Döðlur

 Hér höfum við himneska jarðarberjatertu sem er dásamleg með helgarkaffinu. Tertan er útbúin með aðferðum hráfæðis og er því ekki bökuð. Við notum lífrænt og gott hráefni, meðal annars möndlur, hnetur, chia fræ og súkkulaði, útkoman er ljúffeng terta sem bráðnar í munni.  

Botn

• 3 dl möndlur
  
• 1 dl valhnetur
  
• 2 dl döðlur, smátt saxaðar
  
• 1 ½ dl kakóduft
  
• 2 tsk rifinn appelsínubörkur
  
• 1 tsk vanilluduft

Setjið möndlur og valhnetur í matvinnsluvél og malið meðalgróft. Bætið afganginum af hráefninu út í og blandið þar til þetta loðir vel saman. Þrýstið deiginu niður í form og setjið í frysti á meðan þið bræðið súkkulaðið og útbúið jarðarberjafyllinguna. 

Bananalag

• 2 stórir eða 3 minni bananar, afhýddir og skornir í sneiðar
  

Raðið einu lagi af bananasneiðum ofan á btninn og setjið aftur í frysti eða kæli.

Súkkulaðikrem

• 3 ½ dl kakósmjör
  
• 1 ½ dl kakóduft
  
• 1 dl kókospálmasykur eða hlynsíróp
  
• 1 tsk vanilluduft

Bræðið kakósmjörið yfir vatnsbaði. Setjið svo allt í blandara (eða matvinnsluvél) og látið ganga þar til kremið er silkimjúkt og kekkjalaust. Smyrjið yfir bananana. 

Jarðarberjafylling

• 4 dl frosin jarðarber (látið þiðna yfir nótt í kæli)
  
• 3 dl kasjúhnetur, lagðar í bleyti í 2 klst
  
• 1 dl hlynsíróp
  
• ½ dl möndlumjólk
  
• 2 msk sítrónusafi
  
• 1 tsk vanilluduft
  
• ⅛ tsk sjávarsalt
  
• 1 dl kaldpressuð kókosolía
• 2 msk chiafræ, möluð

Setjið jarðarberin í blandarann og látið hann ganga þar til þau eru orðin að mauki. Hellið vatninu af kasjúhnetunum og setjið þær út í ásamt hlynsírópinu, möndlumjólkinni, sítrónusafanum, vanillunni og saltinu og blandið þar til silkimjúkt. Bætið þá kókosolíu og möluðum chiafræjum út í og blandið áfram. Setjið fyllinguna ofan á súkkulaðikremið og setjið kökuna inn í kæli í 2-3 klst. eða í frysti í 1 klst. Skreytið ríkulega með ferskum jarðarberjum eða ávöxtum. 

Skraut

• Fersk jarðarber eða ávextir 
  

Botninn

• 100g möndlur
  
• 100g döðlur
  
• smá salt
  
• 1 tsk vanilla
  
• 1 dl lífrænt hnetusmjör gróft
  
• 1 tsk maca duft
  
• 1 msk kókosolía, fljótandi
  

Blandið saman möndlum og döðlum í matvinnsluvél. Restinni af uppskriftinni er síðan bætt út í og öllu blandað saman. Þjappið í form. Stráið 1 ½ - 2 dl af salthnetum ofan á og setjið svo botninn í frysti á meðan þið útbúið karamelluna og súkkulaðið.

Karamellan

• 1 ½ dl hlynsíróp
  
• 1 dl kókosolíu
  
• 1 dl hnetusmjör
  
• ½ tsk gróft sjávarsalt
  
• 1 tsk kakóduft
  

Allt sett í blandara og blandað saman á lágum hraða. Karamellunni er síðan hellt yfir botninn og salthneturnar.

Súkkulaðið

• ½ dl kókosolía, fljótandi
  
• ½ dl kakóduft
  
• örlítið salt
  
• fimm dropar af steviu
  
• fimm dropar af súkkulaðidropum (t.d. Medicine Flower sem fást í heilsubúðum, en má sleppa)
  

Hrærið öllu saman í skál og hellið yfir karamelluna. Setjið aftur inn í frystinn í smá stund til að leyfa súkkulaðinu að storkna.

• 4 dl döðlur
  
• 2 dl kókosmjöl + auka til að velta kúlunum upp úr
  
• 3 msk hreint kakó
  
• ½ dl kókosolía
  
• 1 tsk appelsínudropar
  

Setjið allt í matvinnsluvél og blandið þar til orðið að mauki. Gott er að geyma deigið í kæli í smástund áður en kúlurnar eru mótaðar. Kúlurnar geymast vel í kæli eða frysti.

• 1 dl möndlur
  
• 4 dl vatn
  
• ½ tsk kanilduft eða smá vanilluduft (má sleppa)
  
• 2-4 döðlur ef þið viljið sæta mjólk (má sleppa ef þið viljið ósæta mjólk)
  

Möndlurnar eru lagðar í bleyti yfir nótt (má nota þær óútbleyttar en hitt er betra). Ef þú hefur tíma er gott að afhýða möndlurnar, en þess þarf ekki. Setjið möndlurnar í blandara og malið þær smátt, bætið döðlunum og vatninu útí og blandið mjög vel. Hægt er að sigta mjólkina, þá verður hún alveg tær eða nota hana með smá möndlukorni í. Ef þið sigtið mjólkina er gott að geyma hratið og nota í konfekt gerð eða bakstur. Hægt er að frysta hratið. 

• 300-400g heilhveiti pastaskrúfur
• heimalagað grænkálspestó
• ½ krukka sólþurrkaðir tómatar
• jurtaostur eða ostur ef vill 

Sjóðið pastaskrúfur eftir leiðbeiningum á pakkanum. Útbúið grænkálspestó á meðan skrúfurnar malla. Berið pastað fram með grænkálspestói og tómötum semisecchi. Sumum finnst gott að bæta vegan osti eða osti út á. 

Grænkálspestó

• 5 grænkálsblöð (takið stilkinn af)
• 5 ólífur
• 50g heslihnetur(ristið eða bakið) 
• 2 döðlur, smátt saxaðar 
• 1 hvítlauksrif 
• smá sjávarsalt 
• safi og hýði af 1 sítrónu (lífrænni) 
• ½ - ¾ dl jómfrúarólífuolía

Byrjið á að rista eða baka heslihneturnar við vægan hita. Setjið svo allt nema ólífuolíuna í matvinnsluvél eða morter og maukið/merjið. Setjið í skál og hrærið ólífuolíunni út í. Smakkið til með sjávarsalti og meiri sítrónusafa ef vill.

Njótið!