Graskersfræ

• 2 ½ dl gróft spelt
  
• 2 ½ dl fínt spelt
  
• 1 dl sesamfræ
  
• 1 dl graskerjafræ
  
• 1 msk vínsteinslyftiduft
  
• ½ tsk salt
  
• 1 msk hlynsíróp (eða hunang)
  
• 2 dl vatn
  
• 1 msk sítrónusafi
  

Hitið ofninn í 180°C, blandið þurrefnunum saman í skál, hellið vatni og sítrónusafa og sírópi út í og hrærið þessu saman. Setjið deigið í meðalstórt smurt form. Bakið við 180°C í um 30 mín, takið brauðið úr forminu og haldið áfram að baka í 10 mín. Það er gott að setja allskonar hnetur og fræ útí, ásamt sólþurrkuðum tómötum, ólífum, hvítlauk, gojiberjum eða því sem þig langar mest í.

• 2 dl hörfræ, lögð í bleyti í 4 dl af vatni í 2-4 klst
  
• 2 dl hrat af grænmetis eða ávaxtasafa
  
• 1 dl sesamfræ
  
• 1 dl graskersfræ
  
• 1 dl sólblómafræ
  
• 1 tsk salt
  
• 2 msk af kryddi að eigin vali (t.d. karrí, timian, hvítlaukur, wasabi, chili)
  

Allt sett í hrærivél og hrært saman. Með því að nota litla ískúluskeið mótið þið kúlur sem flattar eru út og setjið á smjörpappír. Bakið við 180°C í 12 mín, snúið kexinu við og haldið áfram að baka í 12 mín eða þar til það er orðið gyllt og fallegt. Geymist í loftþéttu íláti í um 1 mánuð.