Lífrænar flögur

• 2 avókadó 
• 1-2 msk rauðlaukur 
• 1 msk fínt saxaður ferskur chilipipar 
• 25g ferskur kóríander 
• 1 msk límónusafi (eða safinn úr ½ límónu) 
• 1 hvítlauksrif, pressað 
• ¼ tsk salt
  

Afhýðið avókadóið og stappið með gaffli, má hafa svolítið af grófari bitum. Saxið rauðlaukinn, chilialdinið og ferska kóríanderið smátt og blandið allri uppskriftinnin saman. Setjið inn í ísskáp í 10-15 mín. Geymist í 3-4 daga í loftþéttu íláti í kæli. 

• 2 dl nýrnabaunir, lagðar í bleyti yfir nótt eða 1 dós niðursoðnar nýrnabaunir
• stórþarastrimill til að sjóða með baununum
• 2-3 msk góð olía
• 2-3 laukar, afhýddir og skornir í þunnar sneiðar
• 3-4 hvítlauksrif
• 1 ferskt chilialdin, skorið í tvennt, fræhreinsað og skorið í litla bita
• 1 ½ tsk. cuminduft
• ¼ tsk. kanill
• ½ búnt ferskt basil
• 3-4 gulrætur,skornar í ská stirmla
• 2 sellerístilkar, skornir í um ½ cm þykkar sneiðar
• 1 rauð paprika, skorin í 2 x 2 cm bita
• 1 sæt kartafla, afhýdd, skorin í tvennt og síðan í 1½ cm þunna bita
• 1 msk sítrónusafi
• 1 dós kókosmjólk
• 4 kúfaðar msk tómatpúrra
• 1 tsk sjávarsalt og smá nýmalaður svartur pipar

Skiptið um vatn á baununum og setjið baunir og tvöfalt magn þeirra af vatni, ásamt smá bita af stórþara, „kombu„ í pott og sjóðið í um 1 klst. eða þar til baunirnar eru tilbúnar. Hitið olíuna í potti og mýkið lauk, hvítlauk og chilialdin í um10 mín. eða þar til laukurinn byrjar að gyllast. Bætið nú kryddi útí og hrærið vel saman. Setjið grænmetið útí og hrærið öllu vel saman. Að lokum setjið þið sítrónusafa, kókosmjólk og tómatmauk útí og látið réttinn malla í um15 mín. Bragðið til með smá sjávarsalti og nýmöluðum svörtum pipar.

• Guacamole 
• 2 avókadó 
• 1 msk rauðlaukur, saxaður 
• 1 msk fínt saxaður ferskur chilipipar 
• 2 msk ferskur kóríander, saxaður 
• 1 msk límónusafi 
• 1 hvítlauksrif, pressað 
• ¼ tsk sjávarsaltflögur
• 
  
• Salsa 
• 4 plómutómatar 
• 1 rauð paprika 
• 3 msk granateplakjarnar (má sleppa)
• 2 msk saxaður ferskur kóríander 
• 1 msk rauðlaukur 
• 1 msk rifið límónuhýði 
• 1 msk límónusafi 
• 1 msk smátt saxaður ferskur chili 
• ½ tsk sjávarsalt 
• nýmalaður svartur pipar
• 
  
• Svartbaunamauk 
• 3 msk ólífuolía 
• 2 hvítlauksrif, pressuð/söxuð 
• 2 dósir svartar baunir (7 dl soðnar) 
• 4 tsk lífræn kryddblanda frá Santa Maria 
• 1 tsk sjávarsaltflögur 
• 2 msk sítrónusafi 
• 5 msk ferskur kóríander, saxaður
  

Guacamole

Afhýðið avókadóið og stappið með gaffli, má hafa svolítið af grófari bitum. Saxið rauðlaukinn, chilialdinið og ferska kóríanderið smátt og blandið allri uppskriftinni saman. Setjið inn í ísskáp í 10-15 mín. Geymist í 3-4 daga í loftþéttu íláti í kæli. 

Salsa

Skerið tómatana fyrst í tvennt og kjarnhreinsið og skerið paprikuna í tvennt og steinhreinsið. Skerið síðan í litla teninga, um ½ x ½ cm, og setjið í skál. Saxið rauðlaukinn smátt ásamt ferska chiliinu. Blandið allri uppskriftinni saman í skál.

Svartbaunamauk

Hitið olíuna á pönnu og léttmýkið hvítlaukinn þar í. Bætið svörtu baununum út á ásamt kryddblöndunni og látið malla í um 5 mín. Gott að hræra í og mauka baunirnar aðeins með sleifinni. Kryddið með salti og sítrónusafa. Takið af hitanum og hrærið ferskum kóríander út í.