Vegan súkkulaðikaka

Kökur Vetur (Jól)

  • Auðvelt
  • Vegan: Já
  • Hráfæði: Nei
  • Viðbættur sykur: Já
  • Mjókurlaust: Já
  • Eggjalaust: Já
  • Glútenlaust: Nei

Uppskrift

Þessi mjúka súkkulaðikaka er bæði góð með kremi og kremlaus. Uppskriftin gefur eina minni köku, fyrir stóra köku má tvöfalda uppskriftina. 

  • 2 dl haframjólk
  • ½ dl sterkt kaffi (eða meiri haframjólk)
  • 1 ½ dl kókospálmasykur
  • ¼ dl kókosolía, mjúk eða bráðin
  • 2 ½ dl spelt, fínt og gróft til helminga
  • 1 dl hreint kakóduft
  • 1 ½ tsk vínsteinslyftiduft
  • ¼ tsk sjávarsalt flögur
Hitið ofninn í 180°C. Setjið haframjólk, kaffi, kókospálmasykur og kókosolíu í hrærivél og hrærið saman. Bætið restinni út í og hrærið í skamma stund, þar til kekklaust. Setjið í fallegt kökuform, um 23 cm, og bakið í 18-20 mín, eða þar til alveg gegnumbökuð. 

Krem (dökkt)

  • 1 dl kakóduft
  • ¾ dl hlynsíróp
  • ½ dl kókosolía
  • ½ - 1 tsk vanilludropar
Hrærið öllu saman, t.d. í hrærivél og smyrjið á kökuna þegar hún hefur kólnað. Stráið vel af kókosmjöli yfir.

Smjörkrem

  • 1 dl smjör, t.d. jurtasmjör frá Earth balance (fæst í Hagkaup)
  • ½ dl kókospálmasykur
  • ½ dl hlynsíróp
  • ½ dl kakóduft
  • ½ - 1 tsk vanilludropar

Hrærið öllu saman í hrærivél og smyrjið á kökuna þegar hún hefur kólnað. Stráið vel af kókosmjöli yfir. Ef kremið er of lint má stinga því í kælinn í smá stund til að leyfa því að stífna.