Uppskrift

• Ofnbakaður grautur

• 2 ½ dl basmati hrísgrjón, lífræn frá Himneskt

  
• 3 dl vatn
  
• 1 l sojamjólk, lífræn (hægt að nota aðra jurtamjólk)
  
• 1 msk vanilludropar
  
• ¼ tsk sjávarsalt kanilstöng (ef þið eigið, má alveg sleppa)

  

• Jólagrautur 


• 1 skammtur grjónagrautur
  
• 1 peli (ca 250ml) sojarjómi eða þinn uppáhalds þeytanlegi rjómi (t.d. Oatly, Alpro eða Soyatoo)
  
• 100g möndlur- ristaðar og saxaðar

  
• kirsuberjasósa ef vill
  

Hitið ofninn í 175°C 


Skolið hrísgrjónin í sigti. 


Setjið grjónin í pott ásamt vatninu og látið sjóða í nokkrar mínútur á hellu, þar til lítið vatn er eftir. 


Hellið nú allri sojamjólkinni út í pottinn og látið suðuna koma upp, þannig að grjónin taki aðeins í sig vökvann. 


Setjið nú pottinn (án loks) inn í forhitaðan ofninn (175°C) og látið bakast í u.þ.b. 40 mínútur. 
Passið að nota pott eða eldfast mót sem þolir að fara í ofninn, t.d. ekkert með plasti á sem gæti bráðnað. Og ílátið verður líka að vera nógu stórt, ekki fylla alveg. 


Fyrir grjónagraut:

Takið himnuna af og berið fram með jurtamjólk og kanilsykri. 


Fyrir jólagraut:

Takið himnuna af og færið grautinn í skál. Gott að hrærar aðeins upp í honum svo hann verði ekki of þéttur.
 Geymið skálina í kæli í amk 2 klst.



Saxið möndlurnar og ristið í ofni í smástund. Kælið.


Þeytið rjómann.


Takið grautinn úr kælinum, blandið möndlunum og þeyttum rjómanum varlega saman við.


Berið fram með kirsuberjasósu eða því sem ykkur þykir best.

Sumir vilja kanilsykur eða bráðið súkkulaði.