Rúsínur

Hafragrautur fyrir einn

• 1 dl lífrænir tröllahafrar
  
• 2-3 dl vatn
  
• ½ tsk kanill
  
• salt af hnífsoddi
  
• 2 tsk himneskt hnetusmjör, gróft
  
• 1-2 tsk rúsínur (má sleppa)
  
• uppáhalds ávöxturinn þinn (t.d. epli, pera, ber eða banani)
  
• mjólk að eigin vali (t.d. jurtamjólk)

Setjið vatnið í pott og kveikið undir. Bætið höfrunum út í ásamt kanil og salti. 

Látið grautinn malla í 2-5 mín, eða þar til tilbúinn. Passið að hræra í annað veifið svo grauturinn brenni ekki. 

Setjið grautinn í fallega skál, stráið því sem hugurinn girnist yfir, ásamt vænni skeið af hnetusmjöri. Hellið smávegis jurtamjólk út á og njótið!

• 2 dl tröllahafrar eða haframjöl
  
• 2 msk sesamfræ
  
• 2 msk graskersfræ
  
• 2 msk kókosmjöl
  
• 2 msk rúsínur
  
• 2 stk döðlur, smátt saxaðar
  
• 2 stk lífrænar aprikósur, smátt saxaðar
  
• Út á:
  
• 1 dl ávextir í sneiðum
  
• (t.d. epli, banani, mangó, bláber)
  
• 1 dl möndlumjólk
  
• 1 msk kakónibbur

Setjið allt í skál, hellið vatni út á, látið fljóta svona 2 cm yfir og látið standa yfir nótt. Hellið vatninu af og setjið allt í matvinnsluvél og blandið lauslega.
Setjið í skál ásamt ferskum ávaxtabitum, hellið möndlumjólk út á og stráið kakónibsum yfir. Þessi grautur geymist í 2 sólarhringa í ísskáp. 

• 2 dl tröllahafrar eða lífrænt haframjöl
  
• 3 dl vatn
  
• 1 tsk kanill
  
• salt af hnífsoddi
  
• ofan á:
  
• lífrænar rúsínur
  
• möndlur og fræ, þurristuð á pönnu
  
• jurtamjólk að eigin vali
  

Setjið hafra í pott ásamt vatni, kanil og salti.
Suðan er látin koma upp og grauturinn soðinn í 2-3 mín, passið að hræra í annað veifið svo grauturinn brenni ekki.
Á meðan grauturinn sýður má snöggrista möndlur og fræ á pönnu, í u.þ.b. 2 mínútur, eða bara rétt þar til fræin fara að ilma.
Stráið yfir grautinn ásamt rúsínum og hellið uppáhalds mjólkinni ykkar út á.