Akasíu hunang, fljótandi

Þessi græni ís kemur á óvart. Til að gefa ísnum fagurgrænan lit á náttúrulegan hátt notum við spínat, steinselju og klórella, útkoman er mjög skemmtileg!

• 2 vel þroskuð avókadó, afhýdd og skorin í bita
  
• 1 dl spínat
  
• 2 steinseljugreinar
  
• 1 tsk klórella (myljið töflurnar) - má sleppa
  
• 3 ½ dl möndlumjólk eða kókosmjólk
  
• 1 ½ bolli hlynsíróp eða hunang
  
• 1 dl límónusafi
  
• 1 msk fínrifinn límónubörkur
  
• 1/8 tsk sjávarsalt
  

Setjið allt hráefnið í blandara og látið hann ganga þar til blandan er alveg silkimjúk og kekkjalaus. Setjið í kæli í 30 mínútur og síðan annaðhvort í ísvél (og fylgið leiðbeiningunum með vélinni) eða í sílíkonform og frystið. Ef þið notið sílíkonform en ekki ísvél er gott að hræra í blöndunni annað veifið á meðan hún er að frjósa. Berið fram með berjum eða fallegum ávöxtum. Njótið!

• 2 ½ dl gróft spelt
  
• 2 ½ dl fínt spelt
  
• 1 dl sesamfræ
  
• 1 dl graskerjafræ
  
• 1 msk vínsteinslyftiduft
  
• ½ tsk salt
  
• 1 msk hlynsíróp (eða hunang)
  
• 2 dl vatn
  
• 1 msk sítrónusafi
  

Hitið ofninn í 180°C, blandið þurrefnunum saman í skál, hellið vatni og sítrónusafa og sírópi út í og hrærið þessu saman. Setjið deigið í meðalstórt smurt form. Bakið við 180°C í um 30 mín, takið brauðið úr forminu og haldið áfram að baka í 10 mín. Það er gott að setja allskonar hnetur og fræ útí, ásamt sólþurrkuðum tómötum, ólífum, hvítlauk, gojiberjum eða því sem þig langar mest í.

Botn

• 5 dl valhnetur
  
• 2 ½ dl kókosmjöl
  
• 1 ½ dl apríkósur
  
• 1 ½ dl döðlur
  
• 1 dl kakóduft
  
• ¼ dl vatn ef með þarf 

Setjið allt í matvinnsluvél og maukið. Deigið er tilbúið þegar það loðir saman. Þrýstið því niður í 23 cm smelluform, setjið inn í frysti og látið stífna smástund áður en kremið er sett á botninn. 

Millilag

• 2-3 dl bláber sem er dreift ofan á botninn þegar hann hefur stífnað smá. 

Límónukrem

• 3 dl kasjúhnetur sem hafa legið í bleyti í 2 klst
  
• 1 ¼ dl hlynsíróp
  
• 2 ½ límónur, afhýddar
  
• rifinn börkur af 2 ½ límónum
  
• 1 msk chiafræ, möluð
  
• 1 ¼ dl kókosolía, fljótandi
  

• ⅛ tsk salt

Setjið kasjúhnetur og síróp í blandara og blandið þar til maukið er silkimjúkt og kekkjalaust. Bætið límónum út í og blandið. Bætið svo restinni af hráefninu út í og ljúkið við að blanda. Hellið kreminu yfir botninn og bláberin og setjið inn í frysti eða kæli til að láta stífna. Skreytið með límónusneiðum eða stjörnávaxtarsneiðum.