Rabarbari og grasker
- 5 mínútur
- 20 mínútur
- Auðvelt
- Vegan: Já
- Hráfæði: Nei
- Viðbættur sykur: Nei
Uppskrift
Rabarbari er ekki bara góður í sultur og deserta, hann er einnig afbragðs góður í matargerð. Hér bökum við hann í ofni ásamt graskeri, en það má líka nota sæta kartöflu í staðinn fyrir graskerið. Þetta er gott sem meðlæti eða jafnvel uppistaða í gott sælkerasalat. Nú er um að gera að stökkva út í garð og grípa nokkra fallega rabarbaraleggi í matinn.
- ¼ grasker, skorið í þunna bita
- 4 grannir rabarbarstilkar, skornir í bita
- kókosolía
- sjávarsaltflögur
- chiliflögur
Skerið grasker og rabarbara í þunna bita.
Veltið upp úr örlítilli kókosolíu, kryddið með sjávarsaltflögum og chili.
Bakið graskersbitana við 200°C í 15 mín
Bætið svo rabarbarabitum við og bakið áfram í 5 mín.
Berið fram sem meðlæti með góðri máltíð eða setjið út á matarmikið salat.
