosolía, Himnesk
  
• 2 hvítlauksrif
  
• 3 límónulauf
  
• 1 sítrónugras stöngull
  
• 200g hvítkál, niðursneitt
  
• 2 gulrætur, skornar í þunnar sneiðar
  
• 100-200g sætar kartöflur, skornar í bita
  
• 100g kartöflur, skornar í bita
  
• 100g blómkál, skorið í litla bita
  
• 2 msk rautt thai curry paste
  
• 1 msk tómatpúrra, Himnesk
  
• 1 msk grænmetiskraftur, Himneskur
  
• 1 tsk sjávarsalt
  
• 2 dósir kókosmjólk (800 ml)
  
• 250 ml vatn
• Ofan á:
  
• ½ rauðlaukur, skorinn í þunna strimla og steiktur á pönnu
  
• ½ paprika, skorin í bita og steikt á pönnu
  
• ferskur kóríander
  
• sítrónubátar
  
• ristaðar kasjúhnetur, Himneskar

Byrjið á að skera grænmetið niður.

Hitið olíu í potti og steikið hvítkál, hvítlauk, límónulauf og sítrónugrasstöngul í 2-3 mínútur.

Bætið restinni af grænmetinu út í og steikið í 2-3 mín í viðbót.

Bætið currypaste, grænmetiskrafti og tómatpúrru út í og hrærið.

Setjið að lokum kókosmjólkina og vatnið út í og látið nú sjóða í 12-15 mín eða þar til grænmetið er eldað í gegn.

Ef ykkur finnst vanta meiri vökva í súpuna getið þið bætt við kókosmjólk eða vatni eða tómatpassata.

Á meðan súpan en að malla er gott að steikja laukinn og paprikuna, leyfa því að verða gyllt og sætt.

Bætið sítrónubátunum út á pönnuna með lauknum og paprikunni og leyfið að vera í nokkrar mínútur.

Setjið súpuna í skálar og toppið með laukblöndunni, ferskum kóríander og ristuðum kasjúhnetum.

• 1 msk ólífuolía
  
• 1 laukur, saxaður
  
• 2 hvítlauksrif, pressuð
  
• ½ tsk túrmerik
  
• ½ - 1 tsk  broddkúmen (cumin)
  
• 1 ½ msk engiferskot
  
• 250 g gulrætur eða sætar kartöflur, brytjaðar
  
• 250 g rauðar linsur (½ poki)
  
• 1 lítri vatn
  
• 1 msk Himneskur grænmetiskraftur
  
• 1 ½ msk sítrónusafi
  
• ½ tsk sjávarsaltflögur
  
• salt og pipar til að smakka til
  
• graskersfræ – ristuð og söltuð
• 1 búnt kóríander, saxað, ef vill
  

Mýkið lauk og hvítlauk í ólífuolíu í u.þ.b. 5 mínútur í pottinum ásamt túrmerik, broddkúmeni og engiferskoti. Bætið svo gulrótum og linsum út í. 

Hellið vatni ásamt grænmetiskrafti út í. Látið suðuna koma upp, lækkið undir og leyfið að malla í u.þ.b. 20 mín. 

Blandið súpuna annað hvort í matvinnsluvél, eða með töfrasprota beint ofan í pottinn. 

Bætið nú sítrónusafa, salti og pipar út í. Smakkið til með meiri sítrónusafa, salti og ólífuolíu ef vill. Einnig má bæta meira engiferskoti út í ef þið viljið að súpan rífi aðeins í. 

Stráið ristuðum graskersfræjum og söxuðum ferskum kóríander yfir hvern skammt og berið fram með góðu brauði.

Gulrótarsúpa

• 1 msk kókosolía
• 1 laukur, hakkaður
• 3-4 hvítlauksrif, pressuð
• 1 msk engiferskot
• 1 tsk madras karrí
• 1 tsk túrmerik
• 500 g gulrætur, niðurskornar
• 1 ½ dl rauðar linsur
  
• 1 l vatn
• 1 ½ msk grænmetiskraftur
• 1 tsk sjávarsalt
• 1 msk sítrónusafi
• 25 g kóríander
  

Setjið kókosolíuna í pott ásamt lauk, hvítlauk, engifer, karrí, túrmerik og gulrótum og mýkið í 2 mínútur.

Bætið svo linsum, vatni, grænmetiskrafti og salti út í og sjóðið í 15 - 20 mínútur, eða bara þar til gulræturnar og linsurnar eru soðnar.

Bætið sítrónusafanum við og kælið örlítið áður en þið skellið öllu í matvinnsluvélina (eða góðan blandara) og maukið í silkimjúka súpu.

Hakkið kóríanderinn og hrærið út í. 

Kasjúrjómi

• 2 dl kasjúhnetur, leggið í bleyti í 2 klst
  (má vera lengur eða skemur)
• 2 dl vatn
• 1 tsk sítrónusafi
• 1/2 - 1 msk hlynsíróp
• 1 vorlaukur
• sjávarsalt af hnífsoddi

Hellið vatninu af hnetunum. Setjið 2 dl af nýju vatni í blandarann ásamt hnetunum, sítrónusafa, hlynsíróp, vorlauk og salti. Blandið þar til silkimjúkt.

Hellið súpunni í skálar og setjið nokkrar matskeiðar af kasjúrjóma út í hverja skál, skreytið með kóríander og vorlauk.

• 2 msk jómfrúarólífuolía
  
• 2 dl blaðlaukur
  
• 2 hvítlauksrif, pressuð
  
• 2 msk þurrkaðar súpujurtir
  
• 1/2 tsk reykt paprika
  
• 1 dl rauðar linsur eða 1 dl kínóa
  
• 2 gulrætur
  
• 2 dl sellerírót
  
• 2 dl kartöflur
  
• 2 dl rófa
  
• 2 dl hvítkál
  
• 4 tómatar
  
• 2 stönglar ferskt rósmarín
  
• 750 ml vatn
  
• 1-2 msk grænmetiskraftur
  
• ferskur kóríander
  
• ítölsk steinselja
  

Skerið blaðlaukinn í litla bita, gulræturnar í þunnar sneiðar, sellerírótina, kartöflurnar og rófuna í teninga, hvítkálið í strimla og skerið hvern tómat í fernt. Hitið olíu í stórum potti. Þegar olían er orðin heit mýkið þið blaðlauk og hvítlauk í 3-5 mín. Bætið út í reyktri papriku, þurrkuðum súpujurtum og linsum/kínóa, látið malla í 4 mín og hrærið stöðugt í. Setjið grænmetið út í ásamt ´rosmarínstönglunum og látiðmalla í 2-3 mín í viðbót. Bætið vatninu og grænmetiskraftinum út í og látið súpuna sjóða þar til grænmetið er orðið meyrt. Barið fram og stráið ferkum kóríander og steinselju á hvern skammt. Njótið!

• 225g rauðar linsur (ósoðnar)
  
• 700ml vatn
  
• 2 hvítlaukar, skornir í bita
  
• 2 tsk madras karrí eða currypaste
  
• 2 tsk grænmetiskraftur
  
• 300g kasjúhnetur, þurrristaðar og malaðar
  
• 300g heslihnetur, þurrristaðar og malaðar
  
• 2 msk hitaþolin olía
  
• 1 rauðlaukur, smátt saxaður
  
• 3 hvítlauksrif, pressuð
  
• 2 sellerístilkar, smátt skornir
  
• 2 gulrætur, gróft rifnar
  
• 1 sæt kartafla, afhýdd og gróft rifin
  
• 4-5 msk tómatpúrra
  
• 2-3 msk mangó chutney (t.d. frá Geetas)
  
• 1 tsk grænmetiskraftur, gerlaus
  
• 1 ½ tsk timjan
  
• ½ tsk salvia
  
• ½ - 1 tsk sjávarsalt
  
• ¼ tsk cayenne pipar
  
• 50g sesamfræ
  

Skolið rauðu linsurnar og setjið í pott með vatni, hvítlauk og grænmetiskrafti. Látið suðuna koma upp og sjóðið í um 20-25 mín eða þar til linsurnar eru soðnar. Á meðan linsurnar eru að soðna ristið hneturnar í ofni 170°C í 6-8 mín eða þar til tilbúnar. Best að rista 1 teg í einu. Kælið og malið síðan í matvinnsluvél.

Hitið olíu á pönnu og mýkið lauk + hvítlauk í smá stund, bætið sellerí + gulrótum + sætum kartöflum útá og hrærið í smá stund, kryddið síðan með tómatpúrru + mangó chutney + grænmetiskrafti + timian + salvíu. Látið þetta malla í svona 5-10 mín. Setjið þetta allt í skál og bætið soðnum linsum og hnetum útí og hrærið vel saman. Smyrjið lítil “soufflé” form með kaldpressaðri olíu, stráið sesamfræjum inní forming og setjið deigið í og bakið við 200°C í 25-30 mín. 

• 1 msk ólífuolía
• 1 laukur, saxaður
• 2 hvítlauksrif, pressuð
• ½ tsk túrmerik
• ½ tsk  kanill
• 1 ½ - 2 msk engiferskot
• 250 g sætar kartöflur, brytjaðar
• 250 g rauðar linsur (½ poki)
• 1 lítri vatn
• 1 msk Himneskur grænmetiskraftur
• 1 ½ - 2 msk sítrónusafi
• ½ tsk sjávarsaltflögur
• salt og pipar til að smakka til 
• 1 búnt ferskur kóríander, saxaður
  

Mýkið lauk og hvítlauk í ólífuolíu í u.þ.b. 5 mínútur í pottinum ásamt túrmerik, kanil og engiferskoti. Bætið svo sætum kartöflum og linsum út í. 

Hellið vatni ásamt grænmetiskrafti út í. Látið suðuna koma upp, lækkið undir og leyfið að malla í u.þ.b. 20-25 mín, eða þar til sætu kartöflurnar og linsurnar eru soðnar í gegn. 

Gott er að mauka súpuna aðeins, en bara frekar gróft svo áferðin verði ekki alveg slétt. Auðveldast er að stinga töfrasprota beint ofan í pottinn þegar súpan hefur kólnað örlítið. En einnig er hægt að nota matvinnsluvél eða blandara. Ef ykkur finnst súpan of þykk má einfaldlega bæta vatni út í á þessu stigi málsins.

Bætið nú sítrónusafa, salti og pipar út í. Smakkið til með meiri sítrónusafa, salti og ólífuolíu ef vill. Einnig má bæta meira engiferskoti út í ef þið viljið að súpan rífi aðeins í. 

Stráið söxuðum kóríander yfir hvern skammt og berið fram með góðu brauði.