Hummus
Uppskrift
Þessi hummus er mjög ljúffengur, æðislegt að bera fram með niðurskornu fersku grænmeti og maískökum, en líka góður sem álegg á brauð og rosa góður í vefjur.
- 3 msk sítrónusafi
- 1-2 hvítlauksrif, saxað
- 1 tsk sjávarsaltflögur
- 1/16 tsk cumin
- 2-3 msk tahini
- 2 msk jómfrúar ólífuolía
- 2-4 msk vökvi úr baunakrukkunni eða vatn
- 1 krukka kjúklingabaunir
Ef þið eigið mjög kröftugan blandara er hægt að nota hann, annars er matvinnsluvél eða töfrasproti góður kostur.
Setjið sítrónusafa og saxaðan hvítlauk fyrst í tækið sem þið notið og leyfið að standa á meðan þið finnið restina til.
Hellið vökvanum af kjúklingabaununum og geymið vökvann í skál.
Ef þið nennið að afhýða kjúklingabaunirnar þá verður hummusinn extra mjúkur, en það má alveg sleppa þessu skrefi. Kjúklingabaunirnar eru settar á skurðarbretti, rúllið höndunum yfir þær, þá losnar hluti af hýðinu frá, pillið það í burtu eins og þið nennið.
Setjið nú salt, cumin, tahini, ólífuolíu og 2 msk baunavatn út í tækið (þar sem sítrónusafin og hvítlaukurinn eru.
Þeytið í smá stund. Bætið svo kjúklingabaununum út í og maukið. Ef þetta er of þykkt er gott að bæta við 2 msk af baunasoði/vatni út í.
Berið fram með niðurskornu grænmeti og maískökum eða smyrjið á gott brauð eða í vefju.
