Linsu tófú
- Miðlungs
- Vegan: Já
- Viðbættur sykur: Nei
Uppskrift
Þetta er mjög skemmtileg uppskrift að heimagerðu linsu-tófúi. Tófúið er hægt að nota í rétti á sama hátt og annað tófú.
Stórsniðugt, frekar einfalt að framkvæma og mjög gaman að prófa.
Stórsniðugt, frekar einfalt að framkvæma og mjög gaman að prófa.
- 200 g rauðar linsur
- 500 ml vatn
- 30g steiktur laukur
- 1 tsk sjávarsaltflögur
Leggið linsurnar í bleyti í yfir nótt.
Hellið vatninu af daginn eftir og skolið linsurnar.
Setjið þær í blandara með vatninu og steikta lauknum og blandið þar til alveg silkimjúkt.
Setjið sigti yfir pott og sigtið linsudeigið, notið sleif til að þrýsta sem mestu af deiginu í gegn. Hratið sem eftir verður getið þið notað í buff eða aðra rétti.
Kveikið undir pottinum, stillið á miðlungs hita og bætið sjávarsaltinu út í.
Hrærið stöðugt í svo ekki brenni á botninum, látið suðuna koma upp og látið malla í 1-3 mínútur eða þar til þetta er orðið að mjög þykkum graut.
Hellið í form og látið stífna í kæli.
