Þurrvara

Spelthveiti, heilmalað

Bökunarvörur og mjöl

1000 g

  • Gróft spelthveiti

Innihald

Gróft SPELTHVEITI*.
*Lífrænt ræktað.

Gæti innihaldið snefilmagn af sesamfræjum. Getur einnig innihaldið glúten frá öðrum kornvörum.

Næringargildi í 100g

  • Orka: 1457 kJ/344 kkal
  • Fita: 1,7g
    þar af mettuð: 0,2g
  • Kolvetni: 60,3g
  • þar af sykurtegundir: 0,7g
  • Trefjar: 10,0g
  • Prótein: 17,0g
  • Salt: 0g 
  • TUN EU

    DE-ÖKO-007
    ESB-landbúnaður


Geymist á svölum og þurrum stað.

Spelt er gömul korntegund sem nú er víða ræktuð í Evrópu og gengur undir nafninu Dinkel í Þýskalandi og Farro á Ítalíu. Speltkornið hefur þykkt og mikið hýði sem þarf að fjarlægja við vinnslu. Kosturinn við þetta þykka hýði er að það ver kornið vel fyrir utanaðkomandi mengun og auðveldara er að rækta spelt án skordýraeiturs.

Speltið okkar er lífrænt og hreinræktað, malað í sérstökum steinkvörnum til að viðhalda sem mestri næringu í mjölinu. Í fínmalaða speltinu okkar hefur aðeins það allra grófasta verið sigtað frá og restin mjög fínt möluð. Þetta gerir það að verkum að lítið tapast af næringarefnum. Nota má spelt á sama hátt og hveiti og heilhveiti í allan bakstur. Reynsla okkar sýnir að einstaklega gott er að baka úr lífrænt ræktuðu spelti.

Himneskt að elda

Titill fyrir þetta

Lummur

  • 250g spelt, t.d. fínt og gróft til helminga
  • 2 tsk lyftiduft
  • 1 tsk vanilla, dropar eða duft
  • 1/2 tsk kardimomma, dropar eða duft
  • 1/2 ltr mjólk að eigin vali
  • 1 msk ólífuolía
  • 2 tsk agave síróp
  • smá salt

Gott er að láta deigið hvíla aðeins áður en lummurnar eru bakaðar á pönnu við meðalhita.

Lesa alla uppskriftina

Fljótleg speltpizza

Botn

  • 250 g spelt , fínt og gróft til helminga
  • 2-3 tsk lyftiduft
  • ½ tsk sjávarsalt
  • 1 tsk óreganó
  • 2 msk ólífuolía
  • 1,3 dl heitt vatn

Blandið þurrefnum saman í skál, bætið svo olíunni og vatninu út í og hrærið með gaffli (deigið er heitt).

Hnoðið svo örstutt með fingrunum og fletjið út tvo þunna pizzubotna. Forbakið botnana við u.þ.b. 190°C í 3-5 mínútur (fylgist með að brenni ekki við).

Pizzusósa

  • 2 msk tómatpúrra
  • 1 krukka tómatpassata/maukaðir tómatar
  • 1-2 hvítlauksrif – pressuð
  • 2 tsk þurrkað oregano
  • 2 tsk þurrkað timjan
  • 1 tsk sjávarsalt

Smyrjið pizzusósunni á botnana um leið og þeir koma úr ofninum, til að halda þeim mjúkum. Stráið ykkar uppáhalds osti yfir ásamt góðu áleggi.

Bakið þar til osturinn er bráðinn og áleggið lítur vel út.


Lesa alla uppskriftina

Gróft glóbrauð

  • 2 ½ dl gróft spelt
  • 2 ½ dl fínt spelt
  • 1 dl sesamfræ
  • 1 dl graskerjafræ
  • 1 msk vínsteinslyftiduft
  • ½ tsk salt
  • 1 msk hlynsíróp (eða hunang)
  • 2 dl vatn
  • 1 msk sítrónusafi

Hitið ofninn í 180°C, blandið þurrefnunum saman í skál, hellið vatni og sítrónusafa og sírópi út í og hrærið þessu saman. Setjið deigið í meðalstórt smurt form. Bakið við 180°C í um 30 mín, takið brauðið úr forminu og haldið áfram að baka í 10 mín. Það er gott að setja allskonar hnetur og fræ útí, ásamt sólþurrkuðum tómötum, ólífum, hvítlauk, gojiberjum eða því sem þig langar mest í.

Lesa alla uppskriftina