Hnetusmjör, gróft

Hafragrautur fyrir einn

• 1 dl lífrænir tröllahafrar
  
• 2-3 dl vatn
  
• ½ tsk kanill
  
• salt af hnífsoddi
  
• 2 tsk himneskt hnetusmjör, gróft
  
• 1-2 tsk rúsínur (má sleppa)
  
• uppáhalds ávöxturinn þinn (t.d. epli, pera, ber eða banani)
  
• mjólk að eigin vali (t.d. jurtamjólk)

Setjið vatnið í pott og kveikið undir. Bætið höfrunum út í ásamt kanil og salti. 

Látið grautinn malla í 2-5 mín, eða þar til tilbúinn. Passið að hræra í annað veifið svo grauturinn brenni ekki. 

Setjið grautinn í fallega skál, stráið því sem hugurinn girnist yfir, ásamt vænni skeið af hnetusmjöri. Hellið smávegis jurtamjólk út á og njótið!

Botninn

• 100g möndlur
  
• 100g döðlur
  
• smá salt
  
• 1 tsk vanilla
  
• 1 dl lífrænt hnetusmjör gróft
  
• 1 tsk maca duft
  
• 1 msk kókosolía, fljótandi
  

Blandið saman möndlum og döðlum í matvinnsluvél. Restinni af uppskriftinni er síðan bætt út í og öllu blandað saman. Þjappið í form. Stráið 1 ½ - 2 dl af salthnetum ofan á og setjið svo botninn í frysti á meðan þið útbúið karamelluna og súkkulaðið.

Karamellan

• 1 ½ dl hlynsíróp
  
• 1 dl kókosolíu
  
• 1 dl hnetusmjör
  
• ½ tsk gróft sjávarsalt
  
• 1 tsk kakóduft
  

Allt sett í blandara og blandað saman á lágum hraða. Karamellunni er síðan hellt yfir botninn og salthneturnar.

Súkkulaðið

• ½ dl kókosolía, fljótandi
  
• ½ dl kakóduft
  
• örlítið salt
  
• fimm dropar af steviu
  
• fimm dropar af súkkulaðidropum (t.d. Medicine Flower sem fást í heilsubúðum, en má sleppa)
  

Hrærið öllu saman í skál og hellið yfir karamelluna. Setjið aftur inn í frystinn í smá stund til að leyfa súkkulaðinu að storkna.

• 2 dl hnetur, (kasjú- eða hesli- eða valhnetur, eða möndlur)
  
• 2 dl kókosmjöl
  
• 4 dl döðlur
  
• 1 dl lífrænt hnetusmjör
  
• 3 msk hreint kakóduft
  
• 1 msk rifinn appelsínubörkur eða tsk appelsínudropar (eða aðrir góðir dropar)
  

Malið hneturnar í matvinnsluvél og bætið restinni af hráefninu út í. Smakkið deigið, ef þið viljið hafa það sætara má bæta fleiri döðlum út í, eða örfáum dropum af steviu. Mótið litlar kúlur og geymið í kæli eða frysti.