Linsubaunir - Rauðar

• 1 msk ólífuolía
• 1 laukur, saxaður
• 2 hvítlauksrif, pressuð
• ½ tsk túrmerik
• ½ tsk  kanill
• 1 ½ - 2 msk engiferskot
• 250 g sætar kartöflur, brytjaðar
• 250 g rauðar linsur (½ poki)
• 1 lítri vatn
• 1 msk Himneskur grænmetiskraftur
• 1 ½ - 2 msk sítrónusafi
• ½ tsk sjávarsaltflögur
• salt og pipar til að smakka til 
• 1 búnt ferskur kóríander, saxaður
  

Mýkið lauk og hvítlauk í ólífuolíu í u.þ.b. 5 mínútur í pottinum ásamt túrmerik, kanil og engiferskoti. Bætið svo sætum kartöflum og linsum út í. 

Hellið vatni ásamt grænmetiskrafti út í. Látið suðuna koma upp, lækkið undir og leyfið að malla í u.þ.b. 20-25 mín, eða þar til sætu kartöflurnar og linsurnar eru soðnar í gegn. 

Gott er að mauka súpuna aðeins, en bara frekar gróft svo áferðin verði ekki alveg slétt. Auðveldast er að stinga töfrasprota beint ofan í pottinn þegar súpan hefur kólnað örlítið. En einnig er hægt að nota matvinnsluvél eða blandara. Ef ykkur finnst súpan of þykk má einfaldlega bæta vatni út í á þessu stigi málsins.

Bætið nú sítrónusafa, salti og pipar út í. Smakkið til með meiri sítrónusafa, salti og ólífuolíu ef vill. Einnig má bæta meira engiferskoti út í ef þið viljið að súpan rífi aðeins í. 

Stráið söxuðum kóríander yfir hvern skammt og berið fram með góðu brauði.

Linsur eru góður próteingjafi úr jurtaríkinu, saðsamar og næringarríkar. Gott er að bera dal fram með lífrænum hrísgrjónum, ofnbökuðu rótargrænmeti og raitu. Sumum finnst naan brauð líka gott með.

Dal

• 1 meðalstór laukur
• 2 hvítlauksrif
• 2 msk engiferskot
• 1 ½ msk karrí blanda (garam masala)
• 1 tsk túrmerik
• 1 msk kókosolía eða jurtasmjör
  
• 1 lítið blómkálshöfuð eða ½ stórt, skorið í munnbita
• 250g rauðar linsur (½ poki)
• 1 dós kókosmjólk
• 400-500 ml vatn (hægt að nota bara vatn ef vill - þá ca 800 ml, en kókosmjólkin gefur dásamlega áferð)
• 1 ½ tsk sjávarsalt
• 3-4 tsk sítrónusafi
• cayenne pipar eftir smekk
• Vænn slurkur af hvítlauks ólífuolíu (Látið niðursneiddan hvítlauk standa í ólífuolíu á meðan maturinn er eldaður). 
  

Skerið niður lauk, hvítlauk og blómkál í bita. Hitið olíu í potti og mýkið laukinn og hvítlaukinn ásamt kryddum í 2-3 mínútur. Þetta er gert til að opna bragðið af kryddunum. Bætið svo blómkálsbitunum út í, því næst linsunum, vökvanum og saltinu. Látið suðuna koma upp og lækkið svo hitann þannig að allt malli í rólegheitum í u.þ.b. 20 mín - eða þar til blómkálið er orðið mjúkt og linsurnar orðnar að hálfgerðri kássu. Hrærið í af og til og fylgist með að brenni ekki í botninn. Hafið pottinn opinn, en ekki of háan hita. Í lokin, þegar dalið er tilbúið, bætið þá sítrónusafanum, cayenne pipar og smávegis af hvítlauksolíunni út í. Smakkið dalið, ef ykkur finnst það mega vera bragðmeira bætið við smá auka salti, sítrónusafa eða hvítlauks ólífuolíu.

Sætar kartöflur

• 1 stór sæt kartafla
• 1 msk kókosolía
• ½ dl vatn 
• smá salt
  

Afhýðið sætu kartöfluna og skerið í passlega bita. Forhitið ofninn í 180°C. Bakið í 20-30 mín. og hrærið nokkrum sinnum. Það er örlítið misjafnt eftir ofnum og stærð bitanna hversu lengi þær eru að bakast, þær gætu þurft aðeins lengri tíma.  

Raita

• 1 bolli hrein jurtajógúrt

• ⅓ agúrka, skorin í bita eða rifin með rifjárni
  1 hvítlauksrif, pressað

Blandið öllu saman í skál. 

• 1 msk ólífuolía
  
• 1 laukur, saxaður
  
• 2 hvítlauksrif, pressuð
  
• ½ tsk túrmerik
  
• ½ - 1 tsk  broddkúmen (cumin)
  
• 1 ½ msk engiferskot
  
• 250 g gulrætur eða sætar kartöflur, brytjaðar
  
• 250 g rauðar linsur (½ poki)
  
• 1 lítri vatn
  
• 1 msk Himneskur grænmetiskraftur
  
• 1 ½ msk sítrónusafi
  
• ½ tsk sjávarsaltflögur
  
• salt og pipar til að smakka til
  
• graskersfræ – ristuð og söltuð
• 1 búnt kóríander, saxað, ef vill
  

Mýkið lauk og hvítlauk í ólífuolíu í u.þ.b. 5 mínútur í pottinum ásamt túrmerik, broddkúmeni og engiferskoti. Bætið svo gulrótum og linsum út í. 

Hellið vatni ásamt grænmetiskrafti út í. Látið suðuna koma upp, lækkið undir og leyfið að malla í u.þ.b. 20 mín. 

Blandið súpuna annað hvort í matvinnsluvél, eða með töfrasprota beint ofan í pottinn. 

Bætið nú sítrónusafa, salti og pipar út í. Smakkið til með meiri sítrónusafa, salti og ólífuolíu ef vill. Einnig má bæta meira engiferskoti út í ef þið viljið að súpan rífi aðeins í. 

Stráið ristuðum graskersfræjum og söxuðum ferskum kóríander yfir hvern skammt og berið fram með góðu brauði.

• 200 g rauðar linsur
  
• 500 ml vatn
  
• 30g steiktur laukur
  
• 1 tsk sjávarsaltflögur

Leggið linsurnar í bleyti í yfir nótt.

Hellið vatninu af daginn eftir og skolið linsurnar.
Setjið þær í blandara með vatninu og steikta lauknum og blandið þar til alveg silkimjúkt.

Setjið sigti yfir pott og sigtið linsudeigið, notið sleif til að þrýsta sem mestu af deiginu í gegn. Hratið sem eftir verður getið þið notað í buff eða aðra rétti.

Kveikið undir pottinum, stillið á miðlungs hita og bætið sjávarsaltinu út í.
Hrærið stöðugt í svo ekki brenni á botninum, látið suðuna koma upp og látið malla í 1-3 mínútur eða þar til þetta er orðið að mjög þykkum graut.

Hellið í form og látið stífna í kæli.

• 225g rauðar linsur (ósoðnar)
  
• 700ml vatn
  
• 2 hvítlaukar, skornir í bita
  
• 2 tsk madras karrí eða currypaste
  
• 2 tsk grænmetiskraftur
  
• 300g kasjúhnetur, þurrristaðar og malaðar
  
• 300g heslihnetur, þurrristaðar og malaðar
  
• 2 msk hitaþolin olía
  
• 1 rauðlaukur, smátt saxaður
  
• 3 hvítlauksrif, pressuð
  
• 2 sellerístilkar, smátt skornir
  
• 2 gulrætur, gróft rifnar
  
• 1 sæt kartafla, afhýdd og gróft rifin
  
• 4-5 msk tómatpúrra
  
• 2-3 msk mangó chutney (t.d. frá Geetas)
  
• 1 tsk grænmetiskraftur, gerlaus
  
• 1 ½ tsk timjan
  
• ½ tsk salvia
  
• ½ - 1 tsk sjávarsalt
  
• ¼ tsk cayenne pipar
  
• 50g sesamfræ
  

Skolið rauðu linsurnar og setjið í pott með vatni, hvítlauk og grænmetiskrafti. Látið suðuna koma upp og sjóðið í um 20-25 mín eða þar til linsurnar eru soðnar. Á meðan linsurnar eru að soðna ristið hneturnar í ofni 170°C í 6-8 mín eða þar til tilbúnar. Best að rista 1 teg í einu. Kælið og malið síðan í matvinnsluvél.

Hitið olíu á pönnu og mýkið lauk + hvítlauk í smá stund, bætið sellerí + gulrótum + sætum kartöflum útá og hrærið í smá stund, kryddið síðan með tómatpúrru + mangó chutney + grænmetiskrafti + timian + salvíu. Látið þetta malla í svona 5-10 mín. Setjið þetta allt í skál og bætið soðnum linsum og hnetum útí og hrærið vel saman. Smyrjið lítil “soufflé” form með kaldpressaðri olíu, stráið sesamfræjum inní forming og setjið deigið í og bakið við 200°C í 25-30 mín.