Sítrónusafi

Botn

• 100 g kókosmjöl
• 100 g hnetur, t.d. pekan eða möndlur
• 30 g hreint kakóduft
• 250 g döðlur

Byrjið á að setja hnetur, kókosmjöl, kakóduft og salt í matvinnsluvél og látið blandast saman og hneturnar malast. Bætið döðlunum útí og blandið þar til þetta klístrast vel saman. Þrýstið botninum niður í muffinsform, geymið í kæli/frysti meðan þið útbúið fyllinguna. 

Fylling

• 3 dl kasjúhnetur, lagðar í bleyti í 1-2 klst
• ½ dl kókospálmasykur
• ½ dl hlynsíróp
• ¾ dl kókosolía, fljótandi
• 1 dl sítrónusafi
• 1 msk sítrónuhýði
• 2 tsk vanilla
• smá sjávarsalt

Allt sett í blandara og blandað þar til silkimjúkt og kornlaust.
Hellið sítrónufyllingunni yfir botninn. 

Súkkulaði

• ½ dl kakóduft
• ¼ dl hlynsíróp
• ¼ dl kakósmjör
• ¼ dl kókosolía

Sett í skál og hrært saman með gaffli.
Hellið svo súkkulaðinu yfir sítrónufyllinguna og látið standa í frysti í 3 klst.

Kökurnar geymast best í frysti ef á að bjóða uppá þær seinna. Þá er gott að taka kökurnar úr frystinum tímanlega og leyfa aðeins að mýkjast áður en þið bjóðið uppá þessa dásemd.

• 1 krukka forsoðnar kjúklingabaunir (3 ½ dl soðnar baunir)
  
• 2 msk möndlusmjör
  
• ½ - ⅔ dl sítrónusafi*
  
• ½ dl jómfrúar ólífuolía
  
• 2 marin hvítlauksrif
  
• ½ tsk sjávarsalt
  
• 1 tsk timjan (ferskt eða þurrkað)
  
• 1 hnefi ferskur kóríander (eða basilíka)
  

Setjið allt í matvinnsluvél og blandið þar til silkimjúkt.  
*Snjallt er að setja fyrst ½ dl af sítrónusafa og smakka, sumum gæti þótt ⅔ dl helst til mikið af því góða.

• 10 möndlur
  
• 3 dl vatn
  
• ½ avókadó  
  
• 1 msk engiferskot
  
• 1 msk sítrónusafi
  
• 1 banani (má vera frosinn)
  
• 1 lúka spínat
• 1 tsk - 1 msk hörfræolía
  

Blandið öllu nema avókadó og hörfræolíu saman í blandara. Bætið svo avókadóinu og olíunni við og klárið að blanda þar til orðið silkimjúkt og kekklaust.

• 2 krukkur kjúklingabaunir
  
• 1 msk sítrónusafi
  
• 1 tsk hvítlauksduft
  
• 1 tsk laukduft
  
• 1 tsk paprikuduft
  
• ¼ tsk túrmerik (má sleppa)
  
• cayenne pipar af hnífsoddi (eða meira fyrir sterkara bragð)
  
• 1 tsk sjávarsalt
  
• 2 msk kókosolía
  

Skolið baunirnar í sigti. Gott er að breiða út viskastykki á borði, setja baunirnar á og rúlla aðeins til að losa lausustu skinnin frá. Setjið olíu, sítrónusafa og krydd í rúmgóða skál og veltið svo baununum uppúr blöndunni. Setjið kryddaðar baunirnar á ofnplötu með bökunarpappír og dreifið vel úr. Bakið við 190°C - 200°C í 25 - 35 mínútur. Fylgist með og hrærið í öðru hvoru. Ef baunirnar virðast vera nálægt því að brenna er gott að lækka aðeins hitann svo hægt sé að hafa þær inni nógu lengi. Takið plötuna út og leyfið að kólna. Snakkið geymist í u.þ.b. viku í loftþéttu íláti í kæli. (Passar vel að setja hreinar glerkrukkur undan kjúklingabaunum).

Grauturinn

• 1 b jurtamjólk að eigin vali
  
• 2/3 b tröllahafrar
  
• 2 msk chiafræ
  
• 1 tsk vanilla
  
• 1 tsk kanill
  
• 1/2 tsk sítrónusafi
  
• nokkur saltkorn
  

Best að útbúa kvöldið áður
Hrærið allt saman og látið standa yfir nótt

Ávextir

• banani í þunnum sneiðum
  
• 1 epli, skorið í litla bita
  
• 2 dl frosin hindber
  
• 1 msk engifer, rifinn
  

Geymið bananasneiðarnar sér. Saxið eplin smátt og hrærið saman við hindber og engifer (t.d. hægt að nota matvinnsluvél til að léttsaxa, en ekki mauka alveg, eða bara nota gaffal og stappa).
Setjið nú grautinn í fallegt glas eða glerkrukku: fyrst hluta af grautnum, leggið svo bananasneiðar ofan á, þar næst hluta af epla/berjablöndunni. Setjið svo annan umgang af graut, bananasneiðum og berjablöndu. Setjið eins mörg lög og ykkur lystir. Njótið!