Þurrvara

Spelthveiti, fínmalað

Bökunarvörur og mjöl

1000 g

  • Fínt spelthveiti

Innihald

Fínt SPELTHVEITI*
*Lífrænt ræktað 

Gæti innihaldið snefilmagn af glúteni frá öðrum kornvörum og sesamfræ.

Næringargildi í 100g

  • Orka: 1475 kJ/348 kkal
  • Fita: 2,1g
    þar af mettuð: 0,4g
  • Kolvetni: 68g
    þar af sykurtegundir: 1,6g
  • Trefjar: 5,1g
  • Prótein: 12g
  • Salt: <0,01g
  • TUN EU

    DE-ÖKO-007
    ESB-landbúnaður


Geymist á þurrum og svölum stað.

Spelt er gömul korntegund sem nú er víða ræktað í Evrópu og gengur undir nafninu Dinkel í Þýskalandi og Farro á Ítalíu. Speltkornið hefur þykkt og mikið hýði sem þarf að fjarlægja við vinnslu. Kosturinn við þetta þykka hýði er að það ver kornið vel fyrir utanað komandi mengun og auðveldara er að rækta spelt án skordýraeiturs. 

Speltið okkar er lífrænt og hreinræktað, malað í sérstökum steinkvörnum til að viðhalda sem mestri næringu í mjölinu. Í fínmalaða speltinu okkar hefur aðeins það allra grófasta verið sigtað frá og restin mjög fínt möluð. Þetta gerir það að verkum að lítið tapast af næringarefnum. Nota má spelt á sama hátt og hveiti og heilhveiti í allan bakstur. Reynsla okkar sýnir að einstaklega gott er að baka úr lífrænt ræktuðu spelti. 

Himneskt að elda

Titill fyrir þetta

Súkkulaði og rauðrófu muffins

  • Muffins

  • 3 b spelt
  • 3 msk maísmjöl
  • 1¾ b hrásykur
  • 2 msk kakó
  • 1 tsk sjávarsalt
  • 2 tsk matarsódi
  • 2/3 b olía
  • 1 b vatn
  • 1 b soðnar rauðrófur, skornar í bita
  • 2 msk eplaedik
  • 1 tsk vanilludropar

  • Krem

  • 200g vegan smjör eða smjör
  • 1 tsk sítrónusafi
  • 2 tsk vanilludropar
  • ¼ tsk sjávarsalt
  • 400g flórsykur


Muffins

Hitið ofninn í 180°C

Setjið þurrefnin í skál og blandið vel saman.

Setjið olíu, vatn, rauðrófur, eplaedik og vanilludropa í blandara og maukið vel saman

Hellið rauðrófublöndunni saman við þurrefnablönduna og hrærið saman.

Smyrjið muffinsform og setjið deigið í, þetta gera ca 20 muffins.

Bakið við 180°C í 25 mín.

Kælið áður en þið setjið kremið á.

 

Krem

Skerið smjörið í litla bita og setjið í hrærivél og hrærið í 2 mín, bætið sítrónusafa, vanilludropum og sjávarsalti út í, hrærið í 1 mín í viðbót.

Sigtið flórsykurinn út í og hrærið þar til allt hefur blandast vel og er orðið að léttu og girnilegu kremi.

Smyrjið ofan á muffinsin.

Skreytið með ristuðum hnetum, ef ykkur langar.


Lesa alla uppskriftina

Gróft glóbrauð

  • 2 ½ dl gróft spelt
  • 2 ½ dl fínt spelt
  • 1 dl sesamfræ
  • 1 dl graskerjafræ
  • 1 msk vínsteinslyftiduft
  • ½ tsk salt
  • 1 msk hlynsíróp (eða hunang)
  • 2 dl vatn
  • 1 msk sítrónusafi

Hitið ofninn í 180°C, blandið þurrefnunum saman í skál, hellið vatni og sítrónusafa og sírópi út í og hrærið þessu saman. Setjið deigið í meðalstórt smurt form. Bakið við 180°C í um 30 mín, takið brauðið úr forminu og haldið áfram að baka í 10 mín. Það er gott að setja allskonar hnetur og fræ útí, ásamt sólþurrkuðum tómötum, ólífum, hvítlauk, gojiberjum eða því sem þig langar mest í.

Lesa alla uppskriftina

Fljótleg speltpizza

Botn

  • 250 g spelt , fínt og gróft til helminga
  • 2-3 tsk lyftiduft
  • ½ tsk sjávarsalt
  • 1 tsk óreganó
  • 2 msk ólífuolía
  • 1,3 dl heitt vatn

Blandið þurrefnum saman í skál, bætið svo olíunni og vatninu út í og hrærið með gaffli (deigið er heitt).

Hnoðið svo örstutt með fingrunum og fletjið út tvo þunna pizzubotna. Forbakið botnana við u.þ.b. 190°C í 3-5 mínútur (fylgist með að brenni ekki við).

Pizzusósa

  • 2 msk tómatpúrra
  • 1 krukka tómatpassata/maukaðir tómatar
  • 1-2 hvítlauksrif – pressuð
  • 2 tsk þurrkað oregano
  • 2 tsk þurrkað timjan
  • 1 tsk sjávarsalt

Smyrjið pizzusósunni á botnana um leið og þeir koma úr ofninum, til að halda þeim mjúkum. Stráið ykkar uppáhalds osti yfir ásamt góðu áleggi.

Bakið þar til osturinn er bráðinn og áleggið lítur vel út.


Lesa alla uppskriftina