Kókosolía, lítil

• 4 dl döðlur
  
• 2 dl kókosmjöl + auka til að velta kúlunum upp úr
  
• 3 msk hreint kakó
  
• ½ dl kókosolía
  
• 1 tsk appelsínudropar
  

Setjið allt í matvinnsluvél og blandið þar til orðið að mauki. Gott er að geyma deigið í kæli í smástund áður en kúlurnar eru mótaðar. Kúlurnar geymast vel í kæli eða frysti.

Sósan

• 1 dl kakóduft
  
• ¾ dl kókosolía
  
• ¾ dl hlynsíróp
  
• 1 tsk vanilla
  
• ½ tsk kanill 

Blandið hráefninu fyrir sósuna í sér skál (eða hitið aðeins í potti og hrærið saman).

Þurrefnin

• 6 dl tröllahafrar
  
• 5 dl kókosflögur
  
• 3 dl saxaðar möndlur og heslihnetur  (eða brasilíuhnetur eða kasjúhnetur)
  
• 3 msk chiafræ
  
• ½ dl kókospálmasykur (má sleppa ef þið viljið minna sætt) 

Setjið öll þurrefni í stóra skál. Hellið sósunni yfir þurrefnin og blandið vel saman, passið að sósan fari yfir allt hráefnið.
Setjið bökunarpappír á 2 ofnskúffur. Dreifið vel úr blöndunni, passið að ekki séu of stórir klumpar. Bakið við 160°C á blæstri í u.þ.b 10 - 15 mín. Hrærið í á um 5 mín fresti. (Ofnar eru alltaf aðeins misjafnir, fylgist vel með að múslíið brenni ekki við og metið aðeins hversu lengi það þarf að vera inni).
Látið múslíið alveg kólna áður en sett í krukkur til að haldist stökkt og gott. (Ef þið viljið bæta rúsínum, trönuberjum eða öðrum þurrkuðum ávöxtum út í er best að bæta þeim við eftir á).

• 1 dl hlynsíróp (eða hunang)
  
• 2 dl hreint kakóduft (eða RAW kakó)
  
• 2 dl kaldpressuð og lífræn kókosolía eða kakósmjör
  

Látið heitt vatn renna í skál og setjið kókosolíuna/kakósmjörið þar í svo verði fljótandi (kókosolía helst fljótandi yfir 24°C) blandið allri uppskriftinni í skál og hrærið saman. Tilbúið.

Upplagt að setja ýmislegt út í súkkulaðið, s.s. hnetur eða fræ eða rúsínur eða gojiber eða kakónibbur eða..... bara það sem þig langar í.

• 3 dl mjólk að eigin vali (t.d. haframjólk, möndlumjólk eða þitt uppáhald)
  
• ½ tsk túrmerik 
  
• ⅛ tsk svartur pipar (eða af hnífsoddi)
  
• ½ tsk engiferskot (engifersafi)
  
• ¼ tsk kanill
  
• 1 tsk kókosolía
  
• örlítið hlynsíróp til að sæta ef vill
  

Hitið allt nema hlynsíróp í potti við vægan hita. Gott er að leyfa þessu að malla í nokkrar mínútur og hræra smá. Það fer síðan eftir því hvaða mjólk þið notið hvort það þarf að sæta drykkinn með hlynsírópi eða ekki. Sumar tegundir jurtamjólkur eru náttúrulega sætar og mörgum finnst það alveg nóg. Þetta er smekksatriði.