Hvítt tahini

• 1 msk tahini 
• 2 lífrænar döðlur 
• 1½ tsk kakóduft 
• ¼ tsk kanill 
• ¼ tsk vanilla 

• ⅛ tsk möluð kardimomma
  túrmerik af hnífsoddi
  nokkur korn svartur pipar
  pínulítið salt
  1½ dl heitt vatn
  

Hitið vatn í katli. Setjið tahini, döðlur, kakóduft og krydd í blandarann. Hellið vatninu út í og blandið þar til silkimjúkt. Ath að setja blandarann í gang á lægstu stillingu og hækka svo hægt og rólega, svo heiti vökvinn skvettist ekki óvart uppúr.

Ef þið eigið ekki öll kryddin er alveg hægt að útbúa einfaldari drykk. Aðal atriðið er að blanda saman tahini, döðlu, kakódufti og heitu vatni og svo þeim kryddum sem þið eigið til. 

Einnig er hægt að nota möndlusmjör í staðinn fyrir tahini.

• 1 krukka kjúklingabaunir (3 ½ dl)
  
• 2 msk vatn
  
• 2 msk tahini
  
• 2 msk sítrónusafi
  
• 1-2 hvítlauksrif, pressuð
  
• ½ - 1 tsk salt
  
• ¼ tsk cuminduft
  
• cayenne pipar af hnífsoddi
  
• 1-2 msk jómfrúar ólífuolía
  
• 1 msk steinselja eða kóríander, smátt saxað
  

Allt sett í matvinnsluvél og maukað saman þar til silkimjúkt og kekklaust. Geymist í 5-7 daga í kæli í loftþéttu íláti. Ef þið notið baunir úr krukku passar hummusinn akkúrat í krukkuna!

Hefðbundnar falafelbollur eru djúpsteiktar, en þessar bollur eru bakaðar í ofninum, til að halda hollustunni alla leið. Einnig má steikja bollurnar á pönnu, en þá er best að velta þeim fyrst upp úr mjöli, t.d. smá spelti, möluðu haframjöli eða maísmjöli. Falafel bollur eru frábærar með góðri tahinisósu og salati. Tilvalið að bera fram í góðu pítubrauði eða í vefju eða nota stór salatblöð fyrir vefjur.   

Ofnbakað falafel

• 1 krukka forsoðnar kjúklingabaunir (3½ dl)
• ½ dl rauðlaukur
• ½ dl fersk steinselja
• ½ dl ferskur kóríander
• ½ dl möluð chiafræ
• 1-2 hvítlauksrif
• 1 tsk cumin duft
• ¼ tsk kóríanderduft
• 1 tsk sjávarsalt
• 2 msk tahini
• 2 msk sítrónusafi
  

Forhitið ofninn í 200°C. Saxið rauðlaukinn og kryddjurtirnar. Setjið allt í matvinnsluvél og blandið þar til orðið að grófu deigi. Gott er að nota ískúluskeið til að búa til litlar bollur. Best er að rúlla hverja bollu í smástund í lófanum áður en þær eru settar á bökunarpappír svo að þær haldi forminu sem best og detti síður í sundur. Bökunartími er 25-30 mín. Snúið bollunum á hina hliðina eftir 15 mín. Falafel bollur eru æðislegar með tahinisósu og salati. Þær má líka setja í pítubrauð eða vefju með hummus og tahinisósu og grænmeti.

Sítrónu-tahinisósa

• ½ dl sítrónusafi
• 1 dl appelsínusafi
• 1 dl vatn
• 1½ dl tahini
• 3 pressuð hvítlauksrif
• ½ tsk sjávarsalt
• 2 msk ferskur kóríander
• 1 msk fersk steinselja
• 1 tsk karrý
• ½ tsk cumin 
• 2 döðlur (ef vill)
  

Setjið allt í blandara og blandið þar til silkimjúkt.

• 2 msk möndlusmjör
• 2 msk tahini
• ½ dl kókosolía eða kakósmjör
• 3 msk ekta hlynsíróp
• 1 dl kakóduft
• 1 tsk vanilluduft eða dropar
• ¼ tsk sjávarsalt
• ef vill: 1 dl saxaðar hnetur eða þurrkaðir ávextir

Setjið möndlusmjör, tahini, kókosolíu/kakósmjör og hlynsíróp í pott og hrærið saman þar til kekklaust. Passið að hafa mjög vægan hita. (Má líka setja í matvinnsluvél og mauka).Setjið kakóið og kryddið út í og hrærið saman.Endið á að setja heil mórber eða saxaðar hnetur út í, ef þið viljið.Takið af hellunni og setjið í lítil konfektform eða í eitt stórt form.Setjið inn í frysti og látið stífna. Skerið í minni bita og njótið!

• 1 krukka tahini (1 bolli)
  
• 2 bollar hrásykur
  
• ⅔ bolli möndlumjólk
  
• 2 msk kókosolía
  
• 2 tsk vanilla
  
• 2 ½ bollar speltmjöl (t.d. 50/50 fínt og gróft)
  
• ¾ bolli kakóduft
  
• 1 msk lyftiduft
  
• ½ bolli ristaðar og saxaðar heslihnetur

Hrærið tahini, möndlumjólk, kókosolíu, hrásykur og vanillu saman í hrærivél.
Blandið spelti, kakódufti og lyftidufti saman í skál og setjið svo rólega út í hrærivélina, á meðan hún er að hræra.
Bætið að lokum ristuðum heslihnetunum varlega út í deigið.
Setjið bökunarpappír í form, við notuðum 24x29cm.
Hitið ofninn í 175°C og bakið í ca 20 mínútur.