Uppskrift

• 150g spelt
  
• 50 g sesamfræ
  
• ½ tsk salt
  
• 1 tsk gróft sinnep
  
• 50g rifinn ostur (t.d. vegan ostur)
  
• 2 msk rifinn parmesan (t.d. vegan)
  
• 60 ml ólífuolía
  1 tsk chiafræ bleytt í 2 tsk vatni (eða 1 eggjarauða)
• safi úr ½ sítrónu
  
• smá sesamfræ
  

Setjið spelt, sesamfræ, salt, sinnep og ost í matvinnsluvél og blandið. Bætið olíunni útí og blandið þar til deigið verður eins og fín brauðmylsna. Blandið sítrónusafa og útbleyttum chia fræjum (eða eggjarauðu) í skál og hellið svo rólega út í deigið með matvinnsluvélina í gangi. Hættið að blanda þegar deigið byrjar að hnoðast saman. Stráið spelti á borð og hnoðið deigið í bolta. Fletjið út með kökukefli í ca. ½ cm þykkt. Penslið með smá olíu (eða eggjahvítu), stráið sesamfræjum yfir og skerið svo í bita. Bakið á bökunarpappír við 200°C í um 10 mín. Gerir 30-40 kex.