Aðalréttir

Þetta rauðrófu og bauna chili er mjög einfalt og fljótlegt.

Einföld máltíð sem er sniðug þegar við viljum eitthvað fljótlegt en gott. Til dæmis tilvalið að græja í útilegu yfir prímusnum.Gott að bera fram með góðu brauði, t.d. naan brauði, pítubrauði eða í vefju.

Við þekkjum flest löngunina í fljótlega og næringarríka máltíð, sem lítið þarf að hafa fyrir en bragðast samt mjög vel. Hér höfum við eina slíka, fljótlegt og gómsætt kjúklingabaunakarrý. Fullt af grænmeti, baunum og góðu bragði.

Aðal atriðið er að skera grænmetið nógu þunnt, þá þarf það svo stuttan tíma í pottinum og er fljótt að mýkjast. 

Máltíðina er gott að bera fram með fullt af fersku salati eða með lífrænum basmati hrísgrjónum, allt eftir hvað ykkur finnst best. Okkur finnst æði að strá nokkrum kasjúhnetum yfir. 

Mildur og góður kjúklingabaunaréttur kryddaður á indverska vísu. Sósan er gerð frá grunni og rétturinn er fljótlegur og barnvænn.
Fyrir þá sem vilja sterkari útgáfu er upplagt að smakka til með örlitlum cayenne pipar eða chili. 
(Ef þið eigið ekki öll kryddin er möguleiki að nota 1 msk garam masala í staðinn fyrir kóríander, cumin, túrmerik, kanil, pipar og kardimommur).
Gott að bera fram með lífrænum basmati hrísgrjónum, raitu og naan brauði.
 (Oatly sýrður rjómi er góður í vegan raitu)

Þetta dásamlega ratatouille er stútfullt af góðu grænmeti og passar einstaklega vel með ljúffengri heimalagaðri kartöflumús.
Framkvæmdin er einföld og frekar fljótleg, en gott er að hafa í huga að forbaka þarf kartöflurnar fyrir músina með góðum fyrirvara, en þær þurfa 1 - 1½ klst, til dæmis fínt að gera kvöldið áður og geyma í kæli.

Þessi réttur er rosalega bragðgóður og auðveldur í framkvæmd. Við notum lífrænar tortillur frá Santa Maria, þær er hægt að fá úr heilhveitiblöndu og súrdeigi. Best er útbúa svartbaunamaukið þegar salsa og guacamole er tilbúið, hita svo tortillur í ofninum í 1-2 mín og raða svo öllu góðgætinu í tortillurnar og rúlla upp. Sumum finnst gott að bæta uppáhalds jurta-ostinum sínum við. Njótið!

Þennan marokkóska rétt má hvort heldur elda í hefðbundnum potti eða sérstökum tagine potti. Gott er að bera pottréttinn fram með soðnu kínóa eða cous-cous og sýrðum rjóma (t.d. sýrðum jurtarjóma). 

Chili sin carne þýðir kjötlaust chili. Þetta er útgáfan hennar Sollu af þessum vinsæla suður-ameríska rétti. Pottrétturinn er frábær með hrísgrjónum og góðu guacamole. Einnig er hægt að bera hann fram í maísskeljum eða tortillum.

Þessi himneski pottréttur er innblásinn af indónesískri matargerð. Hnetusmjör, sætar kartöflur, blómkál, baunir, engifer og madras karrí....himnesk blanda! Pottréttinn er gott að bera fram með fullt af grænu og fersku salati. Og ef ykkur líkar kóríander, ekki spara hann. Sumstaðar er litið á kóríander sem mælikvarða á gestristni, því ríkulegra af kóríander, því höfðinglegri er gestgjafinn!